રાહુલ પછી ઋષભ પંતે પણ સદી ફટકારી, ભારતે મેળવી ન્યુઝીલૅન્ડ પર મોટી લીડ - ન્યૂઝ અપડેટ

ઇમેજ સ્રોત, Kerry Marshall/Getty Images
ભારતે ન્યુઝીલૅન્ડ સામેની પ્રથમ ટેસ્ટમાં 650 થી વધુ રન બનાવ્યા છે અને ભારતની લીડ 280થી વધુ થઈ ગઈ છે.
ટેસ્ટ મૅચના ચોથા દિવસે ભારત માટે ઋષભ પંતે સદી ફટકારી છે અને 153 બૉલમાં 128 રન બનાવ્યા છે. ઋષભે તેની ઇનિંગમાં 10 ચોગ્ગા અને છ છગ્ગા ફટકાર્યા.
આ પહેલાં કે.એલ. રાહુલે પણ સદી ફટકારી હતી, જ્યારે કૅપ્ટન શુભમન ગિલ 98 રન બનાવીને આઉટ થયા હતા.
હાલમાં, ભારત તરફથી ધ્રુવ જુરેલ અને વોશિંગ્ટન સુંદર ક્રીઝ પર હાજર છે.
ન્યુઝીલૅન્ડે પોતાની પહેલી ઇનિંગમાં 368 રન બનાવ્યા હતા, જેમાં હેનરી નિકોલ્સે સૌથી વધુ 175 રન બનાવ્યા હતા, જ્યારે ગ્લેન ફિલિપ્સે 118 રન બનાવ્યા હતા.
ટ્રમ્પે કહ્યું, ઈરાનમાં શાસન-પરિવર્તનમાં રસ નથી

ઇમેજ સ્રોત, Kevin Dietsch/Getty Images
મધ્ય પૂર્વમાં ફરી તણાવ વધી રહ્યો છે. ઈરાને બહેરીનમાં અમેરિકન બેઝ પર હુમલાનો દાવો કર્યો છે અને એક અમેરિકન ફાઇટર જેટને તોડી પાડ્યું હોવાના અહેવાલ છે.
દરમિયાન, અમેરિકાના રાષ્ટ્રપતિ ડોનાલ્ડ ટ્રમ્પે કહ્યું છે કે તેઓ ઈરાન સાથે ફક્ત 'ટકાઉ અને લાંબા ગાળાનો' કરાર ઇચ્છે છે.
"મને ક્યારેય સત્તાપરિવર્તનમાં બહુ રસ રહ્યો નથી," ટ્રમ્પે ફૉક્સ ન્યૂઝ સાથેના ફોન પર આપેલ ઇન્ટરવ્યુમાં કહ્યું. "કેટલાક લોકો સત્તાપરિવર્તન વિશે વાત કરે છે, પરંતુ તમારે તેનો મતલબ શું છે તે પણ સમજાવવું પડશે."
End of સૌથી વધારે વંચાયેલા સમાચાર
તેમણે કહ્યું, "મેં અત્યાર સુધીમાં બે સરકારોનો અંત લાવ્યો છે. ગ્રુપ વન અને ગ્રુપ ટુ. હવે અમે ગ્રુપ થ્રી સાથે કામ પાર પાડી રહ્યા છીએ. તો તમે તેને અંતિમ સત્તાપરિવર્તન પણ કહી શકો છો."
"ત્રીજા જૂથનું વલણ બહુ અલગ નથી. કદાચ તેઓ વધુ સમજદાર છે, પરંતુ તેમની સાથે કામ કરવું ખૂબ જ મુશ્કેલ છે. મારો મતલબ છે કે, અમે જ્યારે એક સોદો કરીએ છીએ અને બીજા દિવસે તેઓ તેને તોડી નાખે છે," ટ્રમ્પે કહ્યું.
તેમણે કહ્યું કે તેઓ ઈરાન સાથે એવો કરાર કરવા માંગે છે જે લાંબા સમય સુધી કારગર રહે.
ટ્રમ્પના મતે, "જેથી જો ચાર, 15 કે 20 વર્ષ પછી કોઈ અયોગ્ય રાષ્ટ્રપતિ સત્તામાં આવે, તો પણ ઈરાન પરમાણુ શસ્ત્રો મેળવી શકે નહીં."
બીબીસી માટે કલેક્ટિવ ન્યૂઝરૂમનું પ્રકાશન


























