Arestio dyn ar amheuaeth o geisio llofruddio wedi gwrthdrawiad ger Aberystwyth
Fe ddigwyddodd y gwrthdrawiad ar yr A44 ger Capel Bangor nos Fawrth
- Cyhoeddwyd
Mae dyn 24 oed wedi cael ei arestio ar amheuaeth o geisio llofruddio yn dilyn gwrthdrawiad ger Aberystwyth.
Mae Heddlu Dyfed-Powys yn apelio am dystion i'r digwyddiad ar yr A44 ger Capel Bangor tua 20:50 nos Fawrth.
Dywedodd y llu mai un cerbyd oedd yn rhan o'r gwrthdrawiad.
Mae'r dyn hefyd wedi cael ei arestio ar amheuaeth o gamdrin domestig a gyrru peryglus, ac mae'n parhau yn y ddalfa.
Dywedodd yr heddlu bod y tîm troseddau difrifol yn ymchwilio i'r digwyddiad, a'u bod yn benodol eisiau siarad gydag unrhyw un welodd stŵr yn ardal Capel Bangor cyn y gwrthdrawiad.
