జెట్లీ: జేమ్స్‌‌ బాండ్ హీరోగా సత్య ప్రయత్నం అలరించిందా?

- రచయిత, జీఆర్ మ‌హ‌ర్షి
- హోదా, బీబీసీ కోసం
9 గంటలు క్రితం
చదివే సమయం: 4 నిమిషాలు

స‌త్య హీరోగా , మ‌త్తు వ‌ద‌ల‌రా ఫేమ్ రితేష్ రాణా ద‌ర్శ‌క‌త్వంలో జెట్లీ థియేట‌ర్‌లోకి వ‌చ్చింది. వీళ్లిద్ద‌రి కాంబినేష‌న్ అంటేనే అంచ‌నాలుంటాయి.

మ‌రి ఈ సినిమా ఆ అంచనాలను అందుకుందా లేదా చూద్దాం.

క‌థ ఏమంటే.. ప్ర‌జాపతి (అజ‌య్‌) ప్ర‌జ‌ల సొమ్ముని దోచేసి బ్యాంకుని దివాళా తీయించి విదేశాల‌కు పారిపోతాడు.

దుబయ్‌లో ఉన్న అత‌ను లొంగిపోవాల‌ని నిర్ణ‌యించుకుంటే పోలీస్ అధికారి రియా సింఘా త‌న బృందంతో బ‌య‌లుదేరి వెళుతుంది.

ప్ర‌జాపతిని సుర‌క్షితంగా తీసుకురావ‌డానికి విమానం ఎక్కుతుంది. అయితే అదే విమానంలో అత‌న్ని ర‌క్షించాల‌ని అనుకున్న‌వాళ్లు , శిక్షించాల‌ని అనుకునేవాళ్లు , ర‌క‌ర‌కాల వ్య‌క్తులున్నారు.

వారి మ‌ధ్య‌లో డాక్ట‌ర్ వ్యాస్ (స‌త్య‌) ఉంటాడు. అయితే, తానెవ‌రో అత‌నికి గుర్తుండ‌దు. వీళ్లంద‌రి మ‌ధ్య ప్ర‌జాప‌తికి ఆ విమానంలో ఏం జ‌రిగింది? సుర‌క్షితంగా వ‌చ్చాడా? లేదా?

ఫొటో క్యాప్షన్, బీబీసీ న్యూస్ తెలుగు వాట్సాప్ చానల్‌లో చేరడానికి ఇక్కడ క్లిక్ చేయండి

నిజానికి ఈ సినిమాలో క‌థంటూ ఏమీ లేదు. ముఖ్యంగా క‌థ‌నం (స్క్రీన్ ప్లే) మీద‌ ఆధార‌ప‌డిన సినిమా. ఊహించ‌ని మ‌లుపులు, ఉత్కంఠ ఇలాంటి సినిమాల‌కి ప్రాణం.

ప్రారంభంలో కొంత ఆస‌క్తిగా అనిపించినా, క్ర‌మేపీ విసుగ్గా అనిపిస్తే ప్రేక్షకుడి తప్పుకాదు.

Skip ఎక్కువమంది చదివినవి and continue reading

ఎక్కువమంది చదివినవి

End of ఎక్కువమంది చదివినవి

దీనికి కార‌ణం సినిమా మొత్తం విమానంలో జ‌ర‌గ‌డం. బ‌రువంతా స‌త్య భుజాల మీదే ఉండ‌డం.

ఒక ద‌శ దాటిన త‌ర్వాత ఎవ‌రెవ‌రో, స్క్రీన్ మీద అస‌లు ఏం జ‌రుగుతుందో అర్థం కాదు. ప్ర‌జాప‌తిని ఇండియాకి తీసుకురావ‌డానికి రిస్క్ ఉన్న‌ప్పుడు మామూలు విమానంలో ఎందుకొచ్చారో తెలియ‌దు.

యాక్షన్ కామెడీ మంచిదే, కానీ..

స‌రే లాజిక్‌లు వ‌దిలేస్తే స‌త్య జేమ్స్‌బాండ్ త‌ర‌హాలో ఎన్ని ర‌కాల సాహ‌సాలు చేస్తాడో ఊహించ‌లేం.

విమానం న‌డ‌ప‌డం ద‌గ్గ‌రి నుంచి , విమానంలోంచి దూక‌డం వ‌ర‌కు ఏదైనా చేసేస్తాడు. స‌త్య కామెడీని చూస్తారు కానీ, యాక్ష‌న్‌ని భ‌రించ‌డం కొంచెం క‌ష్టం.

కామెడీలో బిజీగా ఉన్న‌వాళ్లు హీరోలుగా ప్రయత్నించడం, యాక్ష‌న్ కామెడీలు చేయ‌డం త‌ప్పుకాదు కానీ , చివ‌రికి కెరీర్ ఇబ్బందుల్లో పడకుండా చూసుకోవడం కూడా ప్రధానమే.

స‌ప్త‌గిరి దీనికి ఉదాహ‌ర‌ణ‌. స‌త్య కూడా ఆ దారిలో వెళ్ల‌క‌పోతేనే మంచిది.

Skip content and continue reading

End of content