BBC News, پښتو - کور پاڼه

مهم خبرونه

ژوندۍ پاڼه, ډونلډ ټرمپ وايي "د ایران ځواب هېڅ د منلو وړ نه دی"
د امریکا ولسمشر ډونلډ ټرمپ پر خپله ټولنيزه رسنۍ يوه تازه پوسټ کې ويلي چې د ایران ځواب یې لوستلی خو په وینا یې دا "هېڅ د منلو وړ نه دی." ټرمپ لیکلي، "ما د ایران د تش په نامه استازو ځواب ولوست، زما خوښ نه شو، دا هېڅ د منلو وړ نه دی!".
کابل کې درې خبریالان نیول شوي دي
د افغانستان د خبریالانو د مرکز په نامه ټولنې د طالبانو د حکومت لخوا د درېیو خبریالانو پر نیول کېدو خواشینې ښودلې ده. دا ټولنه وايي، د طلوع نیوز دوه خبریالان او د پیګرد خبري اژانس یو خبریال تازه نیول شوي او د برخلیک په اړه یې معلومات نشته.
۹ دقیقې وړاندې
نړیوالې ادارې: پاکستان تېرو څلورو میاشتو کې له ۵۰ زرو ډېر افغانان نیولي
د ملګرو ملتونو د کډوالو اداره یو این ایچ سي ار او د مهاجرت نړیواله اداره ای او اېم وايي" پاکستان کې افغان کډوال هره ورځ او هر چېرې د نېولو او توقیف له سخت حالت سره مخ دي." په رپوټ کې راغلي تر ټولو ډېر ۶۶ سلنه افغانان بلوچستان کې ۱۵ سلنه خیبر پښتونخوا، ۹ سلنه اسلام اباد او ۷ سلنه پنجاب کې نېول شوي دي. دغو ادارو پر پاکستان غږ کړی چې د کډوالو د جبري ستنولو او ناقانونه نیولو لاس واخلي.
۲۰ غویی ۱۴۰۵ - ۱۰ می ۲۰۲۶
د خیبرپښتونخوا بنو کې پر پوسته برید کې ۱۵ پولیس وژل شوي
د خیبر پښتونخوا بنو ولسوالۍ کې د پولیسو پر فتح‌خېل پوسته موټربم او وسله وال برید کې د وژل شویو کسانو شمېر ۱۵ ته لوړ شوی دی. تر دې ورمخکې د بنو د پولیسو د مشر سجاد خان له دفتره په یوه خپاره شوي بیان کې ویل شوي وو چې په موټربم برید کې د فتح‌خېل پوستې د نړېدلې ودانۍ له ویجاړیو د ۱۲ پولیسو مړي او درې ټپيان را ایستل شوي دي.
۲۰ غویی ۱۴۰۵ - ۱۰ می ۲۰۲۶
پوتین: د اوکرايين جګړه پای ته نږدې شوې ده
د دویمې نړیوالې جګړې پر مهال پر نازي جرمني د پخواني شوروي اتحاد د بري د کلیزې له مراسمو وروسته چې پر شنبه تر سره شول خبریالانو ته ویلي د اوکرایین ولسمشر غواړي چې له ده سره مخامخ وګوري خو دی به هله ورسره مخامخ وګوري چې پر یوې تلپاتې سولې هوکړه وشي.
۹ ساعتونه وړاندې

لنډې ویډیوګانې

په دې وسیله کې د غږ اوريدل او ویډیو لیدنه شونې نه ده.

بي بي سي پښتو اوس پر وټساپ هم شته

په خپل ګرځنډه ټلیفون کې د بي بي سي پښتو تازه خبرونه، څېړنیز رپوټونه او د افغانستان، پاکستان او نورې نړۍ په اړه ځانګړې معلوماتي لیکنې لوستلی شئ.

دلته یې کېکاږئ

ځانګړي مطالب

په نړۍ کې د جګړو راتلونکی: د روباټونو پر وړاندې د روباټونو جګړه
د بریتانيا او اوکرايين د وسلو جوړولو یوې کمپنۍ بي بي سي ته ويلي، ښايي يوه ورځ د اوکرايين د جګړې په ډګر کې د روباټونو شمېر د انساني ځواکونو پرتله زيات شي. دا څرګندونې وروسته له هغه شوې چې د اوکرايين ولسمشر ولودمير زيلېنسکي تېره مياشت ويلي وو چې د هېواد یوه ټوټه خاوره یې د لومړي ځل لپاره يوازې د روباټونو او بې پيلوټه الوتکو په کارولو سره له روسي ځواکونو بېرته نيولې ده.
۲۰ غویی ۱۴۰۵ - ۱۰ می ۲۰۲۶
"تلاسېمیا هم درملنه لري هم وقایه"
نن د تلاسیمیا ناروغۍ نړیواله ورځ ده. د رسمی شمېرو له مخې په افغانستان کې اوسمهال له ۵۰۰۰ ډېر کسان د دې ناروغۍ پر شدید ډول اخته دي. پخوا پر دې ناروغۍ د اخته کسانو د ژوند اوسط کچه ډېره ټیټه وه، خو د طب برخه وروستیو پرمختګونو د ګڼو نورو ناروغیو په څېر د تلاسیمیا درملنه هم ممکنه کړې ده.
۱۹ غویی ۱۴۰۵ - ۹ می ۲۰۲۶
امریکا د اروپا کومو سیمو کې اډې لري او موخه یې څه ده؟
امریکا په اروپا کې پراخ پوځي حضور لري. دا وچه د لسګونو امریکایي پوځي اډو کوربنه ده چې د څو څېړنیزو مرکزونو او امنیتي مطالعاتو د خپرو شویو معلوماتو له مخې، په هغو کې تر ۸۰ زرو ډېر امریکایي سرتېري دېره دي
۱۹ غویی ۱۴۰۵ - ۹ می ۲۰۲۶
ډېوېډ اټنبرا: هغه سړی چې وحشي طبیعت یې زموږ سترګو ته راوړ
سر ډېوېډ اټنبرا نن خپل سل کلن عمر پوره کوي او لا هم هغه ارام او د باور وړ غږ دی چې د میلیونونو خلکو په ذهنونو کې د طبیعت له نړۍ سره تړلی پاتې دی.
۱۹ غویی ۱۴۰۵ - ۹ می ۲۰۲۶
د بي بي سي د درس پروګرامونو ټولګه
د بي بي سي د درس پروګرامونو ټولګه

افغانستان لپاره د بي‌بي‌سي ټلوېزیوني خپرونې

بي‌بي‌سي نیوز افغانستان چې د سپوږمکۍ (سټلایټ) له لارې خپرېږي، د افغانستان، سیمې او نړۍ پر سیاست، اقتصاد، کلتور، لوبو او ټولنیزو چارو پام ساتي. دا خپرونې پر پښتو او دري ژبو خپرېږي .

د ټلویزیوني خپرونو لیدلو لپاره دا تڼۍ کېکاږئ