BBC News, پښتو - کور پاڼه

ویډیو,

کابل کې د لوی اختر د لومړۍ ورځې حال, موده 0,54

اشرف غني له متحده عربي اماراتو وتلی

د افغانستان مخکیني ولسمشر محمد اشرف غني ته دوو نژدې سرچینو بي بي سي ته وویل، چې ښاغلی غني له متحده عربي اماراتو وتلی دی او ''اوسمهال په یوه خوندي ځای کې دی.'' ښاغلي غني لږ مخکې ولس ته پر اېکس یوه اختریز پیغام کې لیکلي، چې له تېرو شپږو میاشتو راهیسې ''مې تاسو سره د خبرو مخه نیول شوې او غږ مې غلی شوی و. په دې موده کې مې سره له دې چې آواز نه در رسېده، زړه مې یوه شېبه له تاسې لرې او بې‌خبره شوی نه دی.''

ایران د امریکا وروستي بریدونه له اوربند "جدي سرغړونه" بللې ده

ایران وايي امریکا پر دغه هېواد د نويو هوايي بریدونو په ترسره کولو سره له اوربند "جدي سرغړونه" کړې ده. د امریکا پوځ د سې شنبې په ورځ ويلي وو چې د ایران په جنوب کې یې نوي بریدونه کړي او د ایران د توغنديو مرکزونه او هغه کښتۍ یې په نښه کړې چې د دوی په وینا "د ماينونو اېښودلو هڅه" یې کوله.

له راشد خان او ابراهيم ځدراڼ پرته د هند پر وړاندې ټېسټ لوبې ته د افغان لوبغاړو نوملړ؛ څه ډول یې بولئ؟

د افغانستان کرېکټ بورډ د سې شنبې په ورځ (۲۶ مې) د هند پر وړاندې يوې ټېسټ لوبې او دريو يو ورځنيو سياليو لپاره د لوبغاړو نومونه اعلان کړل. د ټېسټ لوبې په لوبغاړو کې وتلی ورو توپ اچوونکی راشد خان او همدا راز تکړه توپ وهونکی ابراهیم ځدارڼ نشته. راشد خان اوسمهال د هند غوره لیګ کې لوبېږي او ويل کېږي ډاکترانو ورته د دمې سپارښتنه کړې ده. ابراهیم ځدراڼ هم د روغتیايي مسئلو له کبله د ټېسټ لوبې لپاره نه دی غوره شوی.

مجتبی خامنه‌ يي: امریکا به نور په سیمه کې خپلو اډو ته هېڅ خوندي ځای و نه مومي

د ایران ستر مذهبي مشر مجتبی خامنه‌اي په یوه لیکلي پيغام کې ویلي چې د سیمې هېوادونه به نور امریکايي اډو ته ډال پاتې نه شي. ښاغلی خامنه‌اي چې په تېره مارچ میاشت کې د خپل وژل شوي پلار تر ځای‌ناستي ټاکل کېدو وروسته په عام محضر کې نه دی راڅرګند شوی، نننی لیکلی پیغام یې د ایران دولتی تلویزون خپور کړی دی. هغه د حج په مناسبت په دغه پیغام کې ویلي، "یقیني خبره دا ده چې د وخت د ساعت ستن شا ته نه راګرځي او نور به د سیمې ملتونه او ځمکه د امریکايي اډو لپاره ډال/سپر و نه اوسي".

د افغان نجونو پرزده کړو بنديز: "کله چې د خپل عمرهلکان ووینم چې پوهنتونونو ته ځي - د خپل نه فراغت له امله ډېر بد احساس کوم"

عالیه چې موږ یې د خوندیتوب لپاره نوم بدل کړی، له خپل کور او کلي‌ سلګونه کیلومتره لېرې کابل ته سفر کړی چې له جبري واده وتښتي.‌ هغې چې کله تېر کال له خپلې ترور لور سره دا استثنایي سفر کاوه نو په افغانستان کې د نافذ قوانین له مخې له سر تر پښو پورې پوښلې وه او یوازې سترګې یې ښکارېدي.