You’re viewing a text-only version of this website that uses less data. View the main version of the website including all images and videos.
In fotos: Di looks wey steal di night for di AMVCA 2026
Di 2026 edition of di Africa Magic Viewers' Choice Awards on Saturday 9 May na anoda grand celebration of African film, fashion and storytelling, wey bring togeda di continent biggest stars for a night filled wit glamour, emotion and well-deserved recognition.
From ogbonge red carpet appearances to defining career moments on stage, di ceremony once again prove why di AMVCA remain one of di most prestigious platforms for African entertainment.
Linda Ejiofor bin emerge di biggest individual winner afta she make history to win di Best Lead Actress for The Serpent's Gift and di Best Supporting Actress for The Herd.
Linda Ejiofor double victory na one of di defining highlights of di night, and e further cement her place as one of Nollywood most versatile performers.
Uzor Arukwe win di Best Lead Actor for Colours of Fire, while Bucci Franklin win di Best Supporting Actor for To Kill a Monkey.
For Uzor Arukwe, di lead actor win mark anoda major milestone for im career wey don continue to gain momentum in recent years.
