You’re viewing a text-only version of this website that uses less data. View the main version of the website including all images and videos.
Black Sherif win Ghana music awards artiste for 2026
Mohammed Ismail Sherif wey im stage name be Black Sherif aka Blacko don win Ghana Music Awards Artiste of di Year 2026.
Dis be afta im beat five odas for di tense awards show wey happun for di Accra International Conference Centre on Saturday 9 May.
Black Sherif also pick up three oda awards on di night.
Di 'Sacrifice' hitmaker win di ogbonge award for only di second time afta im win Artiste of di Year for 2023.
Blacko beat competition from Medikal wey bin win three awards on di night.
Medikal carry im monster hit song 'Shoulder ft Shatta Wale, Beeztrap' to win Hiplife Song of di Year, Best Collaboration of di Year and Most Popular Song of di Year.
Di 24-year-old im 'Iron Boy' album wey im release for 3 April 2025 win Album of di Year.
Black Sherif im song 'Sacrifice' on top di album also win Afropop Song of di Year.
End of Di one wey oda users dey read well well
Anoda song from di album (Where Dem Boys) also win Hiphop Song of di Year.
Di musician also win Song Writer of di Year award.
Afta im pick di ultimate award, Black Sherif tank im fans and family for dia support.
"Make God bless evribodi wey dey listen to my songs, I love you all. I also dedicate dis song to all my fans," Black Sherif tok.
Im promise im fans say more music dey road top dey come.
Oda nominees for di Artiste of di Year category like Wendy Shay win Afrobeats/Afropop Artiste of di Year.
Stonebwoy wey don win Artiste of di Year two times (2015 and 2024), win Reggae/Dancehall Artiste of di Year for di 10th time.
Gospel musician Diana Hamilton win Gospel Artiste of di Year.
Full list of winners
Best Hiplife Song
Medikal Ft. Shatta Wale & Beeztrap KOTM – Shoulder
Best Hiplife/Hip-hop Artiste of di Year
Medikal
Best Highlife Artiste of di Year
Kofi Kinaata
Best Female Vocal Performance of di Year
Enam – Amin
Best Highlife Song of di Year
Kofi Kinaata – It is Finished
Best Traditional Gospel Song
Piesie Esther – Nyame Ye
Best HipHop Song of di Year
Black Sherif – Where Dem Boys
Best Afrobeats Song of di Year
Kojo Blakk Ft Kelvin Boy – Excellent
Best Afropop Song of di Year
Black Sherif – Sacrifice
Best Music Video of di Year
AraTheJay – Put am on God
Best Male Vocal Performance of di Year
Asiama – Akoma
Best Afrobeats/AfroPop Artiste of di Year
Wendy Shay
Best Rap Performance of di Year
Strongman – Mensei Da
Best Highlife Artiste of di Year
Kofi Kinaata
Song Writer of di Year
Black Sherif – Sacrifice
Collaboration of di Year
Medikal Ft Shatta Wale & Beeztrap – Shoulder
Group of di year
Keche
International Collaboration of di Year
Moliy Ft Shenseea, Skillbeng & Silent Addy – Shake it to the Max
Best Urban/Contemporary Gospel Song of di Year
Kofi Owusu Peprah – Big God Afro
Best Reggae/Dancehall Artiste of di Year
Stonebwoy
Best Gospel Artiste of di Year
Diana Hamilton
Album/EP of di Year
Iron Boy – Black Sherif
Most Popular Song of di Year
Medikal Ft Shatta Wale & Beeztrap – Shoulder
Reggae/Dancehall Song of di year
Moliy Ft Shenseea, Skillbeng & Silent Addy – Shake it to the Max
Best New Artiste of di Year
Kojo Blak
Record of the Year
Kwabena Kwabena – Enso Nyame Y3
Audio Engineer of di Year Nominees
Daniel Grull – Enso Nyame Y3
Music for Good
Lali x Lola (Crox it out breast cancer awareness song)
Best African Song
Davido ft Omah Lay - With you
Artiste of di Year
Black Sherif
