BBC News, Кыргыз КызMATы - Башталгыч бет
Башкы кабарлар
Кытайдагы көмүр шахтасындагы жарылуудан 90го чукул жумушчу каза болду
Кытайдын түндүгүндөгү Шаньси провинциясындагы көмүр шахтасында газ жарылып, кеминде 90 адам каза болду. Бул тууралуу Кытайдын Борбордук телекөрсөтүүсүнө шилтеме берүү менен Reuters агенттиги билдирди. Кырсык болгон жерде жүздөгөн куткаруучулар иштеп жатышат. Саламаттыкты сактоо мекемелерине 100дөн ашык адам жеткирилгени кабарланууда.
Эки айга камалды. Жаныбек Кубандыков ким?
Бишкек шаарынын Ленин райондук соту президент Садыр Жапаровдун мурдагы кеңешчиси Жаныбек Кубандыковдун баш коргоо чарасын карап, эки айга камакта калтырды.
Луганск: Путин колледжге жасалган чабуулдан кийин Коргоо министрлигине "сунуштарды киргизүүнү" буйруду, ал эми Украина аскердик буталарга сокку урулганын билдирди
Украиналык учкучсуз учактар 22-майга оогон түнү оккупацияланган Луганск облусундагы Старобельск шаарындагы колледждин жатаканасына сокку урганын Орусия бийлиги билдирүүдө. Алардын маалыматы боюнча, алты адам каза болгон.
"Туулган күнүмө "Орус жамааты" келди". Жаңы улутчулдардын бейнеси
Разия менен Катя бири-бирине такыр окшобойт. Бири Кыргызстандан Сибирдеги айылга көчүп келген көп балалуу эне болсо, ал эми экинчиси Архангельскидеги жаштар үчүн өзгөчө кечелердин уюштуруучусу. Бирок, аларды бириктирген бир окуя бар – экөө тең "Орус жамаатынан" жапа чегишкен. "Орус жамааты" – бул Орусиядагы эң ири улутчул уюм.
Күндүн видеосу
Би-Би-Синин WhatsApp каналына катталыңыз
Биздин каналдан дүйнөдөгү жана Кыргызстандагы күндүн башкы жаңылыктарын жана Би-Би-Синин эксклюзивдүү баяндарын биринчилерден болуп окуңуз
Редактордун тандоосу
АКШнын Улуттук чалгындоо кызматынын директору Тулси Габбард кызматтан кетти
Жума күнү Тулси Габбард президент Дональд Трамптын тушундагы Улуттук чалгындоо кызматынын директору постунан кетип жатканын билдирип, өзүнүн кызматтан кетүү тууралуу жазуу түрүндөгү билдирүүсүн Х платформасына жарыялады.
Кыргызстан чет элдик жумушчулар үчүн квотаны 100 миңге чейин көбөйттү
Кыргызстан чет элдик жумушчулар үчүн берилүүчү квотаны 52 миңден 100 миң адамга чейин көбөйттү. Бул тууралуу Министрлер кабинетинин төрагасы Адылбек Касымалиевдин 30-апрелдеги тескемесинде көрсөтүлгөн.
"Ала-Тоо" адабий журналы кайрадан басылып чыга баштады
"Ала-Тоо" адабий-көркөм журналы кайрадан ишин жандантып, басылып чыга баштады. Бул тууралуу президент Садыр Жапаров өзүнүн Facebook баракчасына жазды.
Бишкекте электр чыгырыгына тыюу салынышы мүмкүнбү?
Бишкек шаарынын мэри Айбек Жунушалиев калаада электр чыгырыктарды колдонуу тартиби жөнгө салынбаса, аларга толугу менен тыюу салына турганын эскертти. Бул тууралуу ал "Ачык кабинет" иш-чарасында айтты.
Ош шаардык төрөт үйүнүн башчысы коррупцияга шектелип кармалды
Ош шаардык төрөт үйүнүн башчысы коррупцияга шектелип кармалды. Бул тууралуу УКМК билдирди.
УКМК Жаныбек Кубандыков алдамчылыкка шектелип кармалганын ырастады
Кыргызстандын Улуттук коопсуздук мамлекеттик комитети Жаныбек Кубандыков кармалганын 21-майда маалымдап, сүрөтүн да жарыялады. Ал "чет өлкөлүк инвесторлорго карата өзгөчө ири өлчөмдө алдамчылык кылган" деп шектелүүдө.
Украинадагы согуш: Днепр шаарына, Харьков облусуна сокку урулуп, адам өмүрлөрү кыйылды
Орусиянын соккусунан Украинанын Сумы шаарында үч адам жаракат алды. Бул тууралуу шаардык администрациянын башчысы Сергей Кривошеенко билдирди.
Манас шаарындагы спорт мектебин оңдоодо коррупция фактылары аныкталды
Манас шаарындагы спорт мектебин реконструкциялоодо коррупция фактылары аныкталды. Бул тууралуу УКМК билдирди. Маалыматка караганда, Манас шаарындагы Олимпиадалык резервдин регионалдык мектебинде оңдоо-курулуш иштерин жүргүзүү жана кошумча инфраструктураларды куруу учурунда мамлекетке 7 млн. сомдон ашуун материалдык зыян келтирилгенин аныкталган. “Билим берүү мекемесинин жооптуу кызматкерлери жалданма уюмдар менен сүйлөшүп алып, мектептин инфраструктурасын жакшыртуу үчүн Президенттик фонддон бөлүнгөн каражаттын бир бөлүгүн өздөштүрүп алышкан”,- деп айтылат маалыматта. Бул факты боюнча Кылмыш-жаза кодексинин 337-беренесинин 3-бөлүгүндө каралган кылмыш белгилери боюнча кылмыш иши козголгон. Тергөө иш-чараларынын алкагында техникалык көзөмөл боюнча адис К.К.М. кармалып, УКМКнын убактылуу кармоочу жайына киргизилгени айтылат. УКМК тарабынан иштин бардык жагдайларын жана тиешеси бар адамдарды аныктоо боюнча иштер улантылууда.
Камчыбек Ташиев баштаган сегиз адамдын иши боюнча сот отуруму болбой калды
Бүгүн, 21-майда Бишкектин Биринчи май райондук сотунда Камчыбек Ташиев баштаган сегиз адамдын иши боюнча сот отуруму өтпөй калды. Бул тууралуу Би-Би-Сиге мурдагы элчи жана министр Эмилбек Узакбаевдин жактоочусу Акынбек Ногоев билдирди.
Чубак ажы Жалиловго жана бир катар диний ишмерлерге мамлекеттик сыйлыктар ыйгарылды
Кыргызстан мусулмандарынын дин башкармалыгынын мурдагы муфтийи Чубак ажы Жалиловго "Ак Шумкар" өзгөчө белгисин тапшыруу менен "Кыргыз Республикасынын Эл Баатыры" эң жогорку артыкчылык даражасы ыйгарылды. Тиешелүү жарлыкка президент Садыр Жапаров кол койду.
Би-Би-Си ТВ жаңылыктары
Би-Би-Си Кыргыз кызматынын эл аралык жаңылыктарын көрүңүз.
