'Kun bara xumuraakooti' -Ronaaldoon barana soorama bahuufi

Kiristaanoo Roonaaldoon gahumsa olaanaan erga kubbaa waggoota dheeraaf taphataa turee bara dorgommii kana akka xumureen soorama akka bahu hime.

Taphataan ganna 41 Roonaaldoon jaalallee isaa yeroo dheeraa kan turte Joorjiinaa torban darbe fuudhe. Fuulduree isaa maatii isaaf yeroo gahaa kennuuf akka karoorse eeruu kenne.

Yeroo shan badhaasa Ballon d'Or kan mo'ate Roonaaldoon waancaa Shaampiyoonsi Liigii yeroo shan mo'achuudhaanis taphataa gahumsa isaa mirkaneessedha.

Ingiland, Ispeen, Xaliyaanii fi Sawud Arabiyaatti waancaawwan hedduu mo'ateera.

Al Naasir waliin kontiraata waggaa tokkoo qaba. Leenjisaa kilebichaa kan turan achumatti soorama akka bahu himaniiru.

Al naasir waliin waggoota afur tureera.

Kubba miilaa dhiirotaan addunyaa irraa galchii 976 galchuun rikardii qaba. Kaayyoon isaa 1,000 gahee soorama bahuudha. Akka durii isaa yoo bara dorgommii tokkotti galchii 20 fi isaa ol lakkoofsisuu danda'e rikardicha fageessee kaa'uu danda'a.

"Kubba miilaa keessatti kun isa xumuraakooti. Leegaasii addaa galmeesseen xumuruu barbaada'' jedhe waa'ee cidha isaa yeroo gaafatamu kan deebise Roonaaldoon.

"Karoorrikoo fuulduraa qophaa'eera. Hojiiwwan baay'een na ko'oomsan jiru. Garuu waan isinitti himuu fi ulfaatu tokko kubba miilaa dhiisanii bahuudha.

Qaawwaa kana hojiiwwan adda addaan yoo guutte malee yeroo kubbaa irratti dabarsitu bakka buusuun ulfaataadha. Hojii tokkoon qofa bakka buusuun hin danda'amu'' jedhe.

''Irra caalaa bashannanuu. Imaluu, daawwachuu fi saayikilii oofuu fi waanan hanga ammaa dhama'ee argadheen gammadee jiraachuu barbaada'' jedhe.

''Sababni isaa waggoota 25 darban aarsaa guddaan kaffale'' jedhe. Amma galchii 1,000 gahuuf galchii 24 qofatu isa hafa.

Morkataa isaa waggaa dheeraa kan tahe Liyonel Meesiin badhaasa Ballon d'Or yeroo saddet mo'ate.

Erga abbaan isaa boqatee kana booda yeroo dheeraaf kubba waanan taphadhu miti jedhe.

Meesiin Waancaa Addunyaa bara kanaa irratti galchii saddet lakkoofsisuun biyya isaa Arjeentiinaa xumura waancaaf dhaqabsiiseera. Ispeeniin mo'amanii waancaa dhaban malee.

Roonaaldoon ammoo Waancaa Addunyaa milkeessuu hin dandeenye. Inumaayyuu 16 keessa galanii kufan.

Roonaaldoon kana dura Waancaa Addunyaa kun kan xumuraakeetii jedhamee yoo gaafatamu qalbiidhaan taa'ee maatii waliin itti yaadeen murteessa jedhe.

Al Naasir bara darbe shaampiyoona tahee xumure. Tapha jalqabaa garuu Roonaaldoon hin taphanne.

Misirrichi taa'ee taphicha daawwachaa ture. Ispoortiing Liisbanitti beekame. Maanchister Yuunaayitiditti taphataa qaalii tahe. Gara Riyaal Maadirid deemee seenaa guddaa hojjete. Xaaliyaanii deemee Juuvantasiif taphateera.

Gara kileba isaa duraanii Maanchister Yuunaayitiditti deebi'uun taphateera. Wal dhabdee Erik Ten Haagiin gadhiisee gara Al Naasir deeme. Taphattoonni maqaa guddaa qaban akka kileboota Sawudii deemaniif karra saaqe.

Morkataan isaa Meesiin ammoo gara Ameerikaa biyya kubbi miilaa hedduu itti hin beekamnee deemee Inter Miyaamiif mallatteesse.

Lameenuu morkattoota kubba miilaa keessatti seenaa hojjetanidha.