ሓድሽ መጥቃዕቲ ሩስያ፡ ዩክረይን ኣብ ትሕቲ ፍርስራስ ዝተደብዩ ዜጋታታ ትደሊ

ሩስያ ብሰንበት ኣብ ልዕሊ ዝተፈላለያ ከተማታት ዩክረይን ድሕሪ ዘካየደቶ መጥቃዕቲ ብውሑዱ ትሽዓተ ሰባት ተቐቲሎም፡ ብዓሰርተታት ዝቝጸሩ ድማ ቈሲሎም።

ኣብ ድኒፕሮ ሓሙሽተ ሰባት ክቕተሉ ከለዉ፡ 25 ድማ ቈሲሎም። ኣብ ኪቭ ኣርባዕተ ሰባት ተቐቲሎም።

ኣብታ ርእሰ-ከተማ ብሰንኪ እቲ ብሰሉስ ዝተፈጸመ መጥቃዕቲ ብውሑዱ 51 ሰባት ዝቘሰሉ ኰይኖም፡ ካብኣቶም እቶም 35 ኣብ ሆስፒታል ተዓቚቦም ይርከቡ።

ከንቲባ ኪቭ ቪታሊ ክሊችኮ፡ ኣብታ ከተማ ክልተ ነዋሕቲ መንበሪ ህንጻታት ከም ዝተሃርማን ሰባት ኣብ ትሕቲ ፍርስራስ ተደቢኖም ክህልዉ ከም ዝኽእሉን ስግኣት ከም ዘሎ ገሊጹ።

ሞስኮ፡ ዝሓለፈ ሰሙን ኣብ ትሕቲ ቍጽጽር ሩስያ ኣብ ዝርከብ ዞባ ሉሃንስክ ዩክረይን፡ ኣብ ልዕሊ ሓደ መደቀሲ ኣደራሽ ብዝተፈጸመ መጥቃዕቲ ድሮን 21 ሰባት ምቕታሎም ስዒቡ፡ ንድሕሪት እቲ መጥቃዕቲ ከም መልሰ-ግብሪ "ስትራተጅያዊ መጥቃዕትታት" ከም እተካይድ ኣጠንቂቓ ነይራ እያ።

ከንቲባ ኪቭ ቪታሊ ክሊችኮ፡ ህዝቢ ኣብ መዕቈቢታት ክጸንሕ ተማሕጺኑ።

ሓላፊ ወተሃደራዊ ምሕደራ ከተማ ኪቭ ዝዀነ ቲሙር ትካቼንኮ ብወገኑ፡ "እቲ ጸላኢ ብባሊስቲክ ሚሳይላት እዩ ዝሃርም ዘሎ፡" ኢሉ።

ኣብ መብዛሕትኡ ክፋል ዩክረይን ናይ ኣየር መጥቃዕቲ መጠንቀቕታ ተዋሂቡ ነይሩ። ካብ ማእከል ኪቭ ዓቢ ናይ ትኪ ዒግታ ክለዓል ይርአ ነይሩ።

ኣብ ሩስያ፡ ማእከል ህጹጽ ረድኤት፡ ድሕሪ መጥቃዕቲ ድሮን ኣብ መጻረዪ ነዳዲ ኢልስኪ ባርዕ ሓዊ ከም ዝተላዕለ ጸብጺቡ።

ከም መግለጺ እቲ ማእከል፡ ዝዀነ ይዅን ዝሞተ ወይ ዝቘሰለ ሰብ የሎን።

ዝርዝር ናይቲ ዕንወትን ስጕምታት ምክልኻልን

እቲ መጥቃዕቲ ሩስያ ንግሆ ንኪቭ ክሃርማ ከሎ፡ ካብቶም ልዕሊ ዓሰርተ ክልተ ዝዀኑ ዓበይቲ ድምጽታት ፍንጀራታት ንነፍስ ከፍ ጅውታ ስዒቡ ጽምጺ ድሮናት ይስማዕ ነይሩ።

እቲ መጥቃዕቲ ጥቓ መደበር ነዳዲ፡ ቦታ ህንጻ፡ ከምኡ'ውን ኣብ ልዕሊ ሓያሎ መንበሪ ህንጻታት ባርዕ ሓዊ ከም ዘስዓበ ክሊችኮ ገሊጹ።

ኣብ ምልእታ እታ ከተማ ምቍራጽ ኣገልግሎት መብራህቲ ከም ዘጋጠመ'ውን ተጸብጺቡ ኣሎ፤ ኵሉ ቍጠባዊ ይዅን ማሕበራዊ ዕንወት ግና ዛጊት ብንጹር ኣይተፈልጠን።

ኣብ ዛፖሪዝዢያ እውን ሓደ ኢንዱስትርያዊ ትካል መጥቃዕቲ ተፈጺሙዎ ኣሎ።

እዚ መጥቃዕትታት'ዚ ዝፍጸም ዘሎ፡ ፕረዚደንት ዩክረይን ቮሎድሚር ዘለንስኪ ብሰኑይ፡ ሩስያ ዓቢ መጥቃዕቲ ከተካይድ ከም እትኽእል ድሕሪ ዘቕረቦ መጠንቀቕታን ህዝቢ ንመጥቃዕቲ ኣየር ፍሉይ ቈላሕታ ክገብረሉ ድሕሪ ምምሕጻኑን እዩ።

"ብዛዕባ መጥቃዕትታት ሩስያ ዝወሃቡ ናይ ስለያ መጠንቀቕታታት ገና ኣብ ግብሪ ይውዕሉ ኣለዉ። ዓቢ መጥቃዕቲ ክፍጸም ይእኽል እዩ፤ ንሳቶም [ሩስያ] ሓደ መጥቃዕቲ ኣዳልዮም ኣለዉ፡" ክብል ዘለንስኪ ኣብቲ ናይ ቪድዮ መልእኽቱ ገሊጹ።

ዲፕሎማስያዊ ምትፍናንን ምስሕሓብን

ዝሓለፈ ሰሙን ሩስያ፡ ዩክረይን ኰነ ኢላ ኣብ ስታሮቢልስክ ኣብ ዝርከብ መደቀሲ ኣደራሽ ንዝፈጸመቶ መጥቃዕቲ ከም ግብረ-መልሲ፡ ኣብ ኪቭ ዝርከቡ ወተሃደራውያንን ውሳነታት ዘሕልፉሉ ማእከላትን ዒላማ ከም እትገብር ገሊጻ፤ ወጻእተኛታት ካብታ ከተማ ክወጽኡ'ውን ኣተሓሳሲባ ነይራ።

ኣብቲ እዋን እቲ ጠቕላላ ስታፍ ዕጡቓት ሓይልታት ዩክረይን ኣብ ዝሃቦ መግለጺ፡ ኣብ ለይቲ 21-22 ግንቦት ጥቓ ስታሮቢልስክ መጥቃዕቲ ከም ዝፈጸመ ኣሚኑ እዩ፤ እንተዀነ፡ ኣብ ልዕሊ ሓደ ወተሃደራዊ ሓይሊ ሩስያ ከም ዘጥቅዐ እዩ ዘረጋግጽ።

ኪቭ፡ እዚ ናይ ሩስያ ምፍርራሕ "ካብ ሕፍረት ዘይብሉ ጸለመ" ሓሊፉ ካልእ ትርጕም ከም ዘይብሉ ገሊጻ፣ መሻርኽታ ኣብ ልዕሊ ሞስኮ ጸቕጢ ከሐይሉ ተማሕጺና።

ኣብ ግንቦት ሓጺር ተዅሲ ናይ ምቍራጽ ውዕል ካብ ዘብቅዕ ንነጀው፡ ሩስያ ኣብ ልዕሊ ኪቭ ሓያሎ ናይ ሚሳይልን ድሮንን መጥቃዕትታት ኣካይዳ ኣላ፤ ካብኣቶም ሓደ ኣብ ልዕሊ መንበሪ ህንጻ ዝተፈጸመ መጥቃዕቲ ሰለስተ ቈልዑ ዝርከቡዎም ህይወት 24 ሰባት ህይወት ቀዚፉ እዩ።

ዩክረይን ኣብ ልዕሊ ዞባ ሞስኮ ዝፈጸመቶ መጥቃዕቲ ድሮን ሰለስተ ሰባት ዝቐተለ ክኸውን ከሎ፡ ዘለንስኪ እዚ ስጕምቲ እዚ ንመጥቃዕትታት ሩስያ "ምሉእ ብምሉእ ፍትሓዊ" ግብረ-መልሲ ምዃኑ ገሊጹ።