Ethiopia yafunga ubalozi wake Eritrea, na kuwafukuza wanadiplomasia 10
Chanzo cha picha, Getty Images
Ethiopia
imefunga ubalozi wake
mjini Asmara, Eritrea, ikisema hatua hiyo imechukuliwa baada ya vitendo vya Eritrea kuashiria wanahusika na
uhasama unaondelea kaskazini mwa taifa hilo.
Katika
taarifa iliyotolewa na Wizara ya Mambo ya Kigeni ya
Ethiopia, serikali hiyo pia imetangaza kuwa imewafukuza wanadiplomasia 10 wa Eritrea
waliopo mjini Addis Ababa na kuwaamuru kuondoka nchini humo.
Wanadiplomasia
hao wamepewa muda wa saa 48 kuondoka Ethiopia.
Ethiopia
imesema wanadiplomasia hao wamehusika katika shughuli ambazo, zinatishia moja kwa moja usalama wa taifa hilo na kukiuka masharti ya Mkataba wa
Vienna kuhusu Mahusiano ya Kidiplomasia.
Addis
Ababa imeitaka serikali ya Eritrea kusitisha vitendo vyote inavyodai vinakiuka
misingi inayosimamia uhusiano kati ya mataifa huru.
Hata
hivyo, Ethiopia imesisitiza kuwa inathamini uhusiano wake wa kihistoria na kitamaduni na raia wa Eritrea.
Serikali
hiyo imesema bado imejitolea kuendelea
kudumisha amani, utulivu wa kikanda na ushirikiano, pamoja na kutafuta
suluhu ya amani kwa mizozo inayoendelea.
Mnangagwa: Kifo cha Wicknell Chivayo ni pigo kubwa kwa Zimbabwe
Chanzo cha picha, Getty Images
Rais
wa Zimbabwe Emmerson Mnangagwa amemuomboleza mfanyabiashara Wicknell Chivayo,
akisema alikuwa na mipango mingi kwa ajili ya Zimbabwe, wananchi wake na Afrika
kwa ujumla ambayo alikuwa akiitekeleza kabla ya kupoteza maisha yake katika ajali ya helikopta.
Mnangagwa
amesema Chivayo alikuwa amemshirikisha katika baadhi ya mipango yake siku moja
tu kabla ya ajali hiyo, akielezea kifo chake pamoja na mkewe, Lucy Muteke, kuwa
pigo kubwa kwa taifa hilo.
"Kufariki ghafla kwa Bw. na Bi. Chivayo,
pamoja na wahudumu wawili wa helikopta na msaidizi mmoja wa usalama katika
ajali ya helikopta jana alasiri, kumeiacha nchi yetu, familia yangu na mimi
binafsi tukiwa katika mshtuko mkubwa na majonzi," Mnangagwa amesema katika
ujumbe wake wa rambirambi.
Helikopta
hiyo ilianguka hapo jana katika
shamba la Kudenga, Marondera, mashariki mwa Harare, na kuua watu wote sita
waliokuwa ndani mwa ndege
hiyo.
Mnangagwa
amesema mfanyabiashara huyo alikuwa na maono mapana yaliyovuka mipaka ya
familia yake na nchi yake.
"Marehemu Wicknell Chivayo alikuwa na maono
makubwa kwa ajili ya familia yake, nchi yetu, ukanda wa kusini mwa Afrika na
bara letu la Afrika,"
Rais
huyo amesema Chivayo alikuwa na mchango katika kuimarisha uhusiano wa Zimbabwe
na mataifa mengine na kuitangaza nchi hiyo kimataifa, huku akielezea shughuli
zake za kutoa misaada kuwa sehemu muhimu ya urithi wake.
"Chivayo
alikuwa mtoaji mkubwa wa misaada, huku michango yake ya hisani ikifikia
mamilioni ya dola na kuwafikia watu na taasisi katika siasa, dini, utumishi wa
umma, utamaduni, michezo na taaluma nyingine," Mnangagwa amesema.
Amesema
binafsi alikuwa akifahamu mipango kadhaa ambayo Chivayo alikuwa akiandaa, hasa
mipango iliyolenga kuwasaidia Wazimbabwe wasiojiweza na wanajeshi waliostaafu.
Netanyahu: Rubani msaidizi wa flydubai alikuwa amepokea mafunzo ya itikadi kali
Chanzo cha picha, Getty Images
Maelezo ya picha, Picha ya Benjamin Netanyahu
Waziri
Mkuu wa Israel Benjamin Netanyahu amesema kuwa rubani msaidizi aliyedaiwa
kujaribu kuangusha ndege ya abiria YA Flydubai, iliyokuwa ikielekea Israel alikuwa amepokea mafunzi ya
itikadi kali ya Kiislamu.
"Tunajua
kwamba amepokea mafunzo ya itikadi kali ya Kiislamu,"
Netanyahu amesema katika mahojiano na shirika la habari la Fox News.
Bado
hakuna sababu rasmi iliyothibitishwa kuhusu kilichochea tukio la kutisha la hapo jana katika
ndege ya flydubai FZ1073 iliyokuwa ikisafiri kutoka Dubai kwenda Tel Aviv.
Netanyahu
ameiambia kipindi cha "Fox & Friends" kwamba ndani ya siku
chache wataweza kubaini iwapo rubani msaidizi huyo
alikuwa na uhusiano na Iran.
"Nadhani
bado ni mapema kusema iwapo alikuwa na uhusiano wowote na Iran au mtu mwingine
yeyote."
Netanyahu
amesema ni wazi kwamba rubani msaidizi huyo alikuwa na nia ya kujiua.
Omar al-Bashir apelekwa hospitalini Khartoum kwa matibabu
Chanzo cha picha, Getty Images
Maelezo ya picha, Picha ya zamani ya aliyekuwa Rais wa Sudan, Omar Al-Bashir
Rais
wa zamani wa Sudan aliyeondolewa madarakani, Omar al-Bashir, amefikishwa katika hospitali inayosimamiwa na
jeshi mjini Khartoum kwa ajili ya matibabu, na inasemekana anahitaji matibabu zaidi nje ya
nchi, hii ni kulingana na taarifa iliyotolewa na
wakili wake.
Bashir,
mwenye umri wa miaka 82, aliondolewa madarakani na jeshi la Sudan pamoja na
kikosi cha kijeshi cha Rapid Support Forces (RSF) mwezi Aprili mwaka wa 2019, kufuatia maandamano ya
wananchi yaliyodumu kwa miezi kadhaa.
Baadaye,
RSF na jeshi la Sudan, walitofautiana
kuhusu mpango wa kuunganisha vikosi vyao wakati wa mchakato wa kurejesha
utawala wa kiraia.
Tangu
wakati huo, pande hizo mbili zimekuwa zikipigana vita vya wenyewe kwa
wenyewe ambavyo vimesababisha
uharibifu mkubwa katika taifa hilo kwa zaidi ya miaka mitatu na nusu.
Bashir
alikuwa amehamishwa kutoka gerezani hadi hospitalini kabla ya vita kuanza, na
baadaye kupelekwa katika mji wa Merowe kaskazini mwa Sudan, ambako aliwekwa
chini ya ulinzi wa kijeshi.
Bashir
kwa sasa amefikishwa mjini Khartoum ili
kufanyiwa vipimo vya afya baada ya hali yake kudorora.
Katika
taarifa iliyotolewa na familia
ya Bashir ilisema, “hitaji lake la kupata matibabu nje
ya Sudan ni la dharura na
haliwezi kucheleweshwa tena”, familia hiyo bado haina kibali ya kumsafirisha nje ya
nchi.
Jeshi la Iran lawauwa watu sita wanaodaiwa kuwa magaidi
Chanzo cha picha, Getty Images
Jeshi la Iran IRGC, limewaua
watu sita wa kundi kutoka
kundi moja la kigaidi hii leo shirika la habari la serikali IRNA
limeripoti.
Tukio
hilo limetokea katika eneo ambalo mara kwa mara hushuhudia mapigano kati ya
vikosi vya usalama na makundi yenye silaha, yakiwemo wanamgambo wa Kisunni na
makundi yanayotaka kujitenga.
Watu
hao wameuawa mjini Zahedan, mji mkuu wa jimbo maskini la Sistan-Baluchistan
kusini mashariki mwa Iran, linalopakana na Pakistan na Afghanistan na ambalo ni
njia inayotumiwa kusafirisha dawa
za kulevya.
Kulingana na shirika la habari la IRNA,
vikosi vya usalama viligundua vifurushi vya vilipuzi vilivyokuwa vimefichwa na kundi hilo.
Taarifa hiyo haikuwataja watu sita waliouawa wala kutoa maelezo zaidi kuhusu
tukio hilo.
Tehran
inazituhumu baadhi ya makundi yenye silaha kuwa na uhusiano na mataifa ya
kigeni na kujihusisha na biashara
ya magendo mpakani.
Shirika
la kutetea haki za binadamu la Haalvsh, linalofuatilia hali katika eneo la Sistan-Baluchistan, limesema
mapigano kati ya jeshi na
makundi ya watu wenye
silaha yalianza mapema leo
asubuhi.
Milipuko yasikika mjini Addis Ababa, mapigano yakiendelea kaskazini mwa Ethiopia
Chanzo cha picha, Getty Images
Maelezo ya picha, Picha ya mji mkuu wa Ethiopia, Addis Ababa
Milipuko
imesikika usiku kucha katika mji mkuu wa Ethiopia, Addis Ababa, na katika eneo la makao makuu ya
jeshi magharibi mwa mji huo.
Milipuko
hiyo imetokea saa chache baada ya ndege zisizo na rubani kupigwa marufuku kupaa mjini Addis Ababa, na wiki moja baada ya
mapigano kuzuka kaskazini mwa nchi hiyo, kati ya jeshi la taifa
hilo na muungano mpya wa makundi yenye silaha, ikiwemo wapiganaji kutoka eneo la Tigray.
Chanzo
kinachohusishwa na wapiganaji wa upinzani kimeiambia shirika la habari la
Reuters kwamba wao ndio waliohusika na kile walichodai kuwa mashambulizi ya
ndege zisizo na rubani.
"Ilikuwa sauti kubwa sana. Ilikuwa na nguvu kiasi cha kuwasha
kengele za magari," mkazi mmoja wa eneo la kusini mwa
jiji, ameiambia BBC Amharic.
Chanzo hicho kimesema
alisikia mlipuko huo katika eneo la Gotera karibu saa sita usiku.
Mkazi
mwingine ameiambia BBC kwamba alikuwa akicheza michezo na marafiki zake
waliposikia mlipuko.
Hakuna taarifa rasmi zakuthibitisha chanzo cha milipuko
hiyo, maeneo kamili yaliyoathiriwa au iwapo kulikuwa na majeruhi au uharibifu.
Ofisi
ya Waziri Mkuu wa Ethiopia Abiy Ahmed, Wizara ya Ulinzi, pamoja na polisi mjini Addis Ababa, hawajajibu maombi ya
BBC ya kutoa maoni.
Iran: Kuondoka kwa wanajeshi wa Marekani Iraq ni 'ushindi wa kihistoria'
Chanzo cha picha, Getty Images
Jeshi
la Iran IRGC,
limesema kuondoka kwa
wanajeshi wa Marekani nchini Iraq ni “tukio kubwa na la kihistoria” na ni
mafanikio kwao, wakitaka wanajeshi wote wa Marekani, kuondoka Mashariki ya
Kati.
Katika taarifa, jeshi hilo limesema, “Tunaipongeza taifa la Iraq, Muungano wa Kiislamu wa
Upinzani na wapiganaji wa mapinduzi kwa ushindi huu wa kihistoria.”
Taarifa hiyo ipia inasema, “Marekani lazima iondoke katika eneo hili na
kuyaachia mataifa ya eneo hili jukumu la kusimamia usalama wao.”
Jeshi
hilo limesema kuwa uwepo wa
wanajeshi wa Marekani kwa Zaidi ya miongo miwili eneo hilo hakujasaidia kudumisha
usalama, bali kumechochea ukosefu wa usalama, utulivu na ugaidi.
Hapo
jana tarehe 30 mwezi Septemba,ilikuwa
siku ya mwisho ya uwepo kwa vikosi vya Marekani nchini Iraq.
Burundi yakubali kuwapokea wahamiaji kutoka Marekani
Chanzo cha picha, Getty Images
Maelezo ya picha, Rais wa Burundi, Evariste Ndayishimiye
Taifa la Burundi limejiunga na mataifa mengine ya Afrika yanayowapokea wahamiaji wanaofukuzwa
kutoka Marekani chini ya sera kali ya uhamiaji ya Rais Donald Trump.
Serikali ya Bujumbura imesema itawapokea tu wahamiaji ambao
hawajashutumiwa kwa uhalifu au kuwa na uhusiano na ugaidi, hii ni kulingana na Nancy Ninette
Mutoni, msemaji wa Rais wa taifa hilo
Evariste Ndayishimiye.
Washington
imekuwa ikiwatuma wahamiaji wanaofukuzwa
Marekani kwenda takriban mataifa sita ya Afrika kupitia mikataba isiyo wazi,
ambayo maseneta wa chama cha Democratic wanasema imegharimu makumi ya mamilioni
ya dola.
Hata
hivyo, mashirika ya kutetea haki za binadamu imekuwa ikipinga hatua hiyo ya Marekani.
Mutoni
amesema maandalizi yanaendelea ya kuwapatia wahamiaji hao makazi, mazingira
bora ya maisha na kuwajumuisha
katika jamii.
"Kupokea
kundi hili la wahamiaji kunahitaji
mipango madhubuti wataishi wapi, watakula nini na wataishije pamoja na wakazi
wa eneo husika," amesema msemaji
huyo.
Kuhusu
uwezekano wa wahamiaji hao kupewa uraia wa Burundi, msemaji huyo alijibu kuwa "Iwapo
watachagua kuungana na raia wa Burundi na kutoa mchango wenye thamani katika
maendeleo ya taifa, sheria itaheshimiwa."
Msemaji
huyo ameongezea kuwa Burundi inalenga kuimarisha
uhusiano wake wa kidiplomasia na Marekani, pamoja na kutoa ukarimu kwa watu
wanaohitaji msaada.
Israel kuimarisha ukaguzi wa marubani baada ya tukio la Flydubai
Chanzo cha picha, Reuters
Israel
imeanza kuimarisha ukaguzi
wa kiusalama kwa marubani wanaoingia nchini humo kwa ndege, msemaji wa ofisi ya
Waziri Mkuu wa Israell amesema.
Hii ni baada ya kuripotiwa kuwa rubani
msaidizi wa ndege ya flydubai iliyokuwa ikielekea Tel Aviv alimchoma kisu
rubani mkuu na kujaribu kuangusha ndege.
Tukio
hilo la kushtua lilidhibitiwa baada ya abiria kumshinda nguvu rubani huyo msaidizi , kabla ya marubani
wengine wa shirika hilo waliokuwa ndani ya ndege kuiongoza na kuitua ndege hiyo salama nchini Saudi Arabia.
Mamlaka
za Saudi Arabia zimemkamata na kumhoji rubani huyo msaidizi wa ndege ya flydubai
FZ1073 iliyokuwa ikisafiri kutoka Falme za Kiarabu kwenda Israel ikiwa na watu
174, wengi wao wakiwa raia wa Israel.
Tukio
hilo limeibua maswali kuhusu namna marubani wanavyofanyiwa uchunguzi kabla ya
kupewa ruhusa ya kuruka na aina ya taratibu za kiusalama wanazopitia, si
Mashariki ya Kati pekee bali pia katika maeneo mengine duniani.
"Kila
rubani anayekuja Israel, tutajua utambulisho wake, tutajua yeye ni nani, na
tutafanya aina fulani ya ukaguzi wa kiusalama," Doron Spielman, msemaji wa
ofisi ya Waziri Mkuu wa Israel, ameiambia shirika la habari la Reuters.
Amesema
Netanyahu ameagiza usalama kuimarishwa katika ndege zinazoelekea Israel,
iwe zinaendeshwa na mashirika ya ndege ya Israel au ya kigeni.
"Popote
ambapo Mwisraeli atakuwa akisafiri kwa ndege kuelekea Israel, jukumu letu sasa
ni kufanya kila tuwezalo hata kama ndege hiyo si ya shirika la Israel kuhakikisha
taratibu hizo za usalama zinaimarishwa zaidi," Spielman amesema.
Ndege za kivita za Pakistan zashambulia Afghanistan
Chanzo cha picha, Reuters
Pakistan
imefanya mashambulizi mapya ya anga ndani ya Afghanistan, huku serikali ya
Taliban ikisema raia tisa wameuawa na wengine 11 kujeruhiwa.
Wizara ya
Habari ya Pakistan imethibitisha mashambulizi hayo, lakini ikasema yalilenga
makambi ya wapiganaji na kuwaua wapiganaji 22.
Msemaji
mkuu wa Taliban, Zabihullah Mujahid, alisema mashambulizi hayo yalipiga nyumba
katika majimbo ya Kunar na Helmand, yanayopakana na Pakistan.
Alisema
wanawake na watoto ni miongoni mwa waliouawa.
Katika
ujumbe kwenye mtandao wa X, Mujahid alisema:
"Tunalaani
kitendo hiki kama uvamizi na uhalifu unaokiuka kanuni zote
zinazokubalika."
Kwa upande
wake, Pakistan ilisema shambulizi hilo "lilipangwa kwa makini" na
lililenga "makambi ya magaidi" nchini Afghanistan, ambako kulikuwa na
kiasi kikubwa cha silaha na risasi.
Wizara ya
Habari ya Pakistan ilisema tahadhari kubwa zilichukuliwa kuhakikisha hakuna
madhara kwa raia au mali.
Shahidi
mmoja kutoka Garmsir, Qudratullah, aliiambia BBC kuwa mashambulizi hayo
yalianza saa 9:30 alfajiri kwa saa za eneo hilo na kuendelea kwa takriban
dakika 30.
"Tulikuwa
tumelala wakati ndege za kivita zilipowasili. Baada ya bomu la kwanza kulipuka,
tuliamka. Baada ya shambulio la pili, tuliwachukua watoto wetu na kukimbia eneo
hilo.
"Bomu
la tatu liliangukia nyumba ya jirani yetu. Kati ya watu wanne hadi watano wa
familia hiyo waliuawa, huku wengine wakijeruhiwa na kupelekwa
hospitalini," alisema.
Tukio hilo
linaongeza mvutano kati ya Pakistan na Afghanistan, huku kila upande ukitoa
madai tofauti kuhusu waliolengwa na madhara yaliyosababishwa na mashambulizi
hayo.
Waziri wa Habari wa Eritrea, Yemane Gebremeskel, amekanusha
madai kwamba nchi yake inahusika katika mapigano mapya kaskazini mwa Ethiopia.
Katika majibu yake nadra kwa BBC, Yemane alikishutumu chama
tawala cha Ethiopia, Prosperity Party (PP), kwa kuwalaumu mataifa ya nje kwa
matatizo ya nchi hiyo.
Alisema
serikali ya Ethiopia imekuwa na tabia ya kulaumu nchi jirani inapokabiliwa na
migogoro ya ndani.
"Utawala
wa PP umejenga mazoea ya kuwalaumu majirani zake ili kugeuza umakini kutoka
kwenye migogoro mingi ya ndani inayochochewa katika maeneo mbalimbali ya
nchi," alisema.
Mapema
Septemba, makundi kadhaa yenye silaha yaliunda muungano wa wanachama saba.
Muungano huo unasema unalenga kuiondoa serikali ya Addis Ababa madarakani.
Maafisa wa
Ethiopia wamezituhumu Eritrea, Sudan na Misri kwa kuunga mkono makundi ya
waasi.
Yemane
amekataa madai hayo. Anasema machafuko nchini Ethiopia yanatokana na matatizo
ya ndani ya kisiasa na kiusalama.
Wiki
iliyopita, mapigano yalizuka kaskazini mwa Ethiopia. Hali hiyo imeongeza hofu
ya mgogoro wa kibinadamu na kuyumba kwa usalama wa eneo hilo.
Serikali ya
Ethiopia inapambana na makundi yenye silaha katika Tigray, Amhara na maeneo
mengine.
Wakati huo
huo, Wakala wa Taifa wa Ujasusi na Usalama wa Ethiopia (NIA) umetangaza
marufuku ya muda usiojulikana ya kurusha drone ndani ya Addis Ababa na maeneo
yanayoizunguka.
NIA
ilitangaza hatua hiyo Septemba 30. Ilisema haitatoa vibali vya kurusha drone
katika maeneo hayo.
Pia ilionya
kuwa hatua za kisheria zitachukuliwa dhidi ya watakaokiuka marufuku hiyo.
NIA imesema
marufuku hiyo inalenga kuwalinda viongozi wa taifa, miundombinu muhimu na hafla
kubwa za umma.
Eritrea
ilikuwa mshirika muhimu wa serikali ya Ethiopia wakati wa vita vya Tigray
vilivyodumu miaka miwili. Vita hivyo vilimalizika kwa Mkataba wa Amani wa
Pretoria mnamo Novemba 2022.
Hata hivyo,
uhusiano kati ya Asmara na Addis Ababa umeendelea kuzorota.
Tangu
mwishoni mwa 2023, Ethiopia imekuwa ikitaka kupata njia ya moja kwa moja ya
kufikia Bahari ya Shamu.
Ethiopia
haina pwani. Serikali yake inasema hali hiyo inaleta changamoto za muda mrefu
kiuchumi na kimkakati.
Eritrea
imepinga vikali mapendekezo ya Ethiopia kupata upatikanaji wa bandari kwa
mamlaka ya kitaifa.
Ufilipino watuma meli na ndege kukabiliana na chombo cha China
Chanzo cha picha, Reuters
Walinzi wa
Pwani wa Ufilipino (PCG) wamesema Alhamisi wametuma meli yao kubwa zaidi pamoja
na ndege kukabiliana na meli ya utafiti ya China iliyokuwa ikifanya shughuli
katika bahari karibu na jimbo la kaskazini la Batanes, karibu na Taiwan.
Msemaji wa
PCG anayeshughulikia masuala ya Bahari ya Kusini mwa China, Jay Tarriela,
alisema operesheni hiyo ilivuruga shughuli za utafiti wa baharini ambazo
hazikuwa zimeidhinishwa na kuilazimisha meli hiyo kuondoka katika eneo ambako
ilikuwa ikizunguka.
PCG ilisema
meli yake yenye urefu wa mita 97, BRP Teresa Magbanua, pamoja na ndege,
zilitumwa kukabiliana na meli ya China JIA HAI KE 7, ambayo ilidaiwa kuwa
imekuwa katika eneo hilo, takriban maili 37 za baharini kaskazini-magharibi mwa
Kisiwa cha Itbayat, tangu Septemba 28.
Mlinzi huyo
wa pwani alisema BRP Teresa Magbanua ilisogea hadi umbali wa takriban yadi 100
kutoka kwa JIA HAI KE 7 na kutuma boti ndogo yenye uwezo wa kuhimili mawimbi
makali, ambayo iliizunguka meli hiyo mara kadhaa huku maafisa wakitoa maonyo
kupitia redio.
PCG ilisema
meli hiyo ya utafiti ya China ilibadili mwelekeo mara kadhaa katika jaribio la
kuzikwepa boti za Ufilipino.
Baadaye,
meli ya Walinzi wa Pwani wa China iliwasili katika eneo hilo na kujaribu
kuilinda meli ya utafiti, huku nayo ikitoa maonyo kupitia redio kwa meli ya
Ufilipino.
PCG ilisema
kuingilia kati kwa meli ya Walinzi wa Pwani wa China ni jambo muhimu kwa sababu
JIA HAI KE 7 inamilikiwa na kampuni binafsi, hali inayozua maswali kuhusu
uhusiano wake na serikali ya China na madhumuni ya taarifa ilizokuwa ikikusanya
karibu na njia za nyaya za mawasiliano chini ya bahari katika eneo la Batanes
na Mlango wa Luzon.
PCG ilisema
operesheni hiyo bado inaendelea, lakini imefanikiwa kuilazimisha JIA HAI KE 7
kuondoka katika eneo ambako ilikuwa ikizunguka. BRP Teresa Magbanua inaendelea
kufuatilia meli hiyo ili kuhakikisha inaondoka katika Ukanda wa Kiuchumi wa
Kipekee (EEZ) wa Ufilipino.
Ubalozi wa
China mjini Manila haukujibu mara moja ombi la kutoa maoni kuhusu tukio hilo.
Mfungwa wa Marekani anusurika sindano mbili za kifo
Chanzo cha picha, Tennessee Department of Corrections
Mfungwa aliyehukumiwa kifo katika jimbo la Tennessee nchini
Marekani, Christa Pike, amepelekwa hospitalini baada ya moyo wake kuendelea
kudunda licha ya kudungwa sindano mbili za dawa ya kutekeleza hukumu ya kifo,
kwa mujibu wa wakili wake.
Timu yake ya mawakili iliwasilisha ombi la dharura la
kusitisha utekelezaji wa hukumu hiyo wakati ikiendelea, ikisema:
“Bi Pike amepoteza fahamu lakini moyo wake bado unapiga na
anatoa sauti ya kukoroma.”
Mmoja wa mawakili wake aliiambia BBC kuwa Pike, mwenye umri
wa miaka 50, alikuwa akipewa matibabu ya kuokoa maisha hospitalini baada ya
kupewa dozi mbili za dawa iitwayo pentobarbital.
Pike alihukumiwa kifo mwaka 1996 kwa kumuua Colleen Slemmer,
mwenye umri wa miaka 19.
Jaribio la kutekeleza hukumu hiyo lilifanyika katika Gereza
la Riverbend Maximum Security Institution, mjini Nashville, karibu saa 20:00
Jumatano kwa saa za eneo.
Kwa mujibu wa shirika la habari la Associated Press, Pike
alipewa dozi mbili za pentobarbital, huku pazia ya chumba cha mashahidi ikifungwa
mara mbili wakati wa mchakato huo. Shirika hilo pia liliripoti kuwa waandishi
wa habari waliombwa kuondoka katika eneo hilo wakati fulani.
Timu ya mawakili wa Pike ilisema katika taarifa kwa gazeti
la The Tennessean:
“Usiku wa leo, Serikali ya Tennessee imeshindwa tena
kutekeleza hukumu ya kifo kwa mujibu wa sheria.”
Wakaongeza: “Hatufurahii kwamba tulikuwa sahihi, lakini
wasiwasi ulioelezwa na Bi Pike umeonekana kuwa wa kweli: ugumu wa kupata
mshipa, mishipa kuharibika, pentobarbital kuwa imeharibika, na kutokuwepo kwa
huduma za dharura za matibabu wakati mambo yanapokwenda vibaya, huku yote
yakifanyika chini ya utaratibu ambao bado umezungukwa na usiri.”
Baada ya utekelezaji wa hukumu hiyo kwa kutumia sindano
kuonekana kutofanyika kama ilivyotarajiwa, mawakili wa Pike waliwasilisha ombi
la dharura la kusitisha utekelezaji huo na kuomba apewe huduma za matibabu.
Uingereza yaishutumu Iran kuhusika na tukio la RAF Fairford
Chanzo cha picha, Supplied
Serikali ya
Uingereza inaamini kuwa Iran ilihusika kwa namna fulani katika tukio la RAF
Fairford lililosababisha wanaume watano kukamatwa na baadaye kuachiliwa kwa
dhamana, amesema Waziri Mkuu wa Uingereza, Andy Burnham.
"Kuna dalili
thabiti kwamba Iran ilihusika katika kile kilichotokea mwishoni mwa wiki katika
RAF Fairford," Burnham aliiambia BBC.
Hata hivyo,
hakutoa maelezo zaidi kuhusu ushahidi ulioifanya serikali kufikia hitimisho
hilo.
Iran
imejibu madai hayo, huku Waziri wa Mambo ya Nje wa nchi hiyo, Abbas Araghchi,
akisema kiongozi huyo wa Uingereza "anapoteza mwelekeo".
"Naweza
kuthibitisha imani ya Iran kwamba kuwaachilia kwa dhamana wanaodaiwa kuwa
magaidi wanaofanya kazi kwa niaba ya nchi za kigeni kunaeleza kila kitu,"
Araghchi aliandika kwenye mitandao ya kijamii.
Burnham pia
alijibu maswali kuhusu kwa nini watuhumiwa hao walipewa dhamana, hatua ambayo
imekosolewa hadharani na Rais wa Marekani, Donald Trump.
Akizungumza
katika Ikulu ya White House Jumatatu, Trump alisema: "Nitawaambia, mimi
ningesema wasipewe dhamana. Nimeshangazwa kwamba wameachiliwa. Mimi
nisingefanya hivyo."
Hata hivyo,
Burnham alitetea uamuzi huo, akisisitiza kuwa watuhumiwa hao wako chini ya
masharti makali sana ya dhamana.
"Watu
wanapaswa kuelewa kwamba kuachiliwa hakumaanishi kile ambacho wengi wanaweza
kudhani. Kuna masharti makali zaidi ya dhamana," alisema.
"Mamlaka
zinaidhibiti hali hii kwa karibu sana, na ninaweza kuwahakikishia hilo."
Kauli za
Burnham zimekuja baada ya Waziri wa Mambo ya Nje wa Marekani, Marco Rubio,
kusema Jumatatu kwamba tukio la RAF Fairford "kwa wazi linahusisha mhusika
wa kigeni".
Ronaldo aondoka kambini mwa Ureno, aahidi kusema ukweli baadaye
Chanzo cha picha, Getty Images
Mshambuliaji nyota wa Ureno, Cristiano Ronaldo, amesema
ameondoka kambini mwa timu ya taifa na kwamba atafichua sababu za uamuzi wake
huo "kwa wakati muafaka".
Hatua hiyo imekuja baada ya kocha mkuu Jorge Jesus kukanusha
madai ya kuwepo kwa mgogoro kati yake na nahodha huyo wa Ureno, kufuatia ripoti
zilizodai kuwa Ronaldo alikuwa amekataa kufanya mazoezi.
Ronaldo, ambaye alisema aliwahi kufikiria kustaafu soka la
kimataifa baada ya Kombe la Dunia la mwaka huu lakini akaamua kuendelea
akilenga kufikisha mabao 1,000 katika kari yake, alijumuishwa kwenye kikosi cha
wachezaji 25 cha Ureno kwa mechi za kimataifa za mwezi huu.
Mchezaji huyo wa Al-Nassr alianza katika mchezo wa kwanza wa
Ureno kwenye Ligi ya Mataifa dhidi ya Wales siku ya Jumapili, lakini hakucheza
katika ushindi wa mabao 2-1 dhidi ya Norway mjini Oslo.
Baada ya mechi hiyo, Ronaldo hakwenda kuwashukuru mashabiki
pamoja na wachezaji wenzake, badala yake alielekea moja kwa moja vyumbani, hali
iliyozua uvumi kuwa hakuwa na furaha na kocha wake.
Akizungumza na wanahabari kabla ya mechi dhidi ya Denmark,
Jesus alisema:
"Hakukuwa na tukio lolote. Mchezaji yeyote akitumia
dakika 20 au 30 kupasha misuli joto halafu asiingie uwanjani, hawezi kufurahia
hali hiyo."
Kocha huyo alisema alimweleza Ronaldo kabla ya mchezo kwamba
hangeanza katika kikosi cha kwanza lakini angeweza kuingizwa baadaye kulingana
na mazingira ya mchezo.
"Baadaye, kama kocha, niliamua kutomuingiza. Hilo si
jambo la kuleta mjadala mkubwa," alisema.
Jesus pia alikanusha taarifa zilizodai kuwa Ronaldo aligoma
kufanya mazoezi, akisema mchezaji huyo mwenye umri wa miaka 41 alikuwa akifanya
mazoezi maalum ya kuimarisha mwili na misuli.
Hata hivyo, Ronaldo hakuonekana uwanjani pamoja na wachezaji
wenzake nchini Denmark, huku vyombo vya habari vya Ureno vikichapisha video
ikimuonyesha akiondoka katika Uwanja wa Parken.
Baadaye,
Ronaldo alitangaza kupitia Instagram kuwa ameondoka kambini.
"Baada
ya mkutano wa waandishi wa habari wa timu ya taifa na baada ya mazungumzo na
rais wa Shirikisho la Soka la Ureno, nimeamua kuondoka kambini."
"Kwa
wakati muafaka, nitawaambia Wareno wote ukweli kuhusu sababu zilizonifanya
kuchukua uamuzi huu."
Pia
aliwatakia kila la heri wachezaji wenzake katika mechi zijazo.
Wicknell Chivayo: Salamu za rambirambi zaendelea kumiminika baada ya kifo chake
Salamu za rambirambi zinaendelea kutolewa kufuatia kifo cha
mfanyabiashara mashuhuri wa Zimbabwe, Wicknell Chivayo, na mkewe Lucy Muteke,
waliokuwa miongoni mwa watu sita waliofariki dunia baada ya helikopta kuanguka
eneo la Marondera Rural, mashariki mwa Harare, Jumatano. Mamlaka zilisema
hakuna aliyenusurika.
Akiwa anajulikana kwa utajiri wake, misaada kwa jamii na
uhusiano mpana na viongozi wa kisiasa na kidini barani Afrika, Chivayo alikuwa
mmoja wa wafanyabiashara waliotambulika zaidi nchini Zimbabwe.
William Ruto: "Rafiki yangu wa karibu"
Rais wa Kenya, William Ruto, ameongoza salamu za rambirambi,
akimtaja Chivayo kuwa "rafiki wa karibu" ambaye uchangamfu wake
uliwagusa watu wengi. Ruto alisema atamkumbuka kwa urafiki wake, nguvu zake na
imani yake katika uwezo wa Afrika, huku akituma pole kwa familia za
waliofariki, Emmerson Mnangagwa na wananchi wa Zimbabwe.
Ruto na Chivayo walikuwa na uhusiano uliovutia umma, huku
mfanyabiashara huyo mara kwa mara akichapisha picha za mikutano yao, ikiwemo
ziara zake katika State House Nairobi.
Familia
ya Chivayo: "Tumekosa maneno"
Familia ya Wicknell Chivayo imethibitisha kuwa yeye na
mkewe, Lucy Muteke, ni miongoni mwa watu waliofariki dunia katika ajali hiyo ya
helikopta.
Msemaji wa familia, Herbert Chivayo, alithibitisha vifo
hivyo kwa Shirika la Utangazaji la Zimbabwe (ZBC).
Alisema: "Tumekosa
maneno kufuatia tukio hili la kusikitisha."
Highlanders FC wamuomboleza mfadhili wao
Klabu ya soka ya Zimbabwe, Highlanders FC, imetoa salamu za
rambirambi kwa Chivayo, ambaye alikuwa mmoja wa wafadhili wake wakubwa.
Ripoti zinasema alitoa mchango wa takriban shilingi milioni
32.4 za Kenya kwa klabu hiyo Jumatano, saa chache kabla ya ajali hiyo, jambo
lililofanya msaada huo kuwa miongoni mwa matendo yake ya mwisho ya ukarimu kwa
jamii.
Viongozi
wa Afrika waliokuwa na uhusiano na Chivayo
Chivayo alikuwa akijulikana kwa kukutana na viongozi
mbalimbali wa Afrika, wakiwemo Samia Suluhu Hassan, Emmerson Mnangagwa,
Hakainde Hichilema, Yoweri Museveni, Bola Ahmed Tinubu na Mfalme Mswati III.
Hata hivyo, mbali na taarifa ya Rais Ruto, hakukuwa na
salamu nyingine rasmi za rambirambi kutoka kwa viongozi hao zilizokuwa
zimethibitishwa kwa kujitegemea wakati makala hii ikichapishwa.
Chapisho lake la mwisho kwenye mitandao ya kijamii
Chapisho la mwisho la umma la Wicknell Chivayo kwenye
mtandao wa X pia limezua mjadala mkubwa baada ya taarifa za kifo chake kuibuka.
Chivayo alichapisha ujumbe huo asubuhi ya tarehe 30
Septemba, saa chache kabla ya helikopta aliyokuwa akisafiria kupata ajali.
Ulikuwa ujumbe wa kuwapongeza mawakili wawili ambao alisema
walikuwa wamemuunga mkono kwa miongo kadhaa. Alianza chapisho hilo kwa maneno
haya ya Kiingereza: "APPRECIATING RELATIONSHIPS BUILT OVER DECADES...
SAVED THE BEST FOR LAST."
Chapisho hilo lilijumuisha ahadi za kutoa magari ya kifahari
na zawadi kubwa za fedha kwa watu aliokuwa akiwashukuru.
Baada ya habari za kifo chake kusambaa, ujumbe huo umevutia
hisia na mjadala miongoni mwa watumiaji wa mitandao ya kijamii kutokana na
kuchapishwa saa chache kabla ya ajali iliyogharimu maisha yake.
Rubani "shujaa" azuia janga angani baada ya kudungwa kisu na mwenzake
Chanzo cha picha, EPA
Rubani mmoja amekamatwa baada ya kumchoma kisu rubani
mwenzake kwenye ndege iliyokuwa ikisafiri kutoka Dubai kwenda Tel Aviv na
"inaonekana alijaribu kuiangusha ndege hiyo", kwa mujibu wa Waziri
Mkuu wa Israel, Benjamin Netanyahu.
Abiria na wahudumu wa ndege walifanikiwa kumdhibiti
mshambuliaji huyo na kurejesha udhibiti wa ndege ya shirika la Flydubai, ambayo
baadaye ilitua salama katika uwanja wa ndege wa Tabuk, kaskazini-magharibi mwa
Saudi Arabia, ikiwa na zaidi ya watu 170 ndani.
Abiria hao, ambao wengi wao walikuwa raia wa Israel,
waliwasili baadaye Jumatano mjini Tel Aviv kwa ndege maalum ya kuwarejesha
nyumbani.
Rubani aliyechomwa kisu, aliyetambulika kama raia wa India
Kapteni Smit Machchhar, amelazwa hospitalini lakini hali yake inaelezwa kuwa
imara.
Netanyahu pamoja na Waziri Mkuu wa India, Narendra Modi,
wamemsifu Kapteni Machchhar na kumtaja kama "shujaa" kutokana na
mchango wake katika kusaidia kuzuia tukio hilo na kuokoa maisha ya watu
waliokuwa ndani ya ndege.
"Licha ya kudungwa kisu na kujeruhiwa vibaya,
alipambana, akajitetea, akafungua mlango wa chumba cha marubani na kuwawezesha
abiria pamoja na wahudumu wa ndege kumdhibiti mshambuliaji huyo, na hivyo
kuzuia janga kubwa ambalo lingeweza kutokea angani," Netanyahu aliandika
kwenye mtandao wa X.
"Aliokoa
maisha ya watu 174, wakiwemo raia wa Israel na mataifa mengine."
Ubalozi wa
India nchini Saudi Arabia umesema Kapteni Smit Machchhar anaendelea kupatiwa
matibabu hospitalini na hali yake ni thabiti.
Akitoa
pongezi zake kwa rubani huyo, Waziri Mkuu wa India, Narendra Modi, aliandika
kwenye mtandao wa X: "Katika hali ya hatari kubwa sana, na licha ya
kujeruhiwa vibaya, alionyesha ujasiri wa hali ya juu na azma isiyoyumba ya
kulinda maisha ya wengine."
"India inajivunia Kapteni Machchhar."
Kauli hiyo ilikuja huku Kapteni Smit Machchhar akiendelea
kupatiwa matibabu hospitalini baada ya kudungwa kisu akiwa kwenye ndege ya
shirika la Flydubai iliyokuwa ikielekea Tel Aviv. Benjamin Netanyahu na
Narendra Modi wamemsifu rubani huyo kwa kusaidia kuzuia kile walichosema
kingegeuka janga kubwa angani
Sababu ya tukio hilo bado haijajulikana, na rubani
anayeshukiwa alikuwapo chini ya uchunguzi wa mamlaka za Saudi Arabia, kwa
mujibu wa Waziri Mkuu wa Israel, Benjamin Netanyahu.
Akizungumza na kituo cha habari cha Fox News usiku wa
Jumatano, Netanyahu alisema rubani huyo alitarajiwa kurejeshwa katika Falme za
Kiarabu (UAE), ambako ndege hiyo ilianzia safari yake, baada ya taratibu za
uchunguzi kukamilika.
