ਕੌਮੀ ਇਨਸਾਫ਼ ਮੋਰਚੇ ਵੱਲੋਂ ਪੰਜਾਬ ਬੰਦ ਦੇ ਸੱਦੇ ਦਾ ਕਿਹੋ ਜਿਹਾ ਅਸਰ, ਤਸਵੀਰਾਂ ਵਿੱਚ ਦੇਖੋ ਵੱਖ-ਵੱਖ ਸ਼ਹਿਰਾਂ 'ਚ ਕੀ ਹੈ ਮਾਹੌਲ
ਤਸਵੀਰ ਸਰੋਤ, Mayank Mongia/BBC
ਕੌਮੀ ਇਨਸਾਫ਼ ਮੋਰਚੇ ਵੱਲੋਂ 21 ਅਗਸਤ ਨੂੰ ਪੰਜਾਬ ਬੰਦ ਦਾ ਸੱਦਾ ਦਿੱਤੇ ਜਾਣ ਦਾ ਮਿਲਿਆ-ਜੁਲਿਆ ਅਸਰ ਕਈ ਸ਼ਹਿਰਾਂ ਵਿੱਚ ਦਿਖਾਈ ਦੇ ਰਿਹਾ ਹੈ। ਐਲਾਨ ਮੁਤਾਬਕ, ਸਵੇਰੇ 7 ਵਜੇ ਤੋਂ ਸੁਪਹਿਰ 2 ਵਜੇ ਤੱਕ ਬੰਦ ਦਾ ਸੱਦਾ ਹੈ।
ਕੌਮੀ ਇਨਸਾਫ਼ ਮੋਰਚੇ ਦੀ ਮੰਗ ਹੈ ਕਿ ਜੇਲ੍ਹਾਂ ਵਿੱਚ ਬੰਦ ਅਤੇ ਸਜ਼ਾਵਾਂ ਪੂਰੀਆਂ ਕਰ ਚੁੱਕੇ ਸਿੱਖ ਕੈਦੀਆਂ ਨੂੰ ਰਿਹਾਅ ਕੀਤਾ ਜਾਵੇ।
ਇਸਦੇ ਨਾਲ ਹੀ ਉਹ ਜਗਤਾਰ ਸਿੰਘ ਹਵਾਰਾ ਦੀ ਪੈਰੋਲ ਦੀ ਵੀ ਮੰਗ ਕਰ ਰਹੇ ਹਨ।
ਬੀਬੀਸੀ ਪੱਤਰਕਾਰ ਨਵਜੋਤ ਕੌਰ ਮੁਤਾਬਕ, ਮੋਰਚੇ ਦੇ ਕਨਵੀਨਰ ਪਾਲ ਸਿੰਘ ਫਰਾਂਸ ਨੇ ਦੱਸਿਆ ਸੀ ਕਿ ਉਹ 21 ਅਗਸਤ ਨੂੰ ਬਜ਼ਾਰ, ਵਿੱਦਿਅਕ ਅਦਾਰੇ, ਦਫ਼ਤਰ ਅਤੇ ਬੈਂਕ ਬੰਦ ਕਰਵਾਉਣਗੇ।
ਇਸਦੇ ਨਾਲ ਹੀ ਰੇਲ ਤੇ ਬੱਸ ਸੇਵਾਵਾਂ ਦੀ ਆਵਾਜਾਈ ਵੀ ਬੰਦ ਕਰਨ ਦਾ ਸੱਦਾ ਹੈ ਜਦਕਿ ਮੈਡੀਕਲ ਐਮਰਜੈਂਸੀ ਨਾਲ ਸਬੰਧੀ ਸਾਰੇ ਕੰਮਕਾਜ ਉਸੇ ਤਰ੍ਹਾਂ ਚੱਲੇ ਰਹਿਣਗੇ।
ਫਿਲਹਾਲ ਵੱਖ-ਵੱਖ ਥਾਵਾਂ ਤੇ ਇਸ ਬੰਦ ਦਾ ਅਸਰ ਦੇਖਣ ਨੂੰ ਮਿਲ ਰਿਹਾ ਹੈ। ਤਸਵੀਰਾਂ ਵਿਚ ਦੇਖੋ, ਵੱਖ-ਵੱਖ ਸ਼ਹਿਰਾਂ ਵਿੱਚ ਕੀ ਹੈ ਮਾਹੌਲ...
ਤਸਵੀਰ ਸਰੋਤ, Gurpeet Singh/BBC
ਤਸਵੀਰ ਸਰੋਤ, Ravinder Singh Robin/BBC
ਤਸਵੀਰ ਸਰੋਤ, Ravinder Singh Robin/BBC
ਤਸਵੀਰ ਸਰੋਤ, Ravinder Singh Robin/BBC
ਤਸਵੀਰ ਸਰੋਤ, Ravinder Singh Robin/BBC
ਤਸਵੀਰ ਸਰੋਤ, Manoj Sharma/BBC
ਮੁਹਾਲੀ ਵਿੱਚ ਵੀ ਸਵੇਰੇ 9 ਵਜੇ ਤੋਂ ਏਅਰ ਪੋਰਟ ਰੋਡ ਉੱਤੇ ਕੌਮੀ ਇਨਸਾਫ ਮੋਰਚਾ ਨੇ ਟਰੈਕਟਰ ਅਤੇ ਰੱਸੇ ਲਗਾ ਕੇ ਰੋਡ ਬੰਦ ਕੀਤਾ। ਜਿਸ ਕਰਕੇ ਕਈ ਲੋਕਾਂ ਨੂੰ ਆਵਾਜਾਈ ਦੌਰਾਨ ਪਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪਿਆ।
ਕੌਮੀ ਇਨਸਾਫ ਮੋਰਚੇ ਨੇ ਕਿਹਾ ਐਮਰਜੈਂਸੀ ਸਥਿਤੀ ਵਾਲੇ ਲੋਕਾਂ ਨੂੰ ਲੰਘਣ ਦਿੱਤਾ ਜਾ ਰਿਹਾ ਹੈ।
ਉਧਰ ਸੋਸ਼ਲ ਮੀਡੀਆ ਪਲੇਟਫਾਰਮ ਉੱਤੇ ਸਾਂਝੀ ਕੀਤੀ ਜਾਣਕਾਰੀ ਮੁਤਾਬਕ ਪੰਜਾਬ ਬੰਦ ਦੀ ਕਾਲ ਕਾਰਨ ਪੰਜਾਬ ਯੂਨੀਵਰਸਿਟੀ ਨੇ 21 ਅਗਸਤ 2026 ਨੂੰ ਹੋਣ ਵਾਲੇ ਕਲੈਸ਼/ਲੈਫ਼ਟ-ਆਊਟ/ਮੈਡੀਕਲ/ਸਪੋਰਟਸ/NCC/NSS ਦੇ ਪੇਪਰ ਮੁਲਤਵੀ ਕਰ ਦਿੱਤੇ ਸਨ। ਮੁਲਤਵੀ ਕੀਤੇ ਗਏ ਪੇਪਰ ਹੁਣ 10 ਸਤੰਬਰ 2026 ਨੂੰ ਹੋਣਗੇ।
ਤਸਵੀਰ ਸਰੋਤ, Navkiran Singh//BBC
ਤਸਵੀਰ ਸਰੋਤ, Gurpeet Singh/BBC
ਬੀਬੀਸੀ ਲਈ ਕਲੈਕਟਿਵ ਨਿਊਜ਼ਰੂਮ ਵੱਲੋਂ ਪ੍ਰਕਾਸ਼ਿਤ
