You’re viewing a text-only version of this website that uses less data. View the main version of the website including all images and videos.
Nigeria Military warn of possible attacks during Eid El Kabir
Di Nigerian Army don warn of wetin dem say na possible attacks by some terrorist groups during di Eid celebration.
Dem warn residents of North-east make dem stay at alert ova Boko Haram and Islamic State West Africa (ISWAP) terrorists plan to carry out suicide bombing and Improvised Explosive Device (IED) attack during di Eid-Kabir.
Inside one advisory wey dem issue on Monday, di army tok-tok pesin say based on credible information di terrorists dey plan to attack civilians especially for places wey dey crowded during di festive period.
Di tok tok pesin Lt Col Sani Uba for statement say credible intelligence wey di Command get show a possibility of isolated attempts by remnant Boko Haram Terrorist (BHT) and Islamic State West Africa Province (ISWAP) elements to exploit di festive period to carry out attacks against civilian targets using suicide bombers and IEDs, particularly for areas wey get high population concentration.
E say, "ahead of Wednesday celebrations, troops dey forward-deployed to critical and vulnerable locations across all sectors of di Theatre.
Surveillance and ISR assets also dey fully activated, patrols too don dey intensified, and security forces dey operate in close coordination with sister agencies like di CJTF and community vigilance groups to forestall any threat and guarantee a secure festive period for all residents." E tok.
Di security alert dey come days afta di attack for Ogbomosho wia gunmen attack three schools for Orile local govment in Oyo, wia dem kill and kidnap members of di staff and pupils.
Also, for Zamfara state, bandits kill some residents for Bakura Local Government Area but di Nigeria Army tok say dem repel di attack and rescue di kidnpapped victims.
However, di Army on Monday don advise resident make dem limit dia night waka, avoid places wia security no dey and make dem remain vigilant for markets, motor parks , prayer ground and oda public places.
Security advisory ahead of di Eid El Kabir celebrations
In addition, e advise members of di public to observe di following security guidance di days wey lead up to and throughout di celebrations:
- Conduct Eid prayers and festivities as close to your homes and familiar localities as possible, and avoid large open gatherings wia e dey practicable.
- Exercise heightened vigilance for crowded public spaces such as markets, motor parks, banking halls, and prayer grounds.
- Report any suspicious pesins, unattended objects, or unusual movements to di nearest military checkpoint, police station, or civil-military liaison point immediately.
- Cooperate fully with security personnel during patrols and screening operations.
- Avoid unnecessary movement, particularly at night or for areas with limited security presence.
- No dey spread unverified information or rumours wey fit cause public panic. Rely only on official information from verified govment and security channels.
Di Theatre Command also call on traditional rulers, religious leaders, media organisations and community stakeholders to actively engage dia communities and encourage timely reporting of credible security information ahead of and during di celebration period as di proper cooperation with security forces dey very important to di success of ongoing operations.
Operation HADIN KAI come reassure all residents for di North East say troops dey on standby, fully prepared, and firmly in control and di Command dey determined to deny terrorists any freedom of action and to ensure say di Eid El Kabir celebrations go well in an atmosphere of peace, safety, and dignity for all.
