BBC News, پښتو - کور پاڼه
مهم خبرونه
د پاکستان بهرنیو چارو وزارت: قانوني ویزه او پوهنتونونو سره ثبت افغان محصلین کولای شي زدکړو ته دوام ورکړي
د پاکستان د بهرنیو چارو وزارت وايي، په دغه هېواد کې پر افغان محصلینو بشپړ بندیز نه دی لګېدلی، او هغه افغان محصلین چې قانوني ویزه لري او د پوهنتونونو په رسمي پروګرامونو کې ثبت دي، کولی شي خپلو زده کړو ته دوام ورکړي.
راپورونه: د یمن حوثیانو د مخا بندر نیولی؛ پاکستان وايي، د سعودي پر ضد د حوثیانو د بریدونو په ځواب کې اوس د پوځي اقدام هېڅ احتمال نه شته
رویټرز خبري اژانس د یمني حکومت د درېیو چارواکو له قوله راپور ورکړی چې وسله والو حوثیانو د 'مخا' بندر تر خپل کنټرول لاندې راوستی دی. حوثیان هڅه کوي چې د سره سمندر ستراتیژیک بندرونه ونیسي. دا اقدام به پر باب المندب تنګي د هغوی نفوذ لا زیات کړي، چې د سره سمندر د نړیوالې سمندري سوداګرۍ او بېړیو تګ راتګ لپاره یوه مهمه لاره بلل کېږي.
ټرمپ: ایران د سیاسي دلایلو له مخې د امریکا تر ټاکنو مخکې د شخړو پای ته رسولو لېوالتیا نه لري
د امریکا ولسمشر ډونلډ ټرمپ، چې د خپلو پلویانو یوې غونډې ته د وینا لپاره ټکساس ایالت ته تللی، د چهارشنبې په شپه یو ځل بیا ټینګار وکړ چې ''ایران به هېڅکله اټومي وسلو ته لاسرسی پیدا نه کړي'' او په وینا یې د تهران د اټومي وسلو د ترلاسه کولو مخنیوي لپاره د پوځي اقدام پرېکړه شوې ده.
مجاهد: تېر کال افغانستان کې د یو اعشاریه درې میلیونه ماشومانو زېږونونه ثبت شوي
افغانستان کې د طالبانو حکومت ویاند ذبیح الله مجاهد وايي، د تېر یوه کال په اوږدو کې د افغانستان په روغتونونو او روغتیايي کلینکونو کې څه باندې میلیون ماشومانو زېږونونه ثبت شوي دي. ښاغلي مجاهد د ''حکومت د مطبوعاتو په هنداره کې'' تر سرلیک لاندې د طالبانو حکومت د فعالیتونو د تشریح لړۍ په وروستۍ ورځ خبري کنفرانس کې په تېر کال کې د روغتیا، چاپېریال او ورزش په برخو کې د حکومت لاسته راوړنې بیان کړې.
له پاکستانه د روغتیا برخې افغان محصلانو د ایستلو په اړه پراخ غبرګونونه څرګند شوي
افغان محصلانو ته پاکستان کې د طبي زدکړو شورا (پياېمډيسي) اړوندو طبي بنسټونو او ادارو ته امر کړی چې نویو افغان محصلینو ته په دې ادارو کې د زدکړو لپاره د داخلې له ورکولو ډډه وکړي، د پاکستان دې کار خپله پاکستان، افغانستان او بهر کې غبرګونونه راپارولي دي. د طالبانو حکومت وايي، له پاکستانه ایستل کېدونکو افغان محصلانو ته افغانستان کې د پاتې روغتیايي زدکړو د دوام زمینه برابروي.
بي بي سي پښتو اوس پر وټساپ هم شته
په خپل ګرځنډه ټیلیفون کې د بي بي سي پښتو تازه خبرونه، څېړنیز رپوټونه او د افغانستان، پاکستان او نورې نړۍ په اړه ځانګړې معلوماتي لیکنې لوستلی شئ.
ځانګړي مطالب
د احمد شاه مسعود له وژل کېدو ۲۵ کاله وروسته؛ د هغه د قضیې برخلیک څنګه شو؟
د افغانستان د سیاست له مشهورو څېرو، احمد شاه مسعود، له ترور څخه ۲۵ کاله تېرېږي. د نوموړي کورنۍ وايي، د افغانستان حکومتونو د احمد شاه مسعود د ترور د قضیې د تعقیب او څېړنې په برخه کې لازمې همکارۍ نه دي کړې.
د ناروې د کډوالو شورا: کورنۍ د سقوط په حال کې دي، پرېښودل شوې او له پامه غورځول شوې
د ناروې د کډوالو شورا وايي، په افغانستان کې کورنۍ له داسې کړکېچ سره مخ دي چې هره میاشت لا پسې سختېږي. دغې ادارې په یوه تازه خبرپاڼه کې ویلي، د بېځایه کېدو، جګړو، اقلیمي ناورینونو او جنسیتي تبعیض له امله د خلکو ستونزې زیاتې شوې دي. د ناروې د کډوالو شورا یا (اېنارسي) سرمنشي یان ایګلانډ دا اونۍ افغانستان ته سفر کړی او خبرداری یې ورکړی چې افغانستان په بشپړه توګه پرېښودل شوی او د دې وضعیت تر ټولو بدې پایلې ښځې او نجونې زغمي.
ولې د ښځو ښکنځل کول بد ګڼل کېږي؟
په هند کې د یوه لاریون په ترڅ کې د ځوانو ښځو نوي انځورونه چې پکې ښکنځلې کوي، یو غیر معمولي بحث راپورته کړی دی: ایا کله چې د ښځو له خولې سپکې خبرې راوځي، بد ګڼل کېږي؟ په دې بحث کې تازه ورګډ شوی کس، د هند د اصلي اپوزیسیون ګوند مشر راهول ګاندي دی، چې د ځوانو ښځو د ښکنځلو په اړه یې د لومړي وزیر نریندرا مودي پر څرګندونو نیوکه کړې، چې دا یې "کلتوري شاک" بللی و.
سېنټکام: د ایران پنځه تېل وړونکي بېړۍ مو له منځه یووړې؛ سپاه: دوه امریکایي جنګي بېړۍ مو په نښه کړي
د ایران او امریکا ترمنځ د فارس خلیج په سیمه کې د بریدونو نوې لړۍ پیل شوې ده. د سې شنبې شپې په نیمایي کې او څو ساعته وروسته له هغې چې سپاه پاسداران د امریکا د یوې بې پیلوټه اوبتل د "ښکار" خبر ورکړ او انځورونه یې خپاره کړل، سېنټکام اعلان وکړ چې د خپلو بېړیو پر وړاندې د ایران د برید په غبرګون کې یې پر پنځو ایراني نفت لېږدوونکو برید کړی او هغه یې "له منځه وړي" دي.
د بي بي سي د درس پروګرامونو ټولګه
د بي بي سي د درس پروګرامونو ټولګه
افغانستان لپاره د بيبيسي ټلوېزیوني خپرونې
بيبيسي نیوز افغانستان چې د سپوږمکۍ (سټلایټ) له لارې خپرېږي، د افغانستان، سیمې او نړۍ پر سیاست، اقتصاد، کلتور، لوبو او ټولنیزو چارو پام ساتي. دا خپرونې پر پښتو او دري ژبو خپرېږي .
غواړئ چې انټرنېټ مو ډېر مصرف نشي؟
د وېبسایټ هغه بڼه ولولئ چې یوازې متن لري او لږ انټرنېټ کاروي.
تازه خبرونه واورئ
راتلونکې برخه واورئ , خبرهای نیمه روز, ۱۳:۰۰, ۱۰ سپتمبر ۲۰۲۶, ۱۴،۳۰ موده
تازه ترین اخبار از افغانستان، منطقه و جهان
واورئ, غرمني خبرونه, ۰۹:۳۰, ۱۰ سپتمبر ۲۰۲۶, ۱۴،۳۰ موده
د افغانستان، سيمې او نړۍ وروستي خبرونه
واورئ, د اوونۍ بحث, ۱۶:۳۰, ۹ سپتمبر ۲۰۲۶, ۲۹،۳۰ موده
د اوونۍ پر مهمو مسايلو تفصيلي بحث
واورئ, خبر او نظر, ۱۵:۳۰, ۹ سپتمبر ۲۰۲۶, ۲۹،۳۰ موده
دا خپرونه له بي بي سي پښتو اورئ
نړۍ دا وخت
د بي بي سي پښتو ټلویزیوني خپرونه چې هره ورځ د افغانستان په شپږ بجو په ژوندۍ بڼه خپرېږي.
