Mwakoze kubana natwe uyu munsi muri iyi gahunda y'amakuru yo mu buryo bw'aka kanya. Ni ah'ejo.
US: Kajugujugu yarashe misile ihagarika ubwato bwageragezaga kurenga ku byambu bya Iran
CENTCOM ivuga ko indege yo mu bwoko bwa MH-60 yarashe misile ebyiri za Hellfire mu cyumba cya moteri cy’ubwato M/V Vela Nova bufite ibendera rya Panama, igihe ubwo bwato bwageragezaga kunyura mu Nyanja ya Oman.
Incamake
- Colombia: Umugore yakuwe mu byasenyutse ari muzima nyuma y'amasaha 36 habaye umutingito
- Messi avuga ko atazi neza niba azakina 'igihe kirekire cyane' nyuma y'urupfu rwa se
- Zimbabwe: Abantu nibura 44 bapfuye ubwo ubwato bwarohamaga mu kiyaga cya Kariba
- Rwanda: RIB yemeje ko yataye muri yombi umuyobozi wa FERWAFA Shema Fabrice ashinjwa gutanga sheke itazigamiye
- KEBS yagize icyo ivuga nyuma y'uko u Rwanda ruhagaritse by'agateganyo inzoga eshanu zikorerwa muri Kenya
- Perezida Donald Trump ati: "Nibaza ko indege narimwo ari yo yari mu kaga kanini kuruta izindi, kubera ko ari yo ndege barondera cane kurasa"
- Buramatari w'intara ya Krasnodar iri mu bumanuko bw'Uburusiya avuga ko Ukraine yagavye igitero gikomeye mw'ijoro ryakeye, ikoresheje amajana y'indege zitajamwo abadereva (drones).
- Abakozi b'Igisata kijejwe bimukira be n'abinjira n'abasohoka (ICE) muri Amerika bashobora vuba guhabwa udufukantoki turimwo umuyagankuba ufata kandi ubabaza.
- Abantu nibura 15 bamaze gupfa nyuma y'uko ubwato burohamye mu kiyaga cya Kariba muri Zimbabwe
- Raporo nshya ya ILO igaragaza ko igipimo cy'ubushomeri mu rubyiruko ruri hagati y'imyaka 15 na 24 cyageze kuri 12.4% mu 2025, kivuye kuri 12.3% mu 2023. Ibyo bivuze ko ku rwego rw'isi yose, urubyiruko rugera kuri miliyoni 67 rwari rudafite akazi.
- Uburusiya bwarekuye uwari umusirikare wa Amerika avugwa ko amagara yiwe ari mabi. Yari yafashwe muri Nzero 2022 yagirizwa gukubita umupolisi igihe yari yanyoye inzoga, ari muri gari ya moshi yaja i Moscou.
- Cristiano Ronaldo yasezeranye n'umukunzi we bamaranye igihe kirekire Georgina Rodríguez imbere y'amategeko
- Korea ya Ruguru yarashe igisasu ca misire mw'igerageza – bivugwa n'Ubuyapani na koreya y'Epfo
- CENTCOM ivuga ko indege yo mu bwoko bwa MH-60 yarashe misile ebyiri za Hellfire mu cyumba cya moteri cy'ubwato M/V Vela Nova bufite ibendera rya Panama, igihe ubwo bwato bwageragezaga kunyura mu Nyanja ya Oman.
Amakuru y'ikibiriraho
Bernard Bankukira, Didier Bikorimana na Latifa Mutesi
Colombia: Umugore yakuwe mu byasenyutse ari muzima nyuma y'amasaha 36 habaye umutingito
Ahavuye isanamu, Getty Images
Insiguro y'isanamu, Abakora ubutabazi batwaye Daniela Largo, afubitswe muri shitingi y'ubururu, bamujyanye ku modoka y'imbangukiragutabara nyuma yo kumukura munsi y’ibyasenyutse Umugore w’imyaka 32, wari waheze munsi y’ibyasenyutse akahamara amasaha 36 nyuma y’umutingito w’isi wo ku gipimo cya 7.4 wajegeje uburengerazuba bwa Colombia, yatabawe akurwamo ari muzima.
Daniela Largo yakuwe munsi y’inyubako yahirimye yo mu mujyi wa Pereira nyuma y’igikorwa cy’ubutabazi cyamaze amasaha 10.
Abazimya umuriro bashyize bashobora kumugeraho banyuze mu muyoboro bacukuye munsi y’ibisate bine by’isima yari yaheze munsi yabyo.
Imibare itangazwa na leta igaragaza ko abantu nibura 188 bishwe n’uwo mutingito w’isi, mu gihe abandi bantu babarirwa mu magana bakiburiwe irengero.
Izindi nkuru wasoma:
Messi avuga ko atazi neza niba azakina 'igihe kirekire cyane' nyuma y'urupfu rwa se
Ahavuye isanamu, Getty Images
Insiguro y'isanamu, Jorge Messi yarebye umuhungu we Lionel Messi ubwo yagezaga Argentine ku ntsinzi y'igikombe cy'isi cyo mu 2022 Lionel Messi yavuze ko atazi neza niba hari igihe kirekire cyane azakomeza gukina umupira w’amaguru, mu butumwa bwuzuye imbamutima yatangaje mu guha icyubahiro se wapfuye.
Jorge, se wa Messi, yapfuye mu cyumweru gishize nyuma y’uburwayi yari amaranye igihe kirekire. Yari afite imyaka 68.
Jorge ni we wahagarariraga Messi mu bikorwa bye by’ubucuruzi by’umupira w’amaguru kuva ubwo uwo muhungu we yari afite imyaka 14, kugeza abaye umwe mu bakinnyi b’umupira w’amaguru b’ibihangange cyane ku isi.
Messi, w’imyaka 39, yatangaje ku mbuga nkoranyambaga ati: “Sinzi niba ngiye gukomeza ntari kumwe nawe.”
“Sinzi ukuntu nakomeza. Najyaga nkina umupira w’amaguru gutyo gusa, none ubu rwose sinzi neza niba nzakomeza kubikora igihe kirekire cyane.
“Wakomeje kumba iruhande kuva mu ntangiriro; hari hasigaye gato cyane ku kugera ku musozo. Kuki utashoboye kurindira gato cyane kugira ngo byose tubirangizanye?”
Messi yari kapiteni w’ikipe y’igihugu wa Argentine ubwo iyo kipe yatsindiraga igikombe cy’isi cyo mu mwaka wa 2022, ndetse yanayigejeje ku mukino wa nyuma w’igikombe cy’isi cyo muri uyu mwaka wa 2026, umukino Espagne yatsinzemo Argentine igitego 1-0. Nyuma yaho yasubiye mu ikipe asanzwe akinamo ya Inter Miami yo muri Amerika.
Yasubiye iwabo n’umuryango we nyuma yuko Jorge apfiriye mu bitaro byo mu mujyi Messi avukamo wa Rosario muri Argentine.
Umuhango wo gushyingura witabiriwe n’abatumiwe gusa wabaye ku cyumweru mu irimbi ryo mu mujyi wa Perez, uri mu nkengero ya Rosario.
Izindi nkuru wasoma:
Zimbabwe: Abantu nibura 44 bapfuye ubwo ubwato bwarohamaga mu kiyaga cya Kariba
Ahavuye isanamu, AFP via Getty Images
Insiguro y'isanamu, Ikiyaga cya Kariba, kiri ku mupaka Zimbabwe ihana na Zambia, ni kimwe mu bigega binini cyane by’amazi ku isi byakozwe na muntu Polisi ya Zimbabwe ivuga ko abantu nibura 44 bapfuye nyuma yuko ku wa kabiri ubwato burohamye mu kiyaga cya Kariba cyo muri icyo gihugu.
Ubwo bwato bwari bufite ubushobozi bwo gutwara abagenzi 90 hamwe n’ababutwaye batanu ariko umutegetsi wo kuri icyo kiyaga yatangaje ko abantu 120, barimo abana 12, ari bo bari bari muri ubwo bwato.
Polisi yongeyeho ko ubwo bwato bwakubiswe n’umuraba ukaze, nuko burabirinduka. Amashusho yatangajwe ku mbuga zo kuri murandasi uko bigaragara yerekana igice cyo munsi cy’ubwo bwato kirimo kureremba mu mazi.
Perezida wa Zimbabwe Emmerson Mnangagwa yatangaje ibihe by’amage mu gihugu, mu gihe ibikorwa byo gushakisha no gutabara byakajije umurego. Kugeza ubu, abantu 77 ni bo bamaze gutabarwa.
Ikiyaga cya Kariba, gikora ku mupaka Zimbabwe ihana na Zambia, ni kimwe mu bigega binini cyane by’amazi ku isi byakozwe na muntu, kikaba cyifashishwa mu ngendo zo mu mazi no mu burobyi ndetse kikaba ari n’ingenzi cyane ku ngomero z’amashanyarazi z’ibyo bihugu byombi.
Izindi nkuru wasoma:
Ikigo cy’ubugenzuzi cya Kenya kivuga ko inzoga eshanu zaho zahagaritswe n’u Rwanda ‘zujuje ubuziranenge’
Ahavuye isanamu, Getty Images
Ikigo cya Kenya gitsura ubuziranenge bw'ibicuruzwa (KEBS) cyatangaje ko ubwoko butanu bw'inzoga zo muri icyo gihugu bwahagaritswe by'agateganyo n'ikigo cy'u Rwanda gishinzwe kugenzura ibiribwa n'imiti (Rwanda FDA) bwujuje ibisabwa byose bijyanye n'ubuziranenge n'umutekano, kandi ko bugikurikiza amabwiriza ya Kenya n'ay'Umuryango wa Afurika y'Iburasirazuba (EAC).
Mu itangazo KEBS yashyize ku rubuga rwa X ku wa 11 Kanama (8) 2026, yavuze ko yabonye itangazo rya Rwanda FDA ryo ku wa 5 Kanama (8) 2026. ariko ishimangira ko abaguzi, abafatanyabikorwa mu bucuruzi ndetse n’abaturage muri rusange ko ibyo binyobwa byanyuze mu igenzura rikomeye mbere yo kujya ku isoko.
KEBS yavuze ko ibyo bicuruzwa byakorewe isuzuma ryimbitse binyuze mu kugenzura niba byubahiriza ibisabwa n'amategeko, igenzura ry’ibicuruzwa ku isoko, igenzura ry’inganda ndetse n’ibizamini bya laboratwari.
Mu itangazo ryayo yagize iti: “Ibicuruzwa bifite ibimenyetso byemewe bigaragaza ko byujuje ubuziranenge, kandi bikomeje kubahiriza ibisabwa ku bijyanye n’ireme, umutekano ndetse n’amakuru agomba kuba ku birango byabyo (labelling)".
Ubwoko bw'inzoga bwafatiwe iki cyemezo ni: Kenya King Gin ikorwa na London Distillers Kenya Ltd, Safari Gin ikorwa na London Distillers Kenya Ltd, Avalon Potable Spirit ikorwa na Zheng Hong (K) Ltd, Sweet Berry Potable Spirit ikorwa na Zheng Hong (K) Ltd ndetse na Gilbey's Gin ikorwa na Kenya Breweries Ltd.
KEBS yavuze ko izi nzoga zemejwe hashingiwe ku bipimo ngenderwaho by’Umuryango wa Afurika y'Iburasirazuba bigenga inzoga zo mu bwoko bwa gin, vodka n'ibindi binyobwa.
Ibyo bipimo ngenderwaho bikubiyemo ibisabwa birimo ingano ya ‘Alcohol’, igipimo cya methanol cyemewe, ibindi binyabutabire bishobora kugira ingaruka ku buzima, icyo bipfunyikwamo, uko bishyirwaho ibirango ndetse n'umutekano w'ababikoresha.
Nyuma y'itangazo rya Rwanda FDA, KEBS yavuze ko yahise itangiza isuzuma ryuzuye ryibanze ku nyandiko z'ibyemezo by'ubuziranenge, raporo z'igenzura ry'ireme, ibisubizo byo kugenzura ibicuruzwa biri ku isoko, igenzura ryakorewe mu nganda ndetse n'ibizamini bya laboratwari.
Mu Rwanda, mu biganiro bitandukanye byanyuze ahanini mu bitangazamakuru bya Leta, abategetsi bumvikanye bavuga ko hari inganda z’imbere mu gihugu zakoraga zifite icyemezo cy'ubuziranenge ariko ku ruhande zigakora ibinyuranije n'amategeko mu rwego rwo gushakisha inyungu z'umurengera.
Uretse gusa kuba Ministeri y'ubutegetsi bw'igihugu ivuga ko urubyiruko rusaga 90% by'abafungiye mu bigo by'inzererezi baba barabaswe n'ibi binyobwa cyangwa ibindi biyobyabwenge, Ministeri y'ubutegetsi bw'igihugu yavuze ko Leta idafite umugambi wo kubuza abantu kwenga inzoga gakondo zizwi nk'urwagwa n'ikigage.
Izindi nkuru wasoma:
Umuyobozi wa FERWAFA yatawe muri yombi ashinjwa gutanga sheke itazigamiye
Ahavuye isanamu, FERWAFA/X
Insiguro y'isanamu, Shema Fabrice yatorewe kuyobora FERWAFA mu mpera y’ukwezi kwa munani mu mwaka wa 2025 Jean Claude Mwambutsa
BBC Gahuzamiryango i Kigali
Inkuru y’itabwa muri yombi ry’umuyobozi w’ishyirahamwe ry’umupira w’amaguru mu Rwanda (FERWAFA) yamenyekanye mu ijoro ryakeye icicikana ku mbuga nkoranyambaga.
Urwego rw’igihugu rw’ubugenzacyaha (RIB) rwemeje aya makuru, ruvuga ko Shema Fabrice yatawe muri yombi ashinjwa gutanga sheke (cheque) itazigamiye.
Gusa nta makuru arambuye yatanzwe kuri iyo sheke, niba ari iye ku giti cye cyangwa se niba ari ifitanye isano n’ishyirahamwe yayoboraga.
RIB yavuze ko igikora iperereza ku bindi byaha bishobora kuba bifitanye isano n’iyi sheke.
Ifungwa ry’umukuru wa FERWAFA rije nyuma y’iminsi yari ishize iri shyirahamwe risa n’irishyamiranye n’ikipe ya APR FC y’igisirikare cy’u Rwanda.
Iyi kipe ishinja FERWAFA gufata ibyemezo biyirenganya ndetse ikaba iherutse gutangaza ko itazitabira irushanwa ry’igikombe kiruta ibindi cya Super Cup, nkuko bitangazwa n'ibitangazamakuru bimwe byo mu Rwanda, bisubiramo amagambo yo mu ibaruwa bivugwa ko APR yandikiye FERWAFA.
BBC Gahuzamiryango ntiyashoboye kugenzura mu buryo bwigenga ibyo muri iyo baruwa ivugwa.
Ubusanzwe iki gikombe cya Super Cup gikinirwa n’ikipe yatwaye igikombe cya 'championnat' n’iyatwaye igikombe cy’amahoro.
APR FC ivuga ko itakwemera gukina iki gikombe mu isura nshya y’amakipe ane, mu gihe ubusanzwe iki gikombe cyakinirwaga n’amakipe abiri.
Umuyobozi w’ishyirahamwe ry’umupira w’amaguru mu Rwanda atawe muri yombi yari ataramara igihe kinini ku buyobozi bwaryo kuko yatowe mu mpera y’ukwezi kwa munani k’umwaka ushize.
Uyu afunzwe akurikira undi mukozi mukuru muri iri shyirahamwe na we watawe muri yombi ku mpamvu zavuzwe ko zifitanye isano n’imicungire mibi y’umutungo.
Andi makuru wasoma:
'Irani sindayizeye' - Trump
Ahavuye isanamu, Reuters
Perezida Donald Trump wa Reta Zunze Ubumwe za Amerika, Donald Trump, yavuze ko atizeye Irani kandi ko Amerika ubu ari yo igenzura Umuhora wa Hormuz wose.
Trump yavuze ati: "Ngeramiwe n’ibintu vyinshi, nk'uko bishikira umukuru w'igihugu wese afata ingingo zikomeye".
Asigura ko indege yari yinjiyemwo imbere y’uko ayivamwo mu mpisho igihe yari muri Turukiya agafata iya gisirikare mu kwezi guheze, yari mu kaga kanini kuruta uko benshi bavyibaza.
Ico gihe, habaye ukumwimura bamuvana mu ndege isanzwe irerura umukuru w’igihugu bamutwaramu modoka isanzwe itwara imfungurwa, kubera impungenge zatewe n’amakuru yavuga ko hashobora kuba hari umugambi wa Iran wo kumwica.
Inyuma y’aho ikinyamakuru Washington Post isohoreye inkuru ibivuga, Trump yabwiye abanyamakuru ati: "Nibaza ko indege narimwo ari yo yari mu kaga kanini kuruta izindi, kubera ko ari yo ndege barondera cane kurasa, niko ndavyibaza”.
Ibindi kuri iyi nkuru, injira hano: Trump avuga ko yahinduye indege inyuma y'inama yaOTAN kubera impungenge z'umutekano
Abantu nibura 15 bamaze gupfa nyuma y’uko ubwato burohamye mu kiyaga cya Kariba muri Zimbabwe
Ahavuye isanamu, AFP via Getty Images
Abantu nibura 15 bamaze kwemezwa ko bapfuye nyuma y'impanuka y'ubwato bwarohamiye mu Kiyaga cya Kariba muri Zimbabwe. Ni mu gihe ibikorwa byo gushakisha no gutabara ababuze bigikomeje nk'uko abategetsi babitangaje.
Polisi yatangaje ko ubu bwato bwari butwaye abagenzi 90 n’abakozi batanu babukoramo igihe bwarohamaga ku wa Kabiri. Icyakora, hari amakuru avuga ko umubare w’abari baburimo ushobora kuba wari urenze uwo, kuko bishoboka ko bwari bwarengeje umubare ntarengwa w’abagenzi, hashingiwe ku mubare w’amatike yagurishijwe.
Umwe mu babonye ibyabaye yabwiye AFP ko ubwo bwato bwatangiye urugendo mu gitondo mu gihe ikirere kitari cyiza. Bikekwa ko bwaba bwarakubiswe n’umuraba, bukabura uburinganire maze bukarohama.
Ikiyaga cya Kariba, giherereye ku mupaka uhuza Zimbabwe na Zambia, ni kimwe mu biyaga byakozwe n’abantu binini ku isi. Gikoreshwa cyane mu gutwara abantu n’ibintu, uburobyi ndetse no mu gutanga amashanyarazi akomoka ku mazi afitiye akamaro ibihugu byombi.
Ibiro ntaramakuru AP byatangaje ko Ishami rishinzwe kurengera abaturage no guhangana n’ibiza muri Zimbabwe (Civil Protection Unit - CPU) ryavuze ko inyandiko z’amatike zigaragaza ko abantu bakuru 114 bari baraguze amatike yo muri ubwo bwato.
Ryongeyeho ko hashobora kuba hari harimo abana batari bagejeje ku myaka yo kugura itike, ariko umubare wabo ukaba utaramenyekana.
CPU yavuze ko kugeza ubu abagenzi 77 bamaze gutabarwa, naho imirambo 15 ikaba yabonetse igakurwa mu mazi.
Mutsa Murombedzi, umwe mu bagize Inteko Ishinga Amategeko muri Zimbabwe, yashyize kuri X amashusho y’ubwo bwato bugitangira urugendo.
Yavuze ko abaturage bo muri ako gace bari basanzwe babukoresha mu kwambuka ikiyaga berekeza mu mujyi wa Kariba, urugendo rumara hafi amasaha atanu.
Mu butumwa yanditse, yagize ati: “Dufite ibibazo bikomeye bikeneye ibisubizo by’ukuri. Abategetsi bagomba gutangaza umubare nyawo w’abantu bari muri ubwo bwato.”
Polisi yatangaje ko amakuru arambuye, harimo umubare w’abamaze kumenyekana ko bapfuye n’abatabawe, azatangazwa mu gihe kiri imbere uko ibikorwa by’ubutabazi bizakomeza.
Izindi nkuru wasoma:
Intambara yo muri Ukraine: Abantu babiri bishwe mu gitero ca drone mu ntara ya Krasnodar mu Burusiya
Ahavuye isanamu, Reu
Buramatari w’intara ya Krasnodar iri mu bumanuko bw’Uburusiya avuga ko Ukraine yagavye igitero gikomeye mw’ijoro ryakeye, ikoresheje amajana y’indege zitajamwo abadereva (drones).
Veniamin Kondratyev yavuze ko abantu babiri bapfuye muri ico gitero, harimwo umwana w’imyaka umunani, abandi cumi na babiri bakaba bakomeretse.
Yavuze ko ico gitero catujijwe n’ingabo z’Uburusiya, ariko amasanamu yahanahanywe ku mbuga nyagiro yerekanye ibiturika vyinshi mu gitero camaze umwanya ku kivuko gikomeye ca Novorossiysk kiri ku Kiyaga Cirabura.
Amakuru atangwa n’ibigendajuru vya NASA na yo yerekanye ibibanza bitari bike biriko birarurumba.
Ukraine yakoze kandi ibitero ku bibanza bimwe bimwe mu karere ka Crimée/Crimea, akarere kihagiwe n’Uburusiya.
Hagati aho, Uburusiya na bwo bwabandanije n’ibitero vyabwo mu turere dutandukanye twa Ukraine, harimwo n’intara ya Zaporizhzhia, aho buramatari wayo yavuze ko ikigo c’ubudandaji carashwe.
Ubushikiranganji bw’Uburusiya bujejwe kwivuna abansi buvuga ko bwateye ikibanza kibikwamwo igitoro n’amavuta y’imoteri ku kivuko ca Odesa.
Umubare w’urubyiruko rudafite akazi ku isi ukomeje kwiyongera, AI ishobora gutuma birushaho kugorana
Ahavuye isanamu, Reuters
Ishami ry’Umuryango w’Abibumbye ryita ku Murimo (ILO) ryatangaje ko ubushomeri mu rubyiruko ku isi bwiyongereye mu mwaka wa 2025, bitewe n’ubukungu bwadindiye, amakimbirane ya politiki hagati y’ibihugu ndetse n’umuvuduko muke mu guhanga imirimo mishya nkuko tubikesha ikinyamakuru Reuters. ILO, yabitangaje kuri uyu wa gatatu, inaburira ko ubwenge buhangano (AI) bushobora kurushaho kongera ibibazo biri ku isoko ry’umurimo.
Raporo nshya ya ILO igaragaza ko igipimo cy’ubushomeri mu rubyiruko ruri hagati y’imyaka 15 na 24 cyageze kuri 12.4% mu 2025, kivuye kuri 12.3%mu 2023. Ibyo bivuze ko ku rwego rw’isi yose, urubyiruko rugera kuri miliyoni 67 rwari rudafite akazi.
ILO yavuze ko uku kwiyongera gusubiza inyuma intambwe zari zimaze guterwa nyuma y’icyorezo cya COVID-19, kandi ko bigaragaza ko habaye igabanuka ry’imirimo ihari ndetse n’ubwiza bw’imirimo urubyiruko rubasha kubona.
ILO kandi yavuze ko umubare w’urubyiruko rudakora, rutiga cyangwa rutari no mu mahugurwa na wo wazamutse ugera kuri 20%, bingana n’abarenga miliyoni 257.
Raporo igaragaza ko ibihugu by’Abarabu ari byo bifite umubare munini w’urubyiruko rudafite akazi, aho ugeze kuri 26.2%, bigakurikirwa na Afurika y’Amajyaruguru ifite 22.6%.
ILO yanagaragaje kandi ko imirimo isaba ubumenyi bwo hagati iri kugenda igabanuka. Muri iyo harimo iy’ubwanditsi n’ubunyamabanga, ubuyobozi, ubucuruzi no mu nganda. Iyi mirimo ni yo yakundaga guha amahirwe urubyiruko rurangije amashuri yisumbuye cyangwa za kaminuza gutangira kwinjira ku isoko ry’umurimo.
ILO ivuga ko iki kibazo gishobora kurushaho gukomera uko AI ikomeza guhindura uburyo akazi gakorwamo.
Ku rundi ruhande, imirimo isaba ubumenyi bwo ku rwego rwo hejuru, cyane cyane mu bijyanye n’ubumenyi n’ubushakashatsi (science), ubwubatsi (engineering), ubuvuzi n’ikoranabuhanga mu itumanaho (IT) ikomeje kwiyongera mu bihugu byinshi.
Mu bihugu bikiri mu nzira y’amajyambere, urubyiruko rwinshi ntirushobora kwihanganira kumara igihe kirekire rudafite akazi. Kubera iyo mpamvu, benshi bahitamo gukora imirimo idafite umutekano cyangwa uburenganzira bwuzuye bw’umukozi.
Hafi 9 mu 10 by’urubyiruko rukora mu bihugu bikennye n’ibifite ubukungu buciriritse rukora imirimo itanditse mu buryo bwemewe n’amategeko, bityo ntirubone uburinzi buhagije mu kazi ndetse n’ubwiteganyirize bw’abakozi.
Izindi nkuru wasoma:
Abajejwe abimukira muri Amerika bashobora vuba guhabwa udufukantoki turimwo umuyagankuba
Ibinyamakuru vyo muri Reta Zunze Ubumwe za Amerika bitangaza ko abakozi b’Igisata kijejwe bimukira be n’abinjira n’abasohoka (ICE) bashobora vuba guhabwa udufukantoki turimwo umuyagankuba ufata kandi ubabaza.
Nk'uko biri mu rwandika rwasohowe n'Ubushikiranganji bw’Umutekano w’Imbere mu Gihugu, ICE iriko irategura kugura ibihumbi vy’utu dupfukantoke.
Ikompanyi idukora ivuga ko iyo dushizwemwo umuyagankuba, bishobora gufasha umukozi wa ICE gutuma umuntu yemera ivyo asabwa mu masegonda make gusa.
Ibikoresho nk’ibi biramaze gukoreshwa mu mabohero amw’amwe no mu nzego z’igipolisi muri Amerika.
Abaharanira uburenganzira bwa muntu bagaragaje amakenga n’impungenge zikomeye kuri uwo mugambi, mu gihe aba bakozi ba ICE basanzwe bagirizwa gukoresha inguvu z’umurengera kenshi, kandi ntibanakurikiranwe uko bikwiriye.
Ayandi makuru ushobora gusoma:
Uburusiya bwarekuye uwari umusirikare wa Amerika avugwa ko amagara yiwe ari mabi
Ahavuye isanamu, Reuters
Perezida Donald Trump yatangaje ko uwahoze ari umusirikare arwanira mu mazi wa Reta Zunze Ubumwe za Amerika yari afungiwe mu Burusiya kandi bikavugwa ko ubuzima bwiwe bwari bwifashe nabi cane, yarekuwe.
Trump yanditse ku rubuga nyagiro Truth Social ati: “Inyuma y’ibiganiro nagiranye na Perezida Vladimir Putin, Uburusiya bwemeye kumurekura ku mvo z’ugutabara kiremwa muntu”. Yongeyeko ko ata guhanahana imbohe kwabaye.
Robert Gilman, akomoka mu ntara ya Massachusetts, yafashwe mu 2022 yagirizwa gukubita umupolisi igihe yari mu rugendo muri gari ya moshi. Mu minsi yahera yari yakuwe mw’ibohero ajanwa mu bitaro vya gisivire mu Burusiya inyuma y’aho agiriye ingorane zikomeye agasa n’uwatakaje ubushobozi bw’ubwenge n’umubiri.
BBC yabwiwe ko Gilman yitezwe gushika mu gitondo co kuri uno wa gatatu mu bitaro vya gisirikare vya Amerika biri muri Texas, aho azokorerwa isuzumwa ryimbitse yongere avurwe.
Umuryango wiwe uvuga ko ubuzima bwa Gilman bwari “bumeze nabi cane” inyuma yo “gufatwa bunyamaswa”.
Mushikiwe Lexi Hudson yavuze ati: “Abarusiya barafashe nabi cane mwenewacu. Nta kindi catumye bamubabaza atari uko yari Umunyamerika kandi yigeze kuba umusirikare arwanira mu mazi”.
Yongeye ati: “Ndashimira cane Perezida Trump kubera yarokoye ubuzima bwa mwenewacu”.
Gilman yabaye mu ngabo za Amerika zirwanira mu mazi umwaka umwe gushika muri Myandagaro (8) 2020.
Yafashwe muri Nzero 2022 yagirizwa gukubita umupolisi igihe yari yanyoye inzoga, ari muri gari ya moshi yaja i Moscou. Mu ntango yahawe umunyororo w’imyaka itatu n’igice.
Mu nyuma yahavuye yagirwa n’icaha co gukubita abari bacungereye ibohero, inyuma yo kwagirizwa gukubita umugenzuzi w’ibohero mu gihe bariko baragenzura ivyumba vy’abapfungwa. Igihano ciwe caciye congerezwa kigera ku myaka 10.
Cristiano Ronaldo yasezeranye n’umukunzi we bamaranye igihe kirekire Georgina Rodríguez imbere y'amategeko
Ahavuye isanamu, Ronaldo Instagram account
Umunyabigwi w'umupira w'amaguru Cristiano Ronaldo yasezeranye n'umukunzi we bamaze igihe kirekire babana, Georgina Rodríguez, umunyamideli akaba n'umwe mu bazwi cyane ku mbuga nkoranyambaga, mu muhango wo gusezerana imbere y’amategeko wabereye muri Portugal.
Ronaldo yashyize ku rubuga rwa Instagram ifoto igaragaza amaboko abiri yambaye impeta z’ubukwe, aho bikekwa ko ari ukuboko kwe gushyizwe hejuru y’uk’umugore we.
Ibinyamakuru byo muri Portugal byatangaje ko aba bombi bakoze ubukwe ku wa 11 Kanama (8), mu mujyi wa Cascais, uri ku nkombe z’inyanja hafi y’umurwa mukuru Lisbon. Bivugwa kandi ko abana babo batanu bari bitabiriye uwo muhango.
Mu minota 30 gusa nyuma yo gushyira iyo foto ku rubuga rwa Instagram, yari imaze gukundwa n'abarenga miliyoni 3.
Ronaldo na Georgina bamaze imyaka 10 bakundana, nyuma yo guhura mu iduka rya Gucci i Madrid, aho Rodríguez yakoraga. Icyo gihe Ronaldo yakinaga mu ikipe ya Real Madrid yo muri Espagne.
Aba bombi batangaje ko basezeranye kubana nk'umugore n'umugabo ku wa 11 Kanama (8) umwaka ushize.
Icyo gihe Rodríguez yashyize ku mbuga nkoranyambaga ifoto y'impeta y'agaciro kanini, yandikaho ubutumwa bugira buti:"Yego, ndabyemeye. Muri ubu buzima no mu bundi bwose."
Yabyanditse mu rurimi rwe kavukire rw’icyesipanyolo.
Cristiano Ronaldo ni umwe mu bakinnyi bakoze amateka mu mupira w'amaguru, aho amaze gutsinda ibitego hafi 1,000 mu makipe atandukanye arimo Sporting Lisbon, Manchester United, Real Madrid, Juventus, Al Nassr, ndetse n'ikipe y'igihugu ya Portugal.
Aherutse no gukina mu gikombe cy'isi ku nshuro ya gatandatu aho anganya na Lionel Messi wa Argentina kuba ari bo bakinnyi bamaze gukina imikino yanyuma y’Igikombe cy’Isi inshuro nyinshi kurusha abandi.
Izindi nkuru wasoma:
Korea ya Ruguru yarashe igisasu ca misire mw’igerageza – bivugwa n’Ubuyapani na koreya y’Epfo
Ahavuye isanamu, Reuters
Ubuyapani na Koreya y’Epfo bavuga ko Koreya ya Ruguru yarashe igisasu ca misire ya balistique hanze y’inkengera y’ubuseruko bw’izinga rya Korea.
Ubushikiranganji bw’Ubuyapani bujejwe kwivuna abansi bwatangaje ko ico gisasu bigaragara ko caguye hanze y’akarere kihariye k’ubutunzi bw’ico gihugu.
Muri uyu mwaka, Koreya ya Ruguru imaze gukora amagerageza nk’aya atari make, aho yagerageje ibisasu vya misire, ibisasu vya muzinga n’ibindi birwanisho.
Igerageza ry’iki gisasu ribaye mu gihe hitezwe imyimenyerezo rusangi ya gisirikare ihurikiyemwo Koreya y’Epfo na Reta Zunze Ubumwe za Amerika.
Koreya ya Ruguru kandi yaneguye integuro nshasha z’Ubuyapani mu bijanye no kwivuna abansi, ikagiriza Tokyo (ubutegetsi bw’Ubuyapani) ko iriko irasubira kuvyura ingendo ya gisirikare.
Ayandi makuru ushobora gusoma:
US: Kajugujugu yarashe misile ihagarika ubwato bwageragezaga kurenga ku byambu bya Iran
Ahavuye isanamu, US Central Command
Igisirikare cya Leta Zunze Ubumwe za Amerika cyatangaje ko imwe muri kajugujugu zacyo yarashe za misile ku bwato butwara imizigo, mu rwego rwo guhagarika uburyo bwo kuyobora ubwo bwato, nyuma y’uko bwagerageje kurenga ku ngamba za Amerika zo kubuza amato kugera ku byambu bya Iran.
Mu itangazo, Ubutegetsi bukuru bw’Ingabo z’Amerika (CENTCOM) bwavuze ko ku wa Kabiri, indege yo mu bwoko bwa MH-60 bwarashe misile ebyiri za Hellfire mu cyumba cya moteri cy’ubwato M/V Vela Nova bufite ibendera rya Panama, igihe ubwo bwato bwageragezaga kunyura mu Nyanja ya Oman.
CENTCOM yavuze ko yafashe icyo cyemezo nyuma y’uko abakozi b’ubwato bari abasivili birengagije inshuro nyinshi umuburo bahawe n’ingabo z’Amerika. Yavuze ko ubwo bwato butakiri mu rugendo rwerekeza muri Iran.
Iran ntacyo iratangaza kuri ibi birego.
Amerika ikomeje gushyira mu bikorwa ingamba zafashwe ku byambu bya Iran, nyuma y’uko ibiganiro byo guhagarika intambara yatangijwe na Amerika na Israel ku wa 28 Gashyantare (2) bitashyizwe mu bikorwa.
Iran na yo yasubije igaba ibitero kuri Israel ndetse no ku bihugu by’inshuti z’Amerika biherereye mu Kigobe cy’Abarabu. Iran kandi yafunze hafi burundu umuhora wa Hormuz, inzira ikomeye yo mu mazi ikoreshwa mu gutwara peteroli ku isi.
Abahuza kugeza ubu ntibarabasha gutuma impande zombi zumvikana ku kongera gufungura uwo muhora. Kandi kuva amasezerano aheruka yo guhagarika imirwano asenyutse muri Kamena (6), Amerika na Iran byagiye bisimburana mu kugaba ibitero.
Mu itangazo CENTCOM yashyize kuri X, yavuze ko M/V Vela Nova yari yagerageje kugera ku cyambu cyo muri Iran, ariko ntiyatangaza icyo cyambu ari cyo.
CENTCOM kandi ntiyavuze niba hari abantu bapfuye cyangwa bakomeretse muri icyo gikorwa.
Izindi nkuru wasoma:
Mwaramutse neza!
Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'ikibiriraho.
