IKIBIRIRAHO, Kenya yasavye imbabazi Abarundi babayo ibizeza ko izobakingira

Amakuru y'ikibiriraho

Didier Bikorimana

1. Iminota 39 irahezeIbihangano bine by'agaciro ka za miliyoni byibwe mu nzu ndangamurage ya Renoir mu Bufaransa

   

   Ahavuye isanamu, AFP via Getty Images

   Ibisambo bibiri byibye ibihangano bine by’ubugeni (art) mu nzu ndangamurage ya Renoir, mu majyepfo ashyira uburasirazuba bw’Ubufaransa, bita igihangano kimwe ubwo byari birimo bihunga, nkuko bivugwa n’umukuru w’akarere waho.

   Ibitangazamakuru byo mu Bufaransa byatangaje ko ibiro by’umukuru w’akarere bivuga ko ibihangano byibwe bigereranywa ko bifite agaciro ka miliyoni 9 z’ama-Euro – ni ukuvuga miliyari 15 uyavunje mu mafaranga y’u Rwanda.

   Impuruza yo kuri iyo nzu ndangamurage yavuze saa kumi n’imwe n’iminota 48 za mu gitondo (05:48), ari na yo saha yo mu Rwanda no mu Burundi. Polisi yahageze nyuma y’iminota itanu.

   Uwo muyobozi w’akarere yongeyeho ko ibyo bisambo bitarafatwa.

   Inzu ndangamurage ya ‘Musée Renoir’ iri muri komine ya Cagnes-sur-Mer, mu karere ka Côte d'Azur, kari ku nkombe y’inyanja ya Mediterane.

   Ubwo bujura bukurikiye ubwabereye mu nzu ndangamurage ya Louvre, iri mu murwa mukuru Paris, yibwemo ibihangano bifite agaciro ka za miliyoni z’ama-Euro mu mwaka ushize.

   Izindi nkuru wasoma:

   Ayandi makuru yacu mushobora kuyakurikira kuri YouTube kuri BBC News Gahuza

   Babiri bafashwe bakekwaho kwiba ya mirimbo ya miliyoni 88€ mu nzu ndangamurage ya Louvre i Paris

   Ibyo tuzi byose ku bujura budasanzwe bwabaye kuri 'Musée du Louvre' i Paris

2. Haciye amasaha 2Canada yiteguye intambara ndende y'ubucuruzi mu gihe imisoro yayo yo kwihorera kuri Amerika yatangiye

   

   Ahavuye isanamu, Reuters

   Imisoro yo kwihorera ya Canada ku bicuruzwa binyuranye by’Amerika byinjira muri icyo gihugu yatangiye gushyirwa mu ngiro ku wa kabiri, mu gihe nta kimenyetso kigaragara cyuko impande zombi zishobora kugera ku masezerano y’ubucuruzi.

   Iyo misoro yo kwihorera ya Canada ireba ibicuruzwa by’Amerika bifite agaciro ka miliyari 20 z’amadolari y’Amerika, birimo ibyuma (steel/acier) n’imipira y’amaboko magufi ikozwe mu ipamba, ndetse iyo misoro ikaba iri hejuru ku kigero cya 50%.

   Amafi mabisi akirobwa hamwe n’udukoko two mu mazi magari tuzwi nka ‘lobster’ mu Cyongereza (cyangwa ‘homard’ mu Gifaransa) na byo byari biri kuri urwo rutonde.

   Ariko nyuma Canada yabikuyeho nyuma yuko iyo gahunda yakiriwe nabi n’abakora mu rwego rw’ibiribwa bikomoka mu nyanja bo muri Canada – ikimenyetso cy’uburyo bugoye bwo kwigengesera kuri Canada mu gihe irimo kwihorera kuri uwo mufatanyabikorwa wa mbere ikorana na we ubucuruzi bwinshi cyane.

   Abategetsi bo muri Amerika n’abo muri Canada bavuze ko bifuza kugera ku masezerano, ariko nta gikorwa cyari cyakorwa kiganisha ku gusubukura ibiganiro byananiranye mu mpera ya Kanama (8) uyu mwaka.

   Canada n’Amerika bifitanye umubano w’ubucuruzi bwa mbere bwinshi cyane ku isi bwo hagati y’ibihugu bibiri, mu mwaka wa 2025 byagereranywaga ko bufite agaciro ka miliyari hafi 900 z’amadolari y’Amerika.

   Izindi nkuru wasoma:

   Ayandi makuru yacu mushobora kuyakurikira kuri YouTube kuri BBC News Gahuza

   Trump avuga ko Canada ishaka 'inyungu' zo kuba ari leta y'Amerika mu gihe ibiganiro by'ubucuruzi byahagaze

   Canada ivuga ko izasubiza imisoro y'Amerika 'idolari ku idolari' nyuma yuko ibiganiro ku bucuruzi bihagaze

3. Haciye amasaha 4Koreya ya Ruguru n'Uburusiya byafunguye iteme rya mbere ry'umuhanda rihuza ibihugu byombi

   

   Ahavuye isanamu, Reuters

   Iteme rya mbere ry'umuhanda rihuza Uburusiya na Koreya ya Ruguru ryafunguwe, rikaba ritumye ibi bihugu bigiye kurushaho gutwara imizigo mu buryo bworoshye ndetse rikoroshya urujya n’uruza rw’abagenzi ku mupaka wabyo wo ku ruzi rwa Tumen.

   Igitangazamakuru cya leta ya Koreya ya Ruguru cyavuze ko iryo teme rizakoreshwa mu “ihanahana ry’abakozi, ubukerarugendo n’ubucuruzi”.

   Ariko ikigo cyo muri Ukraine cy’amaperereza ashingiye ku bitangazwa ku mbuga zo kuri murandasi (internet), cyitwa Truth Hounds, cyavuze ko iryo teme rigenewe “mbere na mbere gushyiraho umuhora w’ibanga wo kunyuzamo ibikoresho bya gisirikare” byo gufasha Uburusiya mu ntambara yo muri Ukraine.

   Ibi bibaye mu gihe umubano hagati y’ibihugu byombi wiyongereye kuva intambara yo muri Ukraine itangiye. Mbere, Perezida w’Uburusiya Vladimir Putin n’umutegetsi wa Koreya ya Ruguru Kim Jong Un basezeranye ko ibihugu byombi bizafashanya igihe haba habayeho “ubushotoranyi” kuri kimwe muri ibyo bihugu.

   Minisitiri w’intebe w’Uburusiya Mikhail Mishustin yasobanuye iryo teme nk'"ikimenyetso gishya cy’ubushuti", mu gihe Minisitiri w’intebe wa Koreya ya Ruguru Pak Thae Song yavuze ko ari "igikorwa cyanditse amateka".

   Ibiro ntaramakuru TASS bya leta y’Uburusiya byatangaje ko imodoka zigera kuri 300 n’abantu 2,323 bashobora kunyura kuri iryo teme buri munsi.

   Izindi nkuru wasoma:

   Ayandi makuru yacu mushobora kuyakurikira kuri YouTube kuri BBC News Gahuza

   Uko Uburusiya buriko buragerageza kuduza iterambere rya Koreya ya Ruguru

   Indangururamajwi yari ifunguye batabizi yafashe Xi na Putin baganira ku gusimbuza ingingo no kudapfa

   Zelensky avuga ko indege zikwiye kwirinda guca mu kirere cy'Uburusiya mu gihe Ukraine yakajije umurego mu bitero bya 'drone'

4. Haciye amasaha 5Kenya yasavye imbabazi Abarundi babayo ibizeza ko izobakingira

   

   Ahavuye isanamu, Abraham Korir Sing'Oei / Facebook

   Reta ya Kenya yasavye imbabazi Abarundi baba muri ico gihugu, inyuma y’aho bamwe muri bo bavugiye ko batewe ubwoba canke bakagirirwa nabi.

   Ivyo vyakurikiye amajambo Perezida wa Kenya William Ruto yavuze ku banyamahanga bakora urudandazwa ruto ruto.

   Korir Sing’Oei, umunyamabanga mukuru mu bushikiranganji bwa Kenya bujejwe imigenderanire n’ayandi makungu, ku wa mbere yagiye kubahumuriza kuri ambasade y’Uburundi i Nairobi.

   Abarundi amajana bari bahakoraniye gusaba impapuro z’inzira zo gutaha kubera ubwoba bari bafise.

   Sing’Oei yavuze ko ingingo ya reta yerekeye abanyamahanga bakora urudandazwa ruto ruto badafise uruhusha, atari abanyamahanga bose.

   Yabasavye kuguma batekanye, avuga ko reta izokwongera abajejwe umutekano mu turere Abarundi benshi babamwo, harimwo Bahati na Muthurwa two ku murwa mukuru Nairobi, kugira ntibahohoterwe.

   Yongeyeko ko abipfuza kuguma muri Kenya bazofashwa kwandikwa no kuronka ibyangombwa bikenewe. Abafise uruhusha rwo gukora urudandazwa bakazobandanya ibikorwa vyabo.

   Sing’Oei yavuze ko intumbero ya Kenya ari uko Abanyafrika bose, na cane cane abo muri Afrika y’Ubuseruko, babana nk’abavukanyi.

   Izindi nkuru wasoma:

   Ayandi makuru yacu mushobora kuyakurikira kuri YouTube kuri BBC News Gahuza

   Ibyo wamenya ku mabwiriza Perezida wa Kenya yatanze ku banyamahanga atangira gushyirwa mu bikorwa none

   Ambasade y'u Burundi muri Kenya ivuga ko igiye gufasha abifuza gutaha

   'Turi mu bwoba, bamwe batubwira ngo barindiriye umunsi babirye kuri gusa'-umurundi atembereza ibicuruzwa i Nairobi

5. Haciye amasaha 5Mwaramutse neza!

   Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.