Tiraamp aangoo pirezidaantummaasaa fayyadamuun qoqqobbii hedduu Raashiyaa irraa kaase

Pirezidaantiin Ameerikaa Donald Tiraamp aangoo pirezidaantummaa isaa fayyadamuun qoqqobbii mootummaa Raashiyaa irratti Kongireesiin Ameerikaa dabarsee ture keessaa muraasa hojii irra akka hin oolle murteesse.

Ajaja Jimaata galgala baaseen,qoqqobbiileen kunneen yeroo ammaa hojii irra ooluun fedhii mootummaa Ameerikaa waliin kan wal hin simne jechuun ibse.

Tiraamp seera adabbii kana Fulbaana keessa mallatteessee ture; seerichi garuu Dilbata irraa hojii irra ooluuf qophaa'ee ture.

Murteen kun yeroo Tiraamp gatiin anniisaa biyyattii akka hir'atuuf Ameerikaan boba'aa Raashiyaa irraa galchuuf karoorfachuu ibsiteen booda dhufe.

Karoorri sun mootummaa keessaa fi Kongireesii keessatti mufii kaaseera.

Mormitoonni murteen adabbii laaffisuuf fudhatame kun dhiibbaa akka Raashiyaan waraana Yuukireen dhaaabduuf fudhatame hir'isa jedhu.

Seera tumtoonni mootummaa Ameerikaa keessaa mootummaa fi mormitoota irraa walitti dhufan 20, Pirezidaantii Donald Trump seera haaraa cunaqsaa Raashiyaa irratti darbe guutummaatti hojii irra akka oolchu jechuun gaafataniiru.

Seerri kun maqaa Senetara mootummaa South Carolina irraa mootummaa Yuukireen cimsanii deeggaran keessaa tokko kan ture Lindsey Grahamiin moggaafameera.

Kaayyoon isaa dinagdee Raashiyaa irratti dhiibbaa dabaluudhaan mootummaa Raashiyaa marii nagaa irratti akka xiyyeeffatu taasisuudha.

Seerichi biyyoota boba'aa fi gaazii Raashiyaa baay'inaan bitan irratti taarifaa hanga dhibbeentaa 100tti kaa'uuf mootummaa Ameerikaaf aangoo kenna.

Akkasumas Pirezidaantii Raashiyaa Vladimir Putin, qondaalota olaanoo, baankotaa fi dhaabbilee faayinaansii irratti qoqqobbii dabalataa kaa'a.

Gama biraatiin, miseensi Kongireesii Paartii Dimookiraatii Don Beyer, murtii Tiraamp qoqqobbicha laaffisuuf fudhate michuu keenya Yuukireen irraa fuula garagalchuu fi mootummaa Raashiyaaf harka kennuu agarsiisa jedhan.

Kamisa mootummaa Ameerikaa keessaa seera tumtoonni 20 tahan xalayaa barreessuun Pirezidaantii Donald Tiraamp seera haaraa qoqqobbii Raashiyaa irratti bahe kabajee hojii irra akka oolchu gaafataniiru.

Seerri kun Onkoloolessa 18 irraa eegalee hojii irra ooluuf karoorfameera.

Seera tumtoonni kunneen Tiraamp wixinee qoqqobbii sana mallatteessuu isaatiif galateeffatanii, seerichi guutummaatti fi amanamummaadhaan hojii irra akka oolu jechuun waamicha dhiyeessaniiru.

Akka isaanii jedhanitti, seerri kun Pirezidaantii Raashiyaa Vladimir Putin marii nageenyaa akka fudhatu taasisuuf gahee murteessaa qaba.

Tiraamp qoqqobbii Seera Lindsey Graham keessatti tumaman hunda osoo hin turin guutummaatti hojii irra akka oolchu gaafataniiru.

Onkoloolessa 9 Pirezidaantiin Ameerikaa Donald Tiraamp, Pirezidaantii Raashiyaa Vladimir Putin waliin bilbilaan mari'achuu fi boba'aa irraa bituuf waliigalteerra gahuu isaanii beeksise.

Erga waraanni Ameerikaa fi Iraan gidduutti Guraandhala keessa jalqabee as, gatiin boba'aa Ameerikaa keessatti haalaan dabaleera.

Kunis lammiilee mootummaa jireenya isaanii guyyaa guyyaan geggeessuuf rakkatan irratti dhiibbaa dinagdee dabaleera.

Tiraamp immoo filannoo walakkeessaa ji'a dhufu gaggeeffamu dura gatii boba'aa hir'isuuf waadaa galeera.

Michoonni mootummaa Ameerikaa hedduun waliigaltee boba'aa Raashiyaa bituu kana qeeqaniiru. Murtiin kun mootummaa Raashiyaa waraana Yuukireen keessatti gaggeessaa jiru deeggaruu danda'a jedhan.

Pirezidaantiin Yuukireen waliigaltee boba'aa Tiraamp taasise mootummaa Putinif kennaa guddaadha jedhe.

Waraana dhaabamuu qabu keessatti mootummaa Raashiyaa irratti invastimantii gaggeessuudha" jedhe.

Gama biraatiin, Dilbata Onkoloolessa 11, Trump mootummaa Raashiyaa fi Yuukireen "waliigaltee dhukaasa dhaabuu damee anniisaa irratti" walii galuu isaanii himus bal'ina isaa hin ibsine.

Zelenskii odeeffannoo kanaan akka ajaa'ibsiifamuu ibsee, yoo Raashiyaan haleellaa dhaabde Yuukireen illee dhaabdi jechuun dubbate.

Haa ta'u malee, mootummaa Raashiyaa waliigaltee akkanaa akka hin mallatteessine ibsee haleellaa isaa itti fufeera. Guyyoota sadii booda Yuukireen gaggeessite.

Kunis Tiraamp haleellaa Yuukireen buufata calaltuu boba'aa Raashiyaa irratti raawwatte "gocha mootummaa nama qaanessu" jechuun ibse.

Dhiphinni mootummaa lameen gidduu jiru dhaabbanni Starlink, tajaajila interneetii waraana Yuukireeniif murteessaa ta'e irratti daangaan kaa'amuun daran hammaate.

Jimaata darbe, Zelensky tajaajilli Starlink suuta jechuun "waan mootummaa yaaddessu fi nama hin gammachiisne" jechuun ibse. Akkasumas saffisni interneetichaa guutummaatti akka hin deebi'in dubbateera.

Kun ammoo akka Yuukireen haleellaa isheetti dhufaa jiru ofirraa hin qolanne ishee godha.