கோடைக் காலங்களில் வீடுகளை நோக்கிவரும் பாம்புகள் - தடுக்க சில வழிகள்

'பாம்பைக் கண்டால் படையும் நடுங்கும்' என்பது பெரியவர்கள் சொல்லும் பழமொழி. இன்றளவும் இந்த வகை அச்ச உணர்வு நம்மில் பெரும்பாலானோருக்கு இருக்கும். விஷமுள்ள பாம்பு விஷமற்ற பாம்பு என்ற எந்த வேறுபாடுகளும் இன்றி பாம்பைக் கண்டாலே அச்சம் கொள்வதுதான் இயல்பான மனிதர்களின் மனநிலை.

அந்த வகையில் பாம்பைக் கண்டால் தூரம் செல்லும் இயல்பான குணம் படைத்த நம்மை தேடி பாம்பு வந்தால் எப்படி இருக்கும்.

ஆம், அதுபோன்ற ஒரு காலம்தான் இந்த கோடைக் காலம், பாம்புகள் உணவுக்காகவும் உடல் வெப்பத்தை தணிப்பதற்காகவும் பெரும்பாலும் நீர்நிலைகளை சுற்றியோ, வயல்வெளிகள் போன்ற பகுதிகளில் உலாவும் ஒரு ஊர்வன வகையை சார்ந்த விலங்கு.

அவ்வாறு இருக்கும் பாம்புகள் கோடைக்காலங்களில் குடியிருப்புகளை நோக்கி வருவதற்கான காரணங்கள் என்ன? இதில் விலங்கியல் நிபுணர்களின் கருத்துகள் என்ன? பார்க்கலாம்.

இந்தியாவில் உள்ள பாம்பு இனங்கள் எண்ணிக்கை

இந்தியாவில் சுமார் 362 வகையான பாம்புகள் அடையாளம் காணப்பட்டுள்ளதாக சொல்லும் விலங்குகள் பாதுகாப்பு குழு அவற்றில் சுமார் 134 வகையான பாம்புகள் தமிழ்நாட்டின் மலைப்பகுதிகள் மற்றும் சமவெளிப் பகுதிகளில் காணப்படுவதாக சொல்கிறது.

அவற்றில் 17 வகையான பாம்புகள் மனித உயிருக்கு ஆபத்தை ஏற்படுத்தும் அதிக நஞ்சுள்ள வகையை சார்ந்தது என்றும் தெரிவிக்கிறது.

நிபுணர்கள் சொல்வது என்ன?

தென் இந்தியாவில் பாம்புக்கடியால் அதிக பாதிப்பை சந்திப்பதில் தமிழ்நாடு முதன்மை மாநிலம் என்கிறார், கிருஷ்ணகிரியில் செயல்பட்டு வரும் பாம்புக்கடி கல்வி மற்றும் ஆராய்ச்சி அமைப்பின் நிறுவனரும் விஞ்ஞானியுமான மனோஜ்.

"இந்தியாவில் பாம்புக்கடியால் உயிரிழப்பவர்களில் 5 சதவிகிதம் பேர் மட்டுமே அதிகம் நஞ்சுள்ள பாம்புகளால் தாக்கப்பட்டு உயிரிழப்பதாக அவர் சொல்கிறார்."

அதேநேரத்தில், கோடைக்காலங்களில் பாம்புகள் இருக்கும் இடங்களில் உணவு பற்றாக்குறையை எதிர்கொள்வதால் அவை குடியிருப்புகளை நோக்கி நகர்கின்றன என்கிறார், காட்டுயிர் மற்றும் இயற்கைப் பாதுகாப்பு அறக்கட்டளையின் நிர்வாகி சிராஜ்தீன். கோடை முட்டையிலிருந்து பாம்புகள் வெளிவரும் காலம் என்பதால், இந்தக் காலகட்டங்களில் குட்டி பாம்புகளே வீடுகளை நோக்கி அதிகம் படையெடுக்கின்றன என்றும் அவர் தெரிவித்தார்.

பாம்புகள் மற்றும் அவற்றின் வாழ்விடங்கள்

கோடையில் குடியிருப்புகளுக்குள் பாம்புகள் வரக் காரணங்கள்

பொதுமக்களுக்கான தற்காப்பு ஆலோசனைகள்

வீட்டிற்குள் பாம்பு வந்த பிறகு செய்ய வேண்டியவை என்ன?

கோடைக்காலங்களில் பாம்புகள் குடியிருப்புகளை நோக்கி அதிகம் வருவதால், பாம்பு வந்த பிறகு செய்ய வேண்டியவை என்ன என்பதை மதுரையை சேர்ந்த பாம்பு மீட்பு வல்லுநர் சாம்சன் பிபிசி தமிழிடம் பகிர்ந்து கொண்டார்.

பிபிசி தமிழுக்காக ப.சிவசங்கர் வழங்கிய கூடுதல் தகவல்களுடன்

- இது, பிபிசிக்காக கலெக்டிவ் நியூஸ்ரூம் வெளியீடு