නාමල් රාජපක්ෂට ඇප දීමට කොළඹ මහේස්ත්රාත් දුන් තීන්දුව ගැන මහාධිකරණයෙන් තීන්දුවක්

ඡායාරූප මූලාශ්රය, Getty Images
- Author, බීබීසී සිංහල
- Published
- කියවීමේ කාලය: මිනිත්තු 2
ක්රිෂ් ගනුදෙනුව සම්බන්ධයෙන් රිමාන්ඩ් භාරයට පත්කර සිටි පාර්ලිමේන්තු මන්ත්රී නාමල් රාජපක්ෂ ඇප මත මුදා හරින ලෙස කොළඹ මහේස්ත්රාත් අධිකරණය ඉකුත් දා නිකුත් කළ නියෝගය අත්හිටුවමින් කොළඹ මහාධිකරණය අද (නොවැ: 18) අතුරු තහනම් නියෝගයක් නිකුත් කළේ ය.
කොළඹ මහාධිකරණ විනිසුරු ලාල් බණ්ඩාර රණසිංහ විසින් මෙම නියෝගය නිකුත් කරනු ලැබුවේ, අල්ලස් කොමිසම කළ ඉල්ලීමක් සලකා බැලීමෙන් අනතුරුව ය.
මෙම ඉල්ලීම සම්බන්ධයෙන් පසුගිව සිකුරාදා අල්ලස් කොමිසමේ සහකාර අධ්යක්ෂවරිය සහ නාමල් රාජපක්ෂගේ නීතිඥවරු අධිකරණය හමුවේ කරුණු ඉදිරිපත් කළහ.
එම කරුණුවලට සවන් දුන් විනිසුරුවරයා නාමල් රාජපක්ෂට ලබා දී තිබෙන ඇපය අත්හිටුවන අතුරු තහනම් නියෝගයක් නිකුත් කරන ලෙස අල්ලස් කොමිසම කළ ඉල්ලීම පිළිබඳ නියෝගය අද දින ප්රකාශයට පත්කරන බව නිවේදනය කර තිබිණි.
ඒ අනුව අදාළ පෙත්සම අද කැඳවූ අවස්ථාවේදී කොළඹ මහාධිකරණ විනිසුරු ලාල් බණ්ඩාර රණසිංහ සිය නියෝගය ප්රකාශයට පත් කරමින් අල්ලස් කොමිසම ඉල්ලා සිටින අතුරු තහනම් නියෝගය නිකුත් කරන බව පැවසීය.
ඒ අනුව අදාළ ප්රතිශෝධන පෙත්සම ද විභාගයට ගැනීමට අවසර දුන් විනිසුරුවරයා ඒ පිළිබඳ විභාගය පෙබරවාරි මස 05 වන දා පැවැත්වෙන බවත් නියෝග කළේ ය.
පාර්ලිමේන්තු මන්ත්රී නාමල් රාජපක්ෂ ඇප මත මුදා හැරීමට කොළඹ මහේස්ත්රාත් අධිකරණය දුන් නියෝගය නීතියට පටහැනි බවත්, එය ප්රතිශෝධනය කරන ලෙසත් ඉල්ලා අල්ලස් කොමිසම විසින් කොළඹ මහාධිකරණය වෙත මෙම ප්රතිශෝධන පෙත්සම ඉදිරිපත් කර තිබිණි.





























