Duais chliùteach do thaigh-bìdh anns na Hearadh

Chris agus Nicola Loye a' togail an duais aca ann an LunnainFlavour

Chris agus Nicola Loye a' togail na duaise aca ann an Lunnainn

Chaidh inbhe trì rosette AA a bhuileachadh air taigh-bìdh Flavour anns na Hearadh.

Seo a' chiad turas riamh a chaidh an ìre seo de dhuais a thoirt to thaigh-bìdh anns na h-Eileanan an Iar.

Dh'fhosgail Chris agus Nicola Loye an taigh-bìdh ann an Urgha as t-samhradh 2021.

Tha Chris a' cleachdadh biadh ionadail aig Flavour agus a' mìneachadh gach rud a tha e a' dèanamh is e a' còcaireachd air beulaibh nan aoighean aige.

Tha Flavour air sreath dhuaisean a chosnadh thar nam bliadhnaichean mu dheireadh agus thuirt iad gun robh iad "air an dòigh glan" leis "an duais a b' fheàrr" a fhuair iad gu ruige seo.

Bha dà rosette aig taigh-bìdh Uig Sands ann an Ùige mar-tha, agus fhuair The Boatshed ann an Steòrnabhagh aon rosette cuideachd.

Tha 24 taigh-bìdh an Alba a fhuair inbhe 3 Rosette.

Tuilleadh air an sgeulachd seo