Ihe ndị uweojii kwuru maka okpokoro isi mmadụ 28 a chọtara n'Abia steeti

Ndị uweojii achọtala okpokoro isi mmadụ 28 n’Abia steeti

Mgbe e biputara ya otu elekere gara aga

Oge e ji agụ akụkọ nkeji 2

Ndị uweojii Abia steeti kwuru na ha achọtala okpokoro isi mmadụ ruru iri abụọ na asatọ (28) tinyekwara ọkpụkpụ mmadụ n'otu okeọhịa dị na steeti ahụ.

Ọnụ na-ekwuru ndị uweojii n'Abia steeti bụ Maureen Chinaka kwuru na ha mere nchọpụta a n'ụbọchị Sọnde 27 Septemba 2026.

N'ozi o wepụtara, Chinaka kwuru na ngalaba ndị uweojii Violent Crime Response Unit (VCRU), Anti-Kidnapping Unit, Anti-Cultism Unit, Intelligence Response Unit (IRU), Rapid Response Squad (RRS) nakwa ngalaba ụlọọrụ ndị uweojii dị n'Isuochi jikọtara aka kpaa ike ahụ.

Skip Akụkọ ndị ọzọ yiri nke a and continue readingAkụkọ ndị ọzọ yiri nke a

Etu e si nwụchie nwoke si n'ụlọ elu tutuo ụmụ ya abụọ31 Julaị 2026
Kachi Nnabugwu: Etu e si hụ ozu nwaanyị dị ime, di ya na ụmụ ha atọ n'ụlọ ha n'Abịa steeti23 Julaị 2026
Ihe anyị ma maka nwaanyị e boro ebubo iji mma sụgbuo di ya mgbe ọ na-ehi ụra n'Aba, Abia Steeti11 Ọgọọst 2026

End of Akụkọ ndị ọzọ yiri nke a

Dịka Chinaka siri kwuo, ọ bụ n'okeọhịa dị n'Isuochi n'okpuru ọchịchị ime obodo Umunneochi dị n'Abia steeti ka ndị uweojii chọtara akụkụ ahụ mmadụ ndị ahụ.

O kwuru na ndị uweojii na-enyo enyo na ọkpụkpụ ndị ahụ bụ nke mmadụ ndị a tọọrọ ma zoo n'ebe mgbazo ndị omekome dị n'okeọhịa Umuaku, Isuochi na Nneato.

Ka ọ dị, Chinaka kọwara na o nwebeghị ndị a nwuchiri, n'ihi na ndị omekome riri mbọmbọ ozugbo ha hụrụ ndị uweojii.

Vidio