Dangote ga-amalite ịrụ ụlọọrụ mmanụ agbịdị ijeri dọla 16 ọhụrụ na mba Kenya

Njirimara ụlọọrụ Dangote nakwa igwe ọrụ dị iche iche
Mgbe e biputara ya
Oge e ji agụ akụkọ nkeji 2

Ihe niile ezuola oke maka emume e ji agbape ụlọọrụ na-eshipụta mmanụ agbịdị na mpaghara Ọwụwa Anyanwụ Africa bụ Dangote East Africa Petroleum Refinery and Petrochemicals SEZ.

Ozi ruru anyị aka kwuru na emume a ga-adị na Mokowe nke mpaghara Lamu County na mba Kenya.

Ụlọọrụ ahụ a na-eme atụmatụ ya ga-ewe ego ruru ijeri dọla iri na isii ($16b) iji rụọ ya ma bụrụkwa nke ga na-eshipụta mmanụ ruru barel narị puku asaa (700,000) kwa ụbọchị ma ọ bụrụ na a rụchaa ya n'afọ 2030.

Skip Akụkọ ndị ọzọ yiri ya and continue readingAkụkọ ndị ọzọ yiri ya

End of Akụkọ ndị ọzọ yiri ya

A na-atụkwa anya na ụlọorụ ahụ ga-ebelata oke ndabere mpaghara ahụ nwere na mmanụ ndị e si mba ndị ọzọ tụbata.

Oge ọ na-agwa ndị ntaakụkọ okwu na Nairobi n'ubọchị Tuzde 29 Septemba 2026, onye hiwere ụlọọrụ ahụ bụ Aliko Dangote kwuru na ya hụtara ụlọọrụ ọhụrụ a dịka mbọ e ji akwụsị ntụbata mmanụ agbịdị n'Africa.