ગીરમાં સિંહની પજવણી મામલે એસઆઈટી

બૃહદ ગીર વિસ્તારમાં એક પાઠડા એટલે કે તરુણ સિંહની કથિત પજવણીનો વીડિયો આ મહિનાના પ્રથમ અઠવાડિયા દરમિયાન સોશિયલ મીડિયામાં વાઇરલ થતાં વન વિભાગે તે ઘટનાની તપાસ કરવા અને આરોપીઓને પકડી પાડવા માટે એક સ્પેશિયલ ઇન્વેસ્ટિગેશન ટીમ (એસઆઈટી) એટલે કે ખાસ તપાસ ટીમની રચના કરી છે.

અધિકારીઓ કહે છે કે તાજેતરનાં વર્ષોમાં આ પ્રકારની ઘટનાઓ વધી છે અને આ ઘટનામાં સંડોવાયેલા લોકો અને કથિત ગુનાની ઊંડાણપૂર્વક તપાસ કરવા માટે કોઈ એસઆઈટીની રચના કરવામાં આવી હોય તેવી આ પ્રથમ ઘટના છે.

બીબીસી માટે કલેક્ટિવ ન્યૂઝરૂમનું પ્રકાશન