Òní ni iléẹjọ́ yóò dá ẹjọ́ àwọn afurasí tó kọlu ìjọ Kátólíkì nílùú Owo, pa èèyàn 41 lọ́dún 2022

Aworan ile ijọsin Katoliki naa.
Published
Ìye àkókó tí a fi kà á: Ìṣẹ́jú 1

Oni ni ireti wa pe ile ẹjọ giga ijọba apapọ to fi ikalẹ si ilu Abuja tii ṣe olu ilu orilẹede Naijiria yoo gbe idajọ kalẹ lori awọn afurasi ti wọn fi ẹsun kan pe wọn ṣe ikọlu si ile ijọsin ijọ aguda St. Francis Catholic Church ni ilu Ọwọ ni ipinlẹ Ondo.

Ikọlu naa to waye ni ọjọ karun un oṣu kẹfa ọdun 2022 ninu eyi ti olujọsin mọkanlelogoji ti jade laye ti ogoje miran si farapa.

Ijọba apapọ n fi ẹsun mẹsan an to da lori igbesunmọmi kan awọn marun un naa niwaju Onidajọ Emeka Nwite ti ile ẹjọ giga apapọ kan ni ilu Abuja.

Ijọba apapọ tun sọ niwaju ile ẹjọ ọhun ṣaaju pe awọn afurasi naa, Idris Omeiza, Al-Qasim Idris, Jamiu Abdul Malik, Abdulhaleem Idris ati Momoh Abubakar, wa lara ikọ agbesunmọmi labẹ ẹgbẹ Al-Shabab ni ipinlẹ Kogi.

Onidajọ Nwite ti ile ẹjọ giga apapọ nilu Abuja lo n gbọ ẹjọ naa.