నేషనల్ ఫిల్మ్ అవార్డ్స్: ఉత్తమ నటులుగా మమ్ముట్టి, కార్తీక్ ఆర్యన్, యామీ గౌతమ్.. ఉత్తమ తెలుగు చిత్రం - కమిటీ కుర్రోళ్లు

ప్రచురణ 23 నిమిషాలు క్రితం

చదివే సమయం: 3 నిమిషాలు

భారతీయ చలనచిత్ర రంగంలో ప్రతిష్ఠాత్మకంగా భావించే 72వ జాతీయ చలనచిత్ర పురస్కారాలను కేంద్ర ప్రభుత్వం శనివారం న్యూదిల్లీలో ప్రకటించింది.

ఈసారి ఉత్తమ నటుడి అవార్డును ఇద్దరు ప్రముఖ నటులు పంచుకున్నారు.

'భ్రమయుగం' చిత్రంలో నటనకు గానూ మలయాళ నటుడు మమ్ముట్టి, 'చందూ ఛాంపియన్' సినిమాలో నటనకు గానూ బాలీవుడ్ నటుడు కార్తీక్ ఆర్యన్‌‌‌ను ఈ అవార్డు సం వరించింది.

ఉత్తమ నటిగా యామి గౌతమ్ (ఆర్టికల్ 370) ఎంపికయ్యారు.

ఉత్తమ దర్శకుడిగా రాజ్‌కుమార్ పెరియాసామి (అమరన్) ఎంపికయ్యారు.

ఉత్తమ తెలుగు చిత్రం : కమిటీ కుర్రోళ్లు

కేంద్ర ప్రభుత్వం ప్రకటించిన ఈ పురస్కారాల్లో 2024 సంవత్సరానికి గానూ మొత్తం 400లకు పైగా చిత్రాలు జ్యూరీ ముందుకు రాగా, వాటిలో ఉత్తమ ప్రతిభ కనబరిచిన వాటిని ఎంపిక చేసినట్లు కమిటీ ప్రకటించింది.

ఈసారి జాతీయ అవార్డులలో తెలుగు చిత్ర పరిశ్రమ పలు విభాగాల్లో అవార్డులు సొంతం చేసుకుంది.

'35 ఇది చిన్న కథ కాదు' ఉత్తమ బాలల చిత్రంగా ఎంపికవగా, అందులో నటించిన బాల నటుడు అరుణ్‌దేవ్‌కు ఉత్తమ బాలనటుడు అవార్డు దక్కింది.

Skip ఎక్కువమంది చదివినవి and continue reading

ఎక్కువమంది చదివినవి

End of ఎక్కువమంది చదివినవి

'కమిటీ కుర్రోళ్లు' ఉత్తమ తెలుగు చిత్రంగా నిలవడమే కాకుండా, ఈ చిత్రానికి పి. రవికుమార్‌కు ఉత్తమ మేకప్ ఆర్టిస్ట్ అవార్డు లభించింది.

తెలుగు సినిమాలకు అవార్డులు, 35 చిన్న కథ కాదు — ఫొటో క్యాప్షన్, '35 ఇది చిన్న కథ కాదు' జాతీయ ఉత్తమ బాలల చిత్రంగా ఎంపికైంది.

'కల్కి 2898 ఏడీ' ఉత్తమ ప్రజాదరణ పొందిన చిత్రంగా ఎంపికైంది. దీంతో పాటు ఉత్తమ ప్రొడక్షన్ డిజైన్ (నితిన్ జిహానీ చౌదరి) అవార్డును కూడా గెలుచుకుంది.

'పుష్ప 2' చిత్రం కోసం దర్శకుడు సుకుమార్ ఉత్తమ స్క్రీన్‌ప్లే రైటర్(ఒరిజినల్) అవార్డు గెలుచుకోగా , ఇదే చిత్రానికి దీపాలి నూర్, శీతల్ శర్మలకు ఉత్తమ కాస్ట్యూమ్ డిజైనర్లుగా అవార్డు దక్కింది.

దుల్కర్ సల్మాన్ నటించిన 'లక్కీ భాస్కర్' చిత్రానికి గాను వెంకీ అట్లూరి ఉత్తమ సంభాషణల రచయితగా అవార్డును గెలుచుకున్నారు.