TOOS, Maraykanka iyo Iran ayaa maalinti labaad oo isku xigta duqeymo ka wada bariga dhexe

Tebin toos ah

1. 23 Daqiiqadood ka horRabshado dheeraad ah ayaa ka dhacay Waqooyiga Ireland inkastoo qoyska dhibbanaha uu ku baaqay in la dejiyo

   

   Xigashada Sawirka, Getty Images

   Ka dib qalalaasihii habeenimadii Talaadada ee Waqooyiga Ireland, qoyska dhibbanaha toorida Stephen Ogilvie Arbacadii ayaa ku baaqay in la xakameeyo.

   "Waxaan rabnaa inaan si buuxda u cadeyno in rabshado dhaca xilliga habeenimo ah aan la soo dhaweynayn, mudaaharaad nabadeedna uu yahay dariiqa kaliya ee loo mari karo," ayya ku yiraahdeen qoyska dhibanayaasha.

   "Waxaan haynaa muhaajiriin badan oo si qoto dheer wax ugu soo kordhinaya waddankeena, oo ay ku jiraan nidaamkayaga daryeelka caafimaadka iyo qaybta martigelinta waxaanan ku tiirsanahay iyaga si aan waddankeena uga dhigno mid shaqeeya."

   Waxay sheegeen in aanay doonayn in "musiibadan foosha xun loo adeegsado in dadka lagu kala qaybiyo ama lagu huriyo colaad".

   Ogilvie oo 40-sano jir ah ayaa waxaa waxyeelo ka soo gaartay isha bidix, iyadoo ay wehliyaan dhaawacyo ka soo gaaray qoorta iyo dhabarka.

   Haadi Alodiid, oo 30 jir ah asal ahaan ka soo jeeda Sudaan, ayaa Arbacadii ka soo muuqday maxkamad, isaga oo lagu eedeeyay isku day dil.

   Sii akhri:

   Messi iyo Ronaldo: xifaaltanka bedelay taariikhda kubadda cagta

   Halkee ciidamada Mareykanka kaga sugan yihiin bariga dhexe, sababtu se maxay tahay?

   FIFA oo ka hadshay diidmada uu Mareykanka u diiday Cumar Cartan inuu galo dalkooda

2. Saacad ka horMadaxwaynaha Colombia oo ka hadlay kiiska Cumar Cartan

   

   Xigashada Sawirka, Getty Images

   Madaxwaynaha dalka Colombia ayaa ka fal-celiyay talaabada dowladda Maeykanka ay ugu diiday garsoore Cumar Cartan in uu galo dalkooda.

   Madaxwayne Gustavo Petro ayaa qoraal uu soo dhigay barta uu ku leeyahay X waxaa uu ku sheegay in amrka ay timaado ciyaaraha Koobka aduunka ay tahay in cidna ana la midib-takoorin.

   Waxaa uu si gaar ah farta ugu fiiqay kiiska Cumar Cartan iyo go'aanka Mareykanka.

   "Marka ay timaado koobka aduunka ee kubadda cagta, waa in aan qofna looga reebin sababtoo ah midibka jirkiisa sida ku dhacday garsoore Cumar Cartan oo kale" ayuu ku yiri qoraakiisa madaxwayanah Colombia Gustavo Petro.

   Sii akhri:

   Messi iyo Ronaldo: xifaaltanka bedelay taariikhda kubadda cagta

   Halkee ciidamada Mareykanka kaga sugan yihiin bariga dhexe, sababtu se maxay tahay?

   FIFA oo ka hadshay diidmada uu Mareykanka u diiday Cumar Cartan inuu galo dalkooda

3. Saacad ka horSaddex badmaax oo Hindi ah ayaa la la'yahay ka dib markii Maraykanku sheegay inuu weeraray Markab

   

   Xigashada Sawirka, Centcom

   Saddex badmaax oo u dhashay dalka Hindiya ayaa la la'yahay ka dib markii Maraykanku sheegay in ay ku dhufteen markab nooca shidaalka qaada ah ah oo marayey gacanka Cumaan

   Milatariga Maraykanka ayaa curyaamiyay markab shidaal oo marayay gacanka Cumaan oo ay ku eedeeyeen in uu ku xad gudbay go'doominta Mareykanka isagoo isku dayay inuu Shidaal ka soo qaado Iran.

   Qoraal ay soo dhigeen X, Taliska Dhexe ee Mareykanka ayaa sheegay in diyaarad ay ku gantay qolka matoorka ee Settebello oo ka babanayay calanka Palau "ka dib markii shaqaaluhu ay si isdaba joog ah u fulin waayeen awaamiirta ciidamada Mareykanka".

   Dowladda Hindiya ayaa sheegtay in saddex badmaax oo u dhashay dalka Hindiya la la'yahay 21-shaqaale ah oo u dhashay dalka Hindiyana la soo badbaadiyay kadib weerarkii lagu qaaday xeebta Settebello ee xeebaha dalka Cumaan.

   Waxay tiri "bartilmaameedka maraakiibta ganacsiga iyo kaabayaasha rayidka ee gobolka waa in la soo afjaraa".

   Milateriga Maraykanka ayaa xannibay gelitaanka dekedaha Iran ka dib markii Tehran ay xirtay marin biyoodka Hormuz, kaas oo 20% ka mid ah shidaalka iyo gaaska adduunka ay maraan.

   Ciidamada Mareykanka ayaa waxyeeleeyay siddeed markab waxayna hor-istaageen134 kale tan iyo markii ay billaabeen xannibaadda 13-kii April, sida ay sheegtay Centcom.

   Ka dib dhacdadii u dambeysay, dowladda Hindiya ayaa u yeertay ku xigeenka madaxa howlgalka Mareykanka ee Delhi, sida ay saraakiisha u sheegeen BBC.

   Sii akhri:

   Messi iyo Ronaldo: xifaaltanka bedelay taariikhda kubadda cagta

   Halkee ciidamada Mareykanka kaga sugan yihiin bariga dhexe, sababtu se maxay tahay?

   FIFA oo ka hadshay diidmada uu Mareykanka u diiday Cumar Cartan inuu galo dalkooda

4. 2 Saacadood ka horMaraykanka iyo Iran oo maalinti labaad oo isku xigta weeraro is-waydaarsaday

   

   Xigashada Sawirka, Bahrain Interior Ministry/X

   Mareykanka iyo Iran ayaa duqeymo isku weydaarsaday bariga dhexe maalin labaad oo xiriir ah, taasoo sii xumaynaysa xabad joojintii awalba ruxneyd ee ay labada dal ku heshiiyeen bishii April.

   Taliska dhexe ee Mareykanka (Centcom) ayaa sheegay in ay soo afjareen mowjado "weerar ah oo is-difaac ah" oo lagu bartilmaameedsaday xarumaha militariga, ilaalada iyo raadaarka ee koonfurta Iran.

   Weerarkan ayaa yimid saacado ka dib markii madaxweyne Donald Trump uu wacad ku maray in ciidamada Mareykanka ay Iran u garaaci doonaan "aad u adag", iyo in Tehran ay qaadatay waqti aad u dheer in ay heshiis la gasho si ay si joogto ah u soo afjarto dagaalka.

   Iyada oo ka jawaabaysa, Iran ayaa qaaday weerarro duqaymo ah oo lagu bartilmaameedsanayo hantida millatariga Maraykanka ee dalalka gobolka.

   Saldhigyada ciidamada Maraykanka ee Baxrayn iyo Kuwait ayaa maalintii labaad oo xiriir ah duqeymo ay ka fulinayaan ciidamada Iran, halka ciidamada ilaalada kacaanka Iran ee IRGC ay sheegeen in ay gantaallo balaastik ah ku garaaceen xarunta taliska Mareykanka ee Urdun, sida ay sheegtay warbaahinta dowladda Iran.

   IRGC waxay sheegtay inay burburisay "tiro badan" oo ah diyaaradaha dagaalka Mareykanka iyo "xarumo" ka dib markii ay 12 gantaal oo ballistic ah ku dhufteen garoonka ciidanka cirka ee Muwaffaq Salti ee Urudun, inkastoo sheegashada aan si madax banaan loo xaqiijin.

   Sii akhri:

   Messi iyo Ronaldo: xifaaltanka bedelay taariikhda kubadda cagta

   Halkee ciidamada Mareykanka kaga sugan yihiin bariga dhexe, sababtu se maxay tahay?

   FIFA oo ka hadshay diidmada uu Mareykanka u diiday Cumar Cartan inuu galo dalkooda

5. 2 Saacadood ka horBaxreyn: khasaaro ka dhashay diyaarad aan duuliye lahayn oo ay Iran soo tuurtay

   Wasaaradda Arrimaha Gudaha ee Baxreyn ayaa Khamiistii sheegtay in haraadiga diyaarado aan duuliye lahayn oo ay Iran soo tuurtay islamarka la qabtay ay waxyeelo ka dhalatay.

   Haraadiga aaya la sheegay, inuu ku dhacay deegaanno la deggan yahay oo ku yaalla magaalada Hamad iyo caasimadda Manama.

   Haraadiga ayaa sababay in dhowr baabuur ay gubtaan, sidoo kalena uu waxyeello soo gaarsiiyay qaar ka mid ah guryaha. Sidoo kale, gabadh 11 jir ah ayaa dhaawac fudud uu soo gaaray.

   Wasaaraddu waxay soo bandhigtay sawirro muujinaya gawarida dab-damiska oo ku hawlan daminta dab ka kacay dhowr guri.

   Sii akhri:

   Messi iyo Ronaldo: xifaaltanka bedelay taariikhda kubadda cagta

   Halkee ciidamada Mareykanka kaga sugan yihiin bariga dhexe, sababtu se maxay tahay?

   FIFA oo ka hadshay diidmada uu Mareykanka u diiday Cumar Cartan inuu galo dalkooda

6. 3 Saacadood ka horKuwait oo dib u furtay hawadeeda ka dib hakad hore ugu yimid

   Kuwait ayaa ku dhawaaqday inay dib u furtay hawadeeda kadib mowjad weerarro ah oo laga soo sheegay Iran, kuwaas oo si ku-meel-gaar ah u hakiyay isu socodka hawada ee dalka.

   Maamulka Duulista Rayidka ee Kuwait ayaa bayaan ku sheegay:“Isu socodka hawada ee hawada Kuwait wuxuu dib ugu soo laabtay xaaladdiisii caadiga ahayd.”

   Iiraan ayaa xalay weerar ku qaaday qaar ka mid ah saldhigyada uu Mareykanka ku leeyahay dalalka Khaliijka.

   Sii akhri:

   Messi iyo Ronaldo: xifaaltanka bedelay taariikhda kubadda cagta

   Halkee ciidamada Mareykanka kaga sugan yihiin bariga dhexe, sababtu se maxay tahay?

   FIFA oo ka hadshay diidmada uu Mareykanka u diiday Cumar Cartan inuu galo dalkooda

7. 4 Saacadood ka hor22 waddan ayaa Iran uga digay weerarrada ka dhanka ah shakhsiyaadka ee ay ka geysato dalalka kale

   

   Xigashada Sawirka, EPA-EFE/REX/Shutterstock

   Labaatan iyo laba dal, oo ay ku jiraan Mareykanka iyo dhowr dal oo Yurub ah, ayaa Khamiistii soo saaray bayaan wadajir ah oo uga digaya Iran inay joojiso weerarrada lagu beegsanayo dadka ku sugan dhulkooda.

   Bayaankaas waxaa lagu cambaareeyay hay’adaha ammaanka ee Iran, iyadoo lagu eedeeyay inay si “aad u xun” u adeegsadeen shabakado dambiilayaal caalami ah iyo kuwo maxalli ah si ay uga fuliyaan qorshayaal ka dhacay Yurub, Waqooyiga Ameerika iyo Australia.

   Bayaanka, oo la sii daayay 11-kii Juun, ayaa lagu yiri:“Isku-dayga dilka, afduubka, dhibaataynta, cabsi-gelinta, ama weerar kasta oo lagu qaado shakhsiyaad ku sugan dhulka dalalkayaga waxay jebinayaan madaxbannaanida qaran iyo xeerarka caalamiga ah. Falalkan waa in si degdeg ah loo joojiyaa.”

   Dalalkan ayaa sidoo kale sheegay in hay’adda sirdoonka eeilaalada Kacaanka Iran iyo Quds Force ay ku lug lahaayeen “qorshaynta hawlgallo dhimasho sbabay iyo falal waxyeello lagu geystay” oo lagu bartilmaameedsanayo mucaaradka Iran, suxufiyiinta, iyo sidoo kale bulshooyinka Yuhuudda iyo Israa’iiliyiinta.

   Bayaanka ayaa sii raaciyay:“Waxaan ka mideysan nahay go’aankeenna ah inaan dalalkeenna iyo shacabkeenna ka difaacno hanjabaadahan,Jamhuuriyadda Islaamiga ah ee Iran waa inay si degdeg ah u joojisaa falalkan.”

   Dalalkan waxay Iran ku eedeeyeen inay ka dambeysay weerarro kala duwan oo ka dhacay Yurub kuwaas oo lagu bartilmaameedsaday bulshooyinka Yuhuudda, suxufiyiinta Iran iyo suxufiyiin Maraykan ah.

   Weerarradan ayaa la sheegay inay sheegatay koox lagu magacaabo Ashab al-Yamin al-Islamiya Movement oo lagu tilmaamay inay xiriir la leedahay Iran.

   Kooxdan oo aan si weyn loo aqoon ayaa sheegatay mas’uuliyadda weerarro dab-qabadsiin ah oo lagu qaaday goobo macbadyo ah iyo xarumo bulsho oo ku yaalla deegaanka Golders Green ee London, halkaas oo ay ku nool yihiin mid ka mid ah bulshooyinka Yuhuudda ee ugu badan London.

   Sii akhri:

   Messi iyo Ronaldo: xifaaltanka bedelay taariikhda kubadda cagta

   Halkee ciidamada Mareykanka kaga sugan yihiin bariga dhexe, sababtu se maxay tahay?

   FIFA oo ka hadshay diidmada uu Mareykanka u diiday Cumar Cartan inuu galo dalkooda

8. 4 Saacadood ka horKuwait ayaa si ku-meel-gaar ah u xirtay hawadeeda sababo la xiriira weerarrada Iran.

   Kuwait ayaa ku dhawaaqday inay si ku-meel-gaar ah u xirtay hawadeeda kadib weerarro ay sheegtay inay ka yimaadeen Jamhuuriyadda Islaamiga ah ee Iran.

   Maamulka Guud ee Duulista Rayidka ee Kuwait ayaa bayaan ku sheegay:"Tallaabadan waxaa la qaaday kadib weerarrada Iran iyo khataraha ay u keeni karaan duulimaadyada rayidka ah ee gobolka."

   Hay’addu waxay sidoo kale intaas ku dartay:"Isu socodka hawada ayaa dib loo bilaabi doonaa marka xaaladda hadda jirta ay dhammaato iyo marka meesha laga saaro arrimaha khatarta ah, iyadoo lagu salaynayo qiimeynta hay’adaha awoodda u leh arrintan."

   Sii akhri:

   Messi iyo Ronaldo: xifaaltanka bedelay taariikhda kubadda cagta

   Halkee ciidamada Mareykanka kaga sugan yihiin bariga dhexe, sababtu se maxay tahay?

   FIFA oo ka hadshay diidmada uu Mareykanka u diiday Cumar Cartan inuu galo dalkooda

9. 5 Saacadood ka horQiimaha Shidaalka oo mar kale cirka isku-shareeray

   Subaxnimada hore ee Khamiista, suuqyada Eeshiya ayaa si degdeg ah uga falceliyay colaadda cusub ee u dhexeysa Maraykanka iyo Iran.

   Qiimaha shidaalka ayaa kor u kacay wax yar kadib markii la shaaciyay xiritaanka gebi ahaanba ee marinka maraakiibta iyo wararka sheegaya suurtagalnimada weerarro lagu qaado maraakiibta.

   Qiimaha shidaalka ceeriin ee nooca Brent, ayaa ka gudbay $95 halkii foosto.

   mar waliba oo xiisadda u dhaxeysa mareykanka iyo iiraan ay sii korodha waxaa sare u kaca qiimaha shidaalka.

   Sii akhri:

   Messi iyo Ronaldo: xifaaltanka bedelay taariikhda kubadda cagta

   Halkee ciidamada Mareykanka kaga sugan yihiin bariga dhexe, sababtu se maxay tahay?

   FIFA oo ka hadshay diidmada uu Mareykanka u diiday Cumar Cartan inuu galo dalkooda

10. 7 Saacadood ka horSababta korista Jaranjarada ay faa'iido ugu leedahay jirkaaga iyo maskaxdaada

    

    In kasta oo aan isku dayno inaan qaadano wiishka, beddelka jaranjarooyinka, koritaanka dhowr dabaq maalintii waxa ay kor u qaadi kartaa caafimaadka maskaxda iyo awoodda. Inta badan oo aad socotid, waa inta ay sii badato in aad daal badan dareento.

    Bishii Sebtembar 3, 2021, Sean Greasley waxa uu koray oo uu ka soo degay 8,849 mitir in ka yar 23 saacadood, masaafo geyn lahayd meesha ugu sarreysa buurta ugu sarreysa adduunka. Dhamaadkii, wuu dhididsanaa oo si dhib leh ayuu u socon karay. Wuxuuna ku sameeyay dhiirigelinta qoyskiisa.

    Greasley waxa uu haystaa rikoorka adduunka ee wakhtiga ugu dhakhsaha badan ee la koro ama looga soo dego masaafada la mid ah kan Mount Everest ee jaranjarada oo ah 22 saacadood, 57 daqiiqo iyo 2 ilbiriqsi.

    Sii Akhri

11. 8 Saacadood ka horCarruur la sameeyay iyadoo la adeegsanayo DNA ga saddex qof oo dhashay iyaga oo aan cillad qabin

    Siddeed caruur ah ayaa ku dhashay Ingiriiska iyaga oo isticmaalaya walxaha hidde-sidaha ee saddex qof si ay uga hortagaan xaalado halis ah oo inta badan dilaa ah, sida ay dhakhaatiirtu sheegeen.

    Habkan oo ay hormuud ka ahaayeen saynis yahano u dhashay dalka Ingiriiska, ayaa isugu jira ukunta iyo shahwada hooyada iyo aabaha iyo ukun labaad oo ay leedahay haweenay ku deeqday.

    Farsamadani ayaa halkan sharci ka ahayd muddo toban sano ah, laakiin hadda waxaan haynaa caddaynta ugu horreysa ee u horseedaysa carruurta ku dhasha iyaga oo ka madax bannaan cudurrada (mitochondrial) ee aan la daweyn karin.

    Sii Akhri

12. 8 Saacadood ka horIbrahim Traore: Macluumaad khaldan oo loo adeegsan jiray ammaanta hoggaamiyahan milatariga ah

    Qiic kasoo baxaya dhismo sida Beyoncé, kuna labisan dhar milatari, oo ay fuulayso baabuur gaashaaman. Kabtan Ibrahim Traoré, hogaamiyaha militariga Burkina Faso, ayaa sidoo kale ku jira muusikada muuqaalka, isaga oo xabad ridaya. "Ilaahay ha ku xafido Ibrahim Traoré dagaalka aad u galayso dadka, jebinta silsiladaha boqortooyada" ayaa ereyada heesta ka mid ah.

    Laakiin ma aha Beyoncé ama Ibrahim Traoré. Fiidiyowgu waa mid qoto dheer, nooc nuxurkiisa si xariifnimo leh loogu farsameeyay si uu ugu ekaado mid dhab ah.

    Boqolaal fiidiyow oo AI lagu soo saaray ayaa muujinaya Traoré inuu yahay geesi Afrikaan ah, oo badankoodu ay ku jiraan macluumaad been ah, kuwaasi oo qulqulaya baraha bulshada guud ahaan Afrikada Saxaraha ka hooseeya tan iyo dhammaadkii bishii Abriil.

    Sii Akhri

13. 8 Saacadood ka horWar deg deg ah, Trump oo sheegay weerarada ay ku joojinayaan codsi uga yimd Iiraan

    

    Xigashada Sawirka, EPA / Reuters

    Madaxweynaha Maraykanka Donald Trump ayaa sheegay in weerarrada ay “joojin doonaan dhowaan” kadib codsi ka yimid Iran.

    Sida ay ku warrantay Fox News, Trump wuxuu wareysi ku sheegay inuu amar ku bixiyay in la hakiyo weerarro cusub oo ka dhan ah Iran kadib “wicis taleefoon oo toos ah oo ka yimid Iran” iyo codsi uu sameeyay mas’uul sare oo dalkaasi ah.

    Dhanka kale, warbaahinta rasmiga ah ee ku dhow Ilaalada Kacaanka (IRGC) ee Iran ayaa si cad u diiday sheegashadaas, iyagoo ku tilmaamay “been” in Iran ay codsatay joojinta weerarrada.

    Wariyaha Fox News ayaa sidoo kale sheegay in Trump uu ku xusay wicitaanka telefoonka ah in weerarro lagu qaaday gudaha Iran ay ku lug lahaayeen gantaallada Tomahawk oo lagu bartilmaameedsaday raadaarada difaaca, xarumaha difaaca, iyo hagidda diyaaradaha aan duuliyaha lahayn ee Iiraan.

    Weerarradaas ayaa la sheegay inay ka dhaceen gudaha Iran, dhowr kiilomitir meel u jira magaalada caasimada ah ee Tehran.

    Markii la weydiiyay su’aal ku saabsan suuragalnimada in Iran ay diido heshiiska uu Mareykanku soo jeediyay, Trump wuxuu ku jawaabay: “haddii ay diidaan, mar kale waa la duqeeyn doonaa.”

14. 9 Saacadood ka horWar deg deg ah, Ciidamada badda Iiraan oo beegsaday Maraakiib ay ku tilmaameen kuwa xadgudbay

    

    Xigashada Sawirka, .

    Sida ay sheegtay wakaaladda Wararka ee Fars, ciidamada badda IRGC ayaa ku dhawaaqay in ay bartilmaameedsadeen laba markab oo ay ku tilmaameen “kuwa xadgudbay” oo isku dayayay in si sharci‑darro ah ay uga gudbaan marin‑biyaha Hormuz.

    Warbixintan ayaa la sii daayay daqiiqado yar kadib markii xarunta Khatam al‑Anbiya ay ku dhawaaqday in Gacanka Hormuz gebi ahaanba laga xiray dhammaan maraakiibta, taas oo jawaab u ahayd weerar cusub oo ay Mareykanku qaaday.

15. 11 Juunyo 2026War deg deg ah, Qaraxyo laga maqlayo gobolo ku yaala Koonfurta Iiraan

    

    Xigashada Sawirka, Getty Images

    Wakaalada wararka rasmiga ee IIraan ayaa sheegtay in la maqlayo qaraxyo dhowr ah oo ka dhacay goobaha ku hareeraysan Minhab iyo gobolkka Sirirk ee Koonfurta dalka Iiraan.

    Si kastaba ha ahaatee isla wakaaladaasi ayaa diiday warbixinada in qaraxyo laga maqlayo Qeshm iyo Kish

16. 11 Juunyo 2026Maraykanka: Saacadaha soo socda waxaan duqaynaynaa goobaha muhiimka ee Iiraan

    

    Xooghayaha Difaaca Mareykanka, Pete Hegseth, ayaa sheegay in goobaha muhiimka ah ee ku yaalla Iran la beegsan doono duqaymo Mareykanku fulin doono saacadaha soo socda, kadib markii Madaxweyne Trump uu goor sii horeysay ku dhawaaqay weerarro cusub.

    Taliska Dhexe ee Ciidanka Mareykanka (US Central Command) ayaa xaqiijiyay waxa ay ugu yeereen “weerarro dheeraad ah oo is‑difaac ah” oo ka dhan ah bartilmaameedyo badan oo Iran leedahay.

    Madaxweyne Trump ayaa hore u ballanqaaday inuu Iran si adag u garaaci doonaan, isagoo ku eedeeyay Tehran inay wakhti badan ku qaadatay saxiixa heshiis nabadeed.

    Dhankiisa, Madaxweynaha Iran Masoud Pezeshkian ayaa sheegay in dalkiisu “si adag uga soo horjeedi doono cadaadis kasta ama hanjabaad kasta,” wuxuuna ku tilmaamay hanjabaadaha lagu beegsanayo kaabayaasha inay yihiin calaamad muujinaysa quus.

    Isu‑dhaca cusub ayaa sii adkeeyay xabbad‑joojinta jilicsanayd ee dhaqan gashay bishii Abriil.

17. 11 Juunyo 2026War deg deg ah, Bill Gates oo ka shalaysan kulamadii uu la yeeshay Epstein

    

    Xigashada Sawirka, Getty Images

    Bill Gates oo ah aasaasaha shirkada Microsoft ayaa sheegay inuu Jeffrey Epstein uu doonayay xiriir shakhsi ah.

    Gates wuxuu ku adkeeyay inuusan waligiis ku xadgudbin qofna, xilli uu wajahayo su’aalo uga imaanaya guddi Kongarees ah oo baaraya xiriirka kala dhexeeyay Epstein — dambiile galmo oo geeriyooday — iyo dadka taajiriinta ah iyo kuwa awoodda leh, ee uu isagu ku jiro.

    Gates wuxuu ku sheegay hadal uu hore u diyaariyay (oo uu ku daabacay boggiisa gaarka ah) inuusan waligiis tegin jasiiradda Epstein, beeraha, ama gurigiisa Florida. Isaga oo intaas ku daray inuusan wax calaamad ah ka helin in Epstein uu ku lug lahaa falal dambiyeed.

    Ganacsadaha bilyaneerka ah ayaa mar kale caddeeyay inuu ka qoomameeynayo kulamadii uu la yeeshay Epstein, isaga oo ku tilmaamay khalad weyn oo xagga garashada ah. Wuxuu ku adkeeyay in kulamadoodu ay ku koobnaayeen wadahadallo ku saabsan gargaar iyo maalgelinta hay’addiisa samafalka.

18. 11 Juunyo 2026War deg deg ah, Cumar Cartan ‘’Soomaaliya annagaa iska leh, ha xumaato ama ha wanaagsanaato’’

    

    Xigashada Sawirka, SNTV

    "Waxaan idiin ballan qaadayaa in haddii Alle yiraahdo midda xigta aan aadi doono... shacabka Soomaaliyeedna ay ku farxaan, waana inaan dhammaanteen difaacno magaca Soomaaliya," ayuu yiri.

    Cartan oo lagu waday in uu noqdo qofkii ugu horeeyay ee Soomaali ah oo garsoore ka noqda fiinaal-ka Koobka Adduunka, ayaa Isniintii laga saaray liiska mas'uuliyiinta, kaddib markii laga hor istaagay inuu gudaha u galo garoonka diyaaradaha ee Miami ee Mareykanka.

    Isagoo ka hadlayay imaatinkiisa kadib, waxa uu ka codsaday dhalinyarada in aysan ka rajo dhigin dalkooda.

    "Soomaaliya annagaa iska leh, ha wanaasanaato ama ha xumaato, dalkaas annagaa iska leh, baasaboorkaasna waanu leennahay, waanu wadaagnaa, waanu wada difaaceynaa".

19. 11 Juunyo 2026War deg deg ah, Madaxa FIFA oo nasiib daro ku tilmaamay wixii ku dhacay Cumar Cartan

    

    Xigashada Sawirka, Getty Images

    Madaxa xiriirka kubadda cagta adduunka FIFA, Gianni Infantino ayaa difaacay xiriirka sida uu u maamulayo Koobka Adduunka, maalin kahor furitaanka koobka.

    Shir jaraa’id oo u uku qabtay Mexico ayuu Infantino ku sheegay in FIFA aysan ahayn boqorada adduunka oo xukumi kara dowladaha, aysana wax walba maamulin.

    Laakiin waxa uu nasiib daro ku tilmaamay wixii ku dhacay garsooraha Soomaaliga Cumar Cartan oo la filayay inuu garsoore ka noqdo koobka addunka, waxaa loo diiday inuu galo Maraykanka.

    Infantino waxaa uu difaacay qiimaha tikirka koobka adduunka, kadib cabashooyin ballaaran oo laga muujiyay.

    Beri oo Khamiis ah ayaa la filayaa inuu furmo Koobka Adduunka , iyada oo mid kamid ah martigaliyayaasha koobka oo ah Mexico ay caasimada dalkaasi kula ciyaaraysi dalka Koonfur Afrika.