TOOS, Iiraan oo beenisay hadalka Trump ee ah in heshiis laga gaaray dagaalka Iiraan

Tebin toos ah

1. 2 Daqiiqadood ka hor6-daan cunto hadii la isku daro sun ayay noqonayaan

   

   Xigashada Sawirka, Getty Images

   Qof kasta oo bini aadam ah wuxuu haystaa wuxuu Eebbe siiyay. Maalin kasta oo qof go'aansado inuu wax cuno waxaa laga yaabaa inuu sun sumeeyo.

   Cuntada uu qofku cunaa waxay la socotaa xaaladda caafimaad. Hal qof ayaa si isku mid ah oo fudud u cuni kara, laakiin waxaa laga yabaa in qof kale ay sun ku noqoto.

   Xaaladdan waxaa uga sii dari karta cawaaqibta ka dhalan karta marka aad ku guul darreysato inaad isku dartid isku -dhafka cuntada ee saxda ah iyo kuwa caafimaadka leh.

   Nooc kasta oo cunto ah waxay leedahay faa'idooyinkeeda, laakiin marka la isku qaso waxay dhibaato u keeni kartaa qofka.

   Xabiiba Haaruna oo ah khabiir ku takhasustay cuntooyinka nafaqada leh oo u dhalatay dalka Nigeria ayaa BBC -da u sheegtay lix nooc oo cunto ah oo qof kasta sumayn kara.

   Kalluunka iyo Caanaha waa cuntooyin ay ka buuxaan nafaqooyinka balse waxaa laga yabaa marka la isku daro inaysan awoodin u yeelan inay sameeyaan nafaqooyinka saxda ah, taasina waxay sababi kartaa kartaa dhibaatooyin caafimaad.

   Jirka bani'aadamku uma baahna cuntooyin kala duwan oo ay ku jiraan kiimikooyin isku mid ah. Waxay sababi kartaa in jirka uu sumoobo oo matag iyo shuban uu qofka ku dhaco.

   Kuwa kale sii akhri

2. 35 Daqiiqadood ka horIiraan ma yeelan doonto hubka nukliyeerka inta aan ahay Ra'iisul Wasaaraha Israa'iil – Netanyahu

   

   Xigashada Sawirka, Getty Images

   Raysal Wasaaraha Israa'iil, Benjamin Netanyahu ayaa war qoraal ah soo dhigay bartiisa X, kdib markii uu madaxweynaha Mareykanka, Donald Trump, u sheegay in dhawaan la gaari doono heshiis dhex mara Iiraan iyo Mareykanka.

   Netanyahu ayaa bartiisa Twitter-ka ku yiri: "Inta aan ahay Ra'iisul Wasaaraha Israa'iil, Iiraan ma yeelan doonto hub nukliyeer ah."

   Netanyahu wuxuu sheegay in isaga iyo Madaxweyne Trump ay gaareen heshiis ku saabsan, arrinta ah in Iiraan aysan yeelan hub nukliyeer ah.

   Hogaamiyaha Israa'iil ayaa intaa ku daray in "Iiraan ay horey u heli lahayd bambooyin nukliyeer ah, si ay u burburiso Israa'iil, haddii aysan ahayn dadaalkeenna aan kaga hortageyno."

   Qoraalka hoggaamiyaha ma uusan faahfaahin mana uusan muujin ra'yigiisa ku aaddan, heshiiska xabad joojinta ee dhex maray Mareykanka iyo Iiraan.

   Netanyahu wuxuu ku nuuxnuuxsaday in Iiraan ay rabto inay burburiso Israa'iil, isla markaana aysan oggolaan doonin inay taasi dhacdo.

   Dhanka kale, heshiis xabbad-joojin ah oo dhexmara Mareykanka iyo Iiraan ayaa la saxiixi karaa Axadda soo socota , sida uu xog-ogaal reer Galbeed ah u sheegay wakaaladda wararka ee Reuters, iyadoo wadahadalladaasna la filayo inay ka dhacaan magaalada Geneva.

   Ninka xog-ogaalka ayaa sheegay, in hadda la falanqeynayo tallaabooyinkii ugu dambeeyay, iyadoo Iiraan ay ku adkeysaneyso in heshiiska ay qeyb ka noqoto joojinta weerarada lagu qaado dalka Lubnaan, halkaas oo ay Israa'iil ay ka geysato weeraro ka dhan ah kooxda Xisbullah.

   Sidoo kale waxaad akhrisan kartaa:

   Afar sababood oo ka hortagi kara xabbad joojin waarta oo dhex marta Iran iyo Maraykanka

   Madaxweyne ku xigeenka Mareykanka oo sheegay in ra'iisul wasaaraha Israa'iil Netanyahu 'ay wax ka khaldan yihiin'

   Halkee ciidamada Mareykanka kaga sugan yihiin bariga dhexe, sababtu se maxay tahay?

3. 2 Saacadood ka horWaa kuma Cumar Cartan?

   

   Xigashada Sawirka, Getty Images

   Cumar Cabdiqaadir Cartan wuxuu sanadkii 1995-tii uu ku dhashay xaafadda Buulo-xuubeey ee degmada Wadajir ee magaalada Muqdisho.

   Heerkiisa waxbarashada hoose, dhexe iyo sare ayuu ku qaatay isla Muqdisho isagoo heerka kowaad ee jaamacada ku qaatay daraasaadka horumarinta.

   Wuxuu xirfaddiisa garsoorennimo waxa ay ka bilaabatay magaalada Muqdisho ee garoommada xaafadaha ka dib markii uu dhaawac ka soo gaaray lugta uu soo afjaray waayihiisii ​​ciyaaraha.

   Cartan waxa uu sidoo kale dhex dhexaadiye ka noqday tartamo abaabulan oo ka dhacay magaalada, in kasta oo wax badan oo horumarkiisii ​​hore ay ku yimaaddeen intii uu kormeerayay ciyaaraha aan rasmiga ahayn iyo kuwa hab-hoosaadka ah.

   Saamayn muhiim ah waxaa xirfaddiisa hore ku lahaa Cismaan Jaamac Diraac, madaxii hore ee garsoorka Soomaaliya.

   Diraac waxa uu bixiyay hagitaan farsamo iyo taageero shakhsi ah xilli ay kubbadda cagta Soomaaliya ku shaqaynaysay qaab dhismeed kooban oo caalami ah.

   "Waxa uu nagu ahaa aabbe oo kale," Cartan ayaa yiri.

   "Garsoorayaasha kaliya ma hoggaaminin ee wuu na daryeeli jiray, haddii aad Muqdisho joogto oo aadan waxba haysan wuxuu hubin lahaa inaad wax cuntaan, wuxuu idin geyn lahaa maqaayad".

   Si kastaba ha ahaatee, Diraac ayaa la dilay Agoosto 2017.Cartan ayaa ka hadlay, oo yiri.

   "Aad bay u adkeyd".

   "Wuxuu ii diyaarinayey inaan noqdo garsoore caalami ah. Wuxuu ku faani lahaa inuu arko qof Soomaali ah oo heerkan gaaray."

   Cartan waxa uu 2018 noqday garsoore liiska Fifa ku jira, waxana uu si joogto ah u dhex maray ciyaartii Afrika, isaga oo kormeeray ciyaaraha heerka sare ah ee qaaradaha.

   Bishii Janaayo 2024, wuxuu noqday Soomaaligii ugu horreeyay ee garsoore ka noqda ciyaar ka tirsan Afcon, isagoo maamulayay ciyaartii Group E ee Tunisia iyo Namibia.

   Xiriirka Kubadda Cagta Afrika (Caf) ayaa bishii November u aqoonsaday inuu yahay sarkaalka ugu sarreeya ragga, ka hor inta aan loo magacaabin guddiga maamula qaaradda Afrika inuu kormeero lugtii labaad ee finalka Champions League ee u dhaxeysay kooxda Morocco ee AS FAR iyo Mamelodi Sundowns ee Koonfur Afrika bishii hore.

   Bishii April, Madaxweyne Xasan Sheekh Maxamuud ayaa amaman kala dul dhacay, kadib markii Cartan lagu daray 52 garsoore oo ka qeyb galaya Koobka Adduunka.

   "Waxaan bogaadinayaa dadaalka, xirfadda, iyo daacadnimada uu muujiyay garsoore Cumar," ayaa yiri.

   Dhab ahaantii waxay Cartan u ahayd daqiiqad lagu faano - oo uu garanayay inay ahayd guul taariikhi ah.

   "Farxaddayda kaliya ma ahayn," ayuu yiri.

   "Qoyskeyga, dadka Soomaaliyeed, xiriirka iyo garsoorayaasha da'da yar dhamaantood waxay ila wadaageen dareenkaas, waxay u noqotay rajo ah in garsoore Soomaaliyeed uu heerkaas gaaro."

   Sidoo kale akhri

   Garsooraha Soomaaliyeed ee Cumar Cartan oo loo xushay inuu dhexdhexaadiyo kulan dhex mari doona PSG iyo Aston Villa

   FIFA oo ka hadshay diidmada uu Mareykanka u diiday Cumar Cartan inuu galo dalkooda

   Cumar Cartan oo baaqa u diray dhalinyarada Soomaaliyeed iyo waxa xiga ee u qorsheysan

4. 2 Saacadood ka horHeshiis nabadeed oo dhex mari doona Iiraan iyo Mareykanka

   

   Xigashada Sawirka, Getty Images

   Heshiis xabbad-joojin ah oo dhexmara Mareykanka iyo Iiraan ayaa la saxiixi karaa Axadda soo socota , sida uu xog-ogaal reer Galbeed ah u sheegay wakaaladda wararka ee Reuters, iyadoo wadahadalladaasna la filayo inay ka dhacaan magaalada Geneva.

   Ninka xog-ogaalka ayaa sheegay, in hadda la falanqeynayo tallaabooyinkii ugu dambeeyay, iyadoo Iiraan ay ku adkeysaneyso in heshiiska ay qeyb ka noqoto joojinta weerarada lagu qaado dalka Lubnaan, halkaas oo ay Israa'iil ay ka geysato weeraro ka dhan ah kooxda Xisbullah.

   Heshiiskii xabbad-joojinta ee u dhexeeyay Maraykanka iyo Iran, kaas oo la gaaray bilowgii bishii Abriil, hadda waxa la odhan karaa waxa uu qarka u saaran yahay inuu burburo kadib silsilad weerarro ah oo ka dhacay gobolka Bariga Dhexe.

   Madaxweynaha Maraykanka Donald Trump iyo mas'uul sare oo Iran ah ayaa bilowgii Abriil is dhaafsaday hanjabaado, waxayna sidoo kale ku gooddiyeen inay sii wadi doonaan tallaabooyinka ka dhanka ah midba midka kale kadib is-weydaarsiga weerarrada.

   Arbacadii, Maraykanku wuxuu sheegay inuu weerar ku qaaday qalab ururin xogeed oo Iran leedahay kadib markii Iran ay soo ridday mid ka mid ah diyaaradaha helikobtarrada milatari ee Maraykanka ee gobolka Gacanka.

   Sidoo kale waxaad akhrisan kartaa:

   Afar sababood oo ka hortagi kara xabbad joojin waarta oo dhex marta Iran iyo Maraykanka

   Madaxweyne ku xigeenka Mareykanka oo sheegay in ra'iisul wasaaraha Israa'iil Netanyahu 'ay wax ka khaldan yihiin'

   Halkee ciidamada Mareykanka kaga sugan yihiin bariga dhexe, sababtu se maxay tahay?

5. 3 Saacadood ka horSida caalamka garab-istaag ugu muujiyay Cumar Cartan

   

   Xigashada Sawirka, Getty Images

   Tan iyo Markii maraykanku dalkiisa u diiday in uu galo garsooraha ciyaaraha ee Cumar Cabdulqaadir Cartan oo ku socday in uu dhexdhexdaadiyo hardanka koobka adduunka ee ee sanadkaan dhacaya sheekada Cumar ayaa noqotay mid dunida oo dhan qabsatay, sida ka muuqata dhacdooyinkii waaweynaa ee dunida saamaynaayay iyo waliba kuwii Soomaaliya gudaheeda ka dhacaayay.

   Dadyoow badan oo ah maqaawiirta ciyaaraha, siyaasiyiin, iyo hoggaamiyeyaasha hay'adaha caalamiga ah ayaa ka falceliyay dhacdadaan. Dadkaas waxaa kamid ah.

   Madaxweynaha Colombia Gustavo Petro: Wuxuu si cad uga falceliyay arrinta. Wuxuu ku dhaleeceeyay in Cumar Artan laga reebay Koobka Adduunka sababo la xidhiidha midabka maqaarkiisa ..waxuu sheegay in qofna aan loo takoorin midabkiisa sida ku dhacday Cumar Cartan.

   Hillary Clinton Xoghayihii Arrimaha Dibadda ee hore: Clinton waxay ku qortay barteeda Facebook ah inay Maraykanka ahayd mid "si fudud u xannibaysa saraakiisha oo ka diidaysa inay waxqabadka u yimaadaan" iyadoo martida ku ah Koobka Adduunka. Waxay ku tilmaantay go'aanka inuu yahay "aad u dambeeya" iyo "mid waxyeello ku keena" xiriirka caalamiga ah.

   Sii akhri

6. 4 Saacadood ka horShiinaha oo xiray aqoonyahan Maraykan ah oo looga shakisan yahay basaasnimo

   

   Xigashada Sawirka, Getty Images

   Wasaaradda arrimaha dibadda ee Shiinaha ayaa xaqiijisay xarigga aqoonyahan Mareykan ah oo ay ku eedeysay basaasnimo iyo inuu halis geliyay ammaanka qaranka Shiinaha.

   Waxaa la sheegay in la waayay xilli uu ku sugnaa magaalada Kunming ee dalka Shiinaha oo xudduud la leh Myanmar, ayaa lagu yiri warbixinta.

   Faahfaahin dheeraad ah oo ku saabsan xarigga - oo ah mid aan caadi ahayn, maadaama ay caadi tahay in Shiinuhu xiro muwaadiniin Maraykan ah oo loo haysto eedeymo amni qaran - lama oga.

   Xariggan ayaa ku soo beegmaya toddobaadyo uun ka dib booqashadii uu madaxweynaha Maraykanka Donald Trump ku tagay magaalada Beijing ee dalka Shiinaha lana kulmay madaxweynaha Shiinaha Xi Jinping, halkaasi oo hogaamiyaha Maraykanka uu kala kulmay soo dhawayn weyn.

   Waxa ay sidoo kale ku soo aadeysaa xilli madaxweynaha Myanmar Min Aung Hlaing lagu wado in uu booqasho ku tago magaalada Beijing dabayaaqada todobaadka soo socda.

   Xukuumadda Beijing ayaa la og yahay in ay xiriir dhow la leedahay militariga Myanmar, oo ah dowladdii militariga ee dalkaas oo afgambi ku qabsatay sannadkii 2021-kii.

   Warar dheeraad ah:

   Madaxweyne ku xigeenka Mareykanka oo sheegay in ra'iisul wasaaraha Israa'iil Netanyahu 'ay wax ka khaldan yihiin'

   Koobka Adduunka oo Mexico ka furmay lana kowsaday qoob ka ciyaarka Shakira iyo mudaaharaadyo

7. 6 Saacadood ka horMaamulka Trump oo qorsheynaya inuu qaar ka mid ah muhaajiriinta Iiraaniyiinta ah u diro Afrikada Dhexe

   Maamulka Trump ayaa qorsheynaya inuu masaafuriyo tiro muwaadiniin Iiraaniyiin ah iyo muhaajiriin kale oo loo diro Jamhuuriyadda Bartamaha Afrika, oo ah dal sannado badan la daalaa-dhacayay xasillooni-darro, rabshado iyo saboolnimo baahsan, sida ay Reuters u sheegeen laba qareen iyo sarkaal arrintan la socda.

   Sida ay sheegtay Emily Trussell, oo ah qareen u doodda qaar ka mid ah dadkaas, dadka Iiraaniyiinta ah ee wajahaya masaafurinta waxaa ka mid ah laba haween ah oo haddii lagu celiyo Iran la kulmi kara jirdil iyo dhibaato.

   Waxay intaas ku dartay wareysi ay siisay Reuters in mid ka mid ah haweenka ay diinta u beddeshay Masiixiyadda, halka kan kalena uu yahay u ololeeye dimuqraadiyadeed.

   Reuters ayaa qortay in Wasaaradda Arrimaha Dibadda ee Maraykanka iyo xafiiska madaxweynaha Jamhuuriyadda Bartamaha Afrika—oo dhawaan heshiis la galay si uu u aqbalo muhaajiriin Maraykanku ka masaafuriyo dalal saddexaad—aysan ka jawaabin codsiyo lagu weydiistay xaqiijin ama faahfaahin ku saabsan warbixintan.

   Warar dheeraad ah:

   Madaxweyne ku xigeenka Mareykanka oo sheegay in ra'iisul wasaaraha Israa'iil Netanyahu 'ay wax ka khaldan yihiin'

   Koobka Adduunka oo Mexico ka furmay lana kowsaday qoob ka ciyaarka Shakira iyo mudaaharaadyo

8. 6 Saacadood ka horHalkee ciidamada Mareykanka kaga sugan yihiin bariga dhexe, sababtu se maxay tahay?

   Iran ayaa mar kale sheegtay inay beegsatay saldhigyo militari oo Maraykanku leeyahay oo ku yaalla gobolka kadib weerarro cusub oo ay ciidamada Maraykanku fuliyeen.

   Taliska Dhexe ee Ciidamada Maraykanka (CENTCOM) ayaa sheegay in maalintii labaad ee hawlgallada la soo gabagabeeyay. Hawlgalladan ayaa yimid kadib markii madaxweynaha Maraykanka, Donald Trump, uu sheegay in Tehran ay waqti badan ku qaadanayso gaarista heshiis lagu soo afjarayo dagaalka.

   Iran waxay sheegtay in saldhigyada ciidamada Maraykanka ee ku yaalla Baxrain iyo Kuwait la weeraray. Maalin ka hor, Ciidanka Ilaalada Kacaanka Iran (IRGC) ayaa sidoo kale sheegay inay beegsadeen saldhigyadan.

   Bayaan kasoo baxay IRGC ayaa lagu sheegay in 18 ah qalabi militari oo muhiim ah oo Maraykan leeyahay lagu weeraray laguna burburiyay saldhigyada cirka ee Ali Al Salem, saldhigga Ahmad al-Jaber ee Kuwait, iyo saldhigga ciidanak cirka ee Sheikh Isa e Baxrayn.

   Si kastaba ha ahaatee, sheegashadan si madax-bannaan looma xaqiijin.

   Halkan kasii akhri....

9. 7 Saacadood ka hor'Waxay burburiyeen mustaqbalka': Falastiiniyiinta oo ka carooday burburinta Israa'iil ee Bariga Quddus

   

   Waxaa ka jira buuq aad u xooggan oo ka socda meel lagu burburinayo dhismayaal oo ku taal hoosta Magaalada Qadiimiga ah ee derbiyada leh ee Qudus, waxaa jira mashiin weyn oo qodista Israa’iil ah oo burburinaya guri Falastiini ah.

   Ilaa 59 hanti ayaa hadda ku baaba’ay deegaanka al-Bustan ee xaafadda Silwaan tan iyo dabayaaqadii 2023. Iyadoo dareenka caalamka uu leexiyay dagaalka Gaza oo hadda ka socda Iran iyo Lubnaan, ayaa waxaa sare u kacay tirada Falastiiniyiinta ee laga soo riixayo guryihii ay ku noolaayeen ee ay Israa’iil haysato ee bariga magaalada.

   "Mustaqbal ma jiro, waxay burburiyeen mustaqbalka iyo wax walba," ayuu yiri Fayez Cawad, 58, oo fadhiya dabaqa kaliya ee ka haray hantidiisa markii aan gaaray.

   "Nolosheenii oo dhan waxaan ku bixinay dhismaha gurigan, tani waa waxa aan ku guuleysanay inaan ku guuleysano nolosha, waxay nagu soo celiyeen eber mar kale, aniga iyo caruurteyda."

   Marka loo eego Yuhuudda, Masiixiyiinta iyo Muslimiinta, Qudus waa xudunta iskahorimaadka Israel iyo Falastiin iyo sheegashada dhulka. Israa'iil waxay qabsatay bariga magaalada, oo ay ku jiraan meelaha barakeysan, iyadoo ay weheliso inta kale ee daanta galbeed ee ka timid Jordan dagaalkii bariga dhexe ee 1967-kii, ka dibna waxay ku darsatay tallaabo aysan aqoonsanayn dalal badan.

   Muddo 20 sano ah, dawladda hoose ee Israa'iil ee Jerusalem waxa ay wadday qorshayaal ay al-Bustan ugu beddelayso beer ku taal Kitaabka Quduuska ah, Beerta Boqorka, oo ay maamusho hay'ad dejineed Yuhuudi ah. Dhawaan, awaamiirta burburinta ee ay fulinayaan maxkamadaha Israa'iil ayaa ku soo kordhay waddooyinka cidhiidhiga ah ee halkan.

   Degsiimada iyo wareejinta qasabka ah ee dadka lagala wareegayo dhulka la haysto waa sharci darro marka loo eego sharciga caalamiga ah.

   Warar la xiriira:

   Qudus: Saddex arrimood ka ogow magaalada ay Somaliland ka furaneyso safaaradda

   Daawo: Qorshaha Trump ee Qudus ma guuleysan doonaa?

10. 8 Saacadood ka horMadaxweynihii hore ee Kuuriyada Koonfureed oo lagu xukumay 30 sano oo dheeri ah kadib markii uu diyaarad aan duuliye lahayd u diray Waqooyiga

    

    Xigashada Sawirka, Getty Images

    Maxkamad ku taalla dalka Kuuriyada Koonfureed ayaa 30 sano oo xarig ah ku xukuntay madaxweynihii hore ee dalkaasi Yoon Suk Yeol, kaddib markii lagu helay in uu diyaaradaha aan duuliyaha lahayn u diray Kuuriyada Waqooyi.

    Dacwad oogayaasha ayaa ku dooday in Yoon uu amar ku bixiyay howlgalka Oktoobar 2024 si uu uga xanaajiyo Pyongyang oo uu marmarsiiyo ugu sameeyo codsigiisii ​​sharciga dagaalka ee ku guuldareystay dabayaaqadii sanadkaas.

    Markii Yoon uu ku dhawaaqay sharciga dagaalka 3dii Diseembar, wuxuu ku andacoonayay inuu dalka ka ilaalinayay xoogagga "dawlad-diidka" ee la dhacsan Waqooyiga Kuuriya. Laakin markiiba waxaa caddaatay in uu u horseeday dhibaatooyin gudaha ah oo uu dib u rogay nidaamkii isaga oo wajahaya dibadbaxyo ballaaran.

    Yoon ayaa xilka laga xayuubiyey waxaana uu hadda ku jiraa xabsiga ka dib markii lagu xukumay xabsi daa'in ka dib markii uu isku dayay in uu sharciga millatari ku xukumo dalka.

    Jimcihii, maxkamadda degmada Seoul waxay ku heshay Yoon, iyo sidoo kale wasiirkiisii ​​hore ee gaashaandhigga Kim Yong-hyun, madaxii hore ee Taliska La-dagaalanka Sirdoonka Yeo In-hyung iyo madaxii hore ee Taliska Hawlgalka Drone Kim Yong-dae dambiga khiyaano qaran iyo ku takrifal awoodeed.

    Kim ayaa lagu xukumay 30 sano oo xarig ah, halka Yeo lagu xukumay 15 sano, Kim Yong-dae ayaa lagu xukumay seddex sano oo xarig ah iyadoo lagu xukumay shan sano oo ganaax ah.

    "Eedaysanayaashu waxay adeegsadeen hummaag hawlgal millatari si ay u kiciyaan daandaansi ka imanaysa Kuuriyada Waqooyi iyaga oo ujeeddadu ahayd in la abuuro xaalad degdeg ah," ayay tiri maxkamaddu.

    Waxay intaa ku dartay in dhammaan saddexda mas'uul ay "ka caraysiiyeen Kuuriyada Waqooyi", sidaas darteed "kordhinta khatarta isku dhac militari", laakiin waxay soo gabagabeysay in Yoon uu qaatay "mas'uuliyadda ugu weyn" dhacdadan.

    Warar dheeraad ah:

    Ilhan Cumar iyo Trump oo mar kale fooda-isdaray ''Waxaan ku noolahay maskaxda Trump''

    Sida ay dunidu u garab-istaagtay garsooraha Soomaaliyeed ee Cumar Cartan

11. 8 Saacadood ka horDiyaaradaha aan duuliyaha lahayn ee Suudaan oo duqeeyay dad u socday tacsi

    

    Xigashada Sawirka, Los Angeles Times via Getty Images

    Diyaaradaha aan duuliyaha lahayn ayaa duqaymo u gaystay dad ka soo qayb galayay aaska oo ka dhacayay qabuuraha magaalada El-Obeid ee dalka Suudaan, waxaana ku dhintay ugu yaraan afar qof tiro kalena way ku dhaawacmeen, sida ay sheegeen laba urur oo u dooda xuquuqda, Shabakadda Dhakhaatiirta Suudaan iyo Qareennada Gurmadka degdegga ah.

    Labada kooxoodba waxa ay weerarka ku eedeeyaan Ciidanka Gargaarka Degdegga ah (RSF). Qareenada deg-degga ah ayaa sheegay in ay qeyb ka tahay weeraro xiriir ah oo ay fuliyeen diyaaradaha aan duuliyaha lahayn ee Drones-ka oo billowday fiidnimadii Arbacada oo ay ku dhinteen ugu yaraan 23 qof.

    RSF kama aysan hadlin.

    El-Obeid oo hadda ku jirta gacanta ciidamada ayaa ah goob muhiim u ah dagaalka sokeeye ee Sudan ka socday saddexdii sano ee la soo dhaafay, kaasoo billowday ka dib markii hoggaamiyayaasha ciidamada iyo RSF ay isku khilaafeen jihada mustaqbalka ee dalka.

    Dagaallada ayaa abuuray masiibadii bini'aadantinimo ee ugu xumayd aduunka iyadoo in ka badan 11 milyan oo qof lagu qasbay in ay guryahooda ka barakacaan halka 28 milyan ay soo food saartay gaajo daran.

    Ma jiraan tirooyin la isku hallayn karo oo ku saabsan tirada dhimashada, laakiin waxaa loo maleynayaa inay tahay ugu yaraan 50,000.

    Marka laga soo tago weerarka lagu qaaday qabuuraha, Qareenada Gurmadka ayaa sheegay in diyaaradaha aan duuliyaha laheyn ay duqeeyeen guryo ku yaalla xaafado, degmada garoonka diyaaradaha iyo deegaanno ku xeeran saldhig ciidan. 13 qof oo rayid ah ayaa la dilay, kooxdu waxay sheegtay in dad rayid ah ay isugu soo baxeen meel ku dhow guryo burburay.

    Sidoo kale waxaa la sheegay in shan qof oo rayid ah lagu dilay weerarro hore.

    "Waa arrin naxdin leh, saqafyada guryaha ayaa ku soo dumay dadkii ku jiray, marka aad eegto guryaha qaar, waxaad dareemaysaa inaysan jirin cid ka badbaaday," mid ka mid ah dadka deegaanka ayaa u sheegay wakaaladda wararka AFP kaddib weerarradaas.

    Weerar kale ayaa darawal kaxeynayay gaari xamuul ah oo sahay cunto ah ku dhintay markii gaarigiisa la duqeeyay Khamiistii, sida ay sheegeen labada qareen ee xaaladaha degdegga ah iyo Shabakadda Dhakhaatiirta Suudaan.

    Labada kooxood ayaa qeexaya weerarro qorsheysan iyo kuwo soo noqnoqday oo lagu beegsaday dad rayid ah oo ku sugnaa Ceel-Cubeyd dhowr maalmood.

    Magaaladu waxay ku taal gobolka Kordofan ee qaniga ku ah saliidda - kaas oo u qaybsan Waqooyiga, Koonfurta iyo Galbeedka Kordofan.

    Warar dheeraad ah:

    Ilhan Cumar iyo Trump oo mar kale fooda-isdaray ''Waxaan ku noolahay maskaxda Trump''

    Sida ay dunidu u garab-istaagtay garsooraha Soomaaliyeed ee Cumar Cartan

12. 9 Saacadood ka horGarsooraha Soomaaliyeed ee Cumar Cartan oo loo xushay inuu dhexdhexaadiyo kulan dhex mari doona PSG iyo Aston Villa

    Garsooraha Soomaaliyeed Cumar Cabduqaadir Cartan ayaa loo magacaabay inuu dhex dhexaadiyo ciyaarta kama dambeysta ah ee UEFA Super Cup 2026, kaddib markii loo diiday fursad uu kaga qayb geli lahaa Koobka Adduunka FIFA sababo la xiriira in loo diiday gelitaanka Mareykanka.

    UEFA ayaa manta shaacisay in 34-jirkan uu hagi doono ciyaarta furitaanka xilli-ciyaareedka ee koobka Yurub, taasoo dhex mari doonta kooxda ku guuleysatay UEFA Champions League ee PSG iyo kooxda heysata UEFA Europa League ee Aston Villa, 12-ka Agoosto waxayna ka dhici doontaa magaalada Salzburg ee dalka Austria.

    Magacaabistan ayaa timid kadib wadatashi dhex maray UEFA iyo Xiriirka Kubadda Cagta Afrika (CAF), waxaana ay ku soo aadaysaa xilli uu Cumar Cartan taageero ballaaran ka helayay ka dib markii si muran leh looga reebay Koobka Adduunka.

    Cartan, oo tan iyo 2018 ka mid ahaa liiska garsoorayaasha caalamiga ah ee FIFA, waxaa loo arkaa mid ka mid ah garsoorayaasha ugu sarreeya Afrika. Waxa uu ku guuleystay Abaalmarinta Garsooraha Sanadka ee Ragga CAF 2025, sidoo kalena wuxuu ka mid ahaa 52 garsoore oo FIFA u xushay Koobka Adduunka 2026.

    Si kastaba ha ahaatee, riyadiisii Koobka Adduunka ayaa si lama filaan ah u dhammaatay kadib markii loo diiday inuu galo Garoonka Diyaaradaha Caalamiga ah ee Miami, inkastoo uu watay baasaboorka diblomaasiga ah ee Soomalaiya iyo fiisaha Mareykanka ee hal-galitaan ah oo ansax ah.

    Halkan kasii akhri

13. 12 Juunyo 2026Trump oo sheegay in heshiis lagu soo afjarayo dagaalka Iran uu dhow yahay, halka Tehran ay sheegtay inaan weli wax heshiis kama dambays ah la gaarin

    

    Xigashada Sawirka, Getty Images

    Madaxweynaha Mareykanka Donald Trump ayaa sheegay in heshiis hordhac ah oo lagu soo afjarayo dagaalka Iran uu aad u dhow yahay, kadib markii uu bartiisa ku qoray inuu joojiyay weerarro lagu qaadi lahaa dalkaas.

    “Waxaan hadda sameynay heshiis weyn oo lagu soo afjarayo dagaalka Iran,” ayuu u sheegay wariyeyaasha isaga oo ku sugan Xafiiska Oval Office Khamiistii.

    Afhayeenka Wasaaradda Arrimaha Dibadda ee Iran, Esmail Baghaei, ayaa telefishinka dowladda u sheegay in wararka ku saabsan heshiiska ay yihiin “kuwa mala-awaal ah” ayna “wax kama dambays ah la gaarin.”

    Trump ayaa horey marar badan u sheegay in labada dal ay ku dhow yihiin inay gaaraan heshiis lagu soo afjarayo colaadda. Saacado ka hor ku dhawaaqistaas, Trump wuxuu sheegay inuu Iran “si adag u garaaci doono.”

    Mareykanka iyo Israa’iil ayaa 28-kii Febraayo qaaday weerarro ballaaran oo ka dhan ah Iran. Iran ayaa ka jawaabtay iyadoo weerarro ku qaadday Israa’iil iyo dalal Gacanka oo Mareykanka xulafo la ah, sidoo kalena ay si weyn u xirtay Marinka Hormuz, oo ah marin muhiim u ah maraakiibta saliidda iyo gaaska dabiiciga ee dunida.

    Warar dheeraad ah:

    Ilhan Cumar iyo Trump oo mar kale fooda-isdaray ''Waxaan ku noolahay maskaxda Trump''

    Sida ay dunidu u garab-istaagtay garsooraha Soomaaliyeed ee Cumar Cartan

14. 12 Juunyo 2026Xasan Sheekh oo ka hadalay xirmooyinka shidaalka ee Turkiga ay siiyeen

    

    Xigashada Sawirka, Villa Somalia

    Madaxweynaha Soomaaliya oo ka qayb galayay casho sharaf loogu sameeyay magaalada Jowhar ee xarunta maamulka Hirshabeelle ayaa kusoo hadal qaaday arrimaha shidaalka Soomaaliya iyo heshiiska Turkiga ee shidaalka oo uu sheegay inay ka siiyeen Turkiga 3 xirmo oo kamid ah ilaa 260 xirmooyin shidaalka ah oo Soomaaliya ay leedahay.

    ‘’Dalkaan khayraadkiisana waa lasoo saaraa, ciddii nala wadaagaysana diyaar ugu nahay, waad aragteen maalmahan dadaa qaylinaya oo dhahaya shidaalkii Turkiyaa la siiyay waa la boobay saanaa la yeelay. Horta badda Soomaaliya 260 iyo jarjar xirmooyin ah oo midkiiba 5000 oo km oo square ah uu yahay ayaa ku taalo. Nimankaan walaalaheena ee Turkida ah saaxiibanada nahay ee wax badan noo soo gurmaday oo noo yimid. 12 xirmo aa dowladdu bixisay oo heshiis saxiix ay gashay. 12-kaas shirkadaha Turkida 3 ayay ku leeyihiin.

15. 12 Juunyo 2026War deg deg ah, Iiraan oo sheegtay wax heshiis kama dambays aysan la gaarin Maraykanka

    

    Xigashada Sawirka, Esmail Baghaei

    Iran ayaa sheegtay inaysan weli gaarin go’aan kama‑danbeysta ah oo ku saabsan heshiis nabadeed oo ay la yeeshaan Mareykanka.

    Afhayeenka wasaaradda arrimaha dibadda dalkaasi, Esmaeil Baghaei, ayaa warbaahinta Iran u sheegay in qoraalka heshiiska la soo jeediyay uu hadda dib u eegis ku jiro, balse Iran aysan ka tanaasuli doonin xariiqyadeeda cas.

    Hadalladiisu waxay yimaadeen saacado kadib markii Madaxweyne Trump uu mar kale ku dhawaaqay in heshiis lagu soo afjaro colaadda hadda taagan isla markaana dib loo furo marinka Hormuz uu dhow yahay.

    Isaga oo ka hadlay Aqalka Cad, Trump wuxuu wariyeyaasha u sheegay in “heshiis weyn” la gaaray oo dukumentiyada la dhammeystiri doono “maalmaha soo socda.” Warbaahinta Tasnim ee Iran ayaa sheegtay in Madaxweyne Trump uu ku dhawaaqay inuu heshiis dhow yahay 38 jeer labadii bilood ee la soo dhaafay.

16. 12 Juunyo 2026War deg deg ah, Madaxweyne Xasan muxuu ka yiri oraahdiisii ahayd 'SAAKA QOF AAN AHAY, GALABTANA MA IH'I

    Madaxweyne Xasan Sheekh Maxamuud ayaa soo hadal qaaday hadal uu horay u sheegay oo ahaa inuu subaxdiina yahay qof, galabtiina qof kale.

    ‘’War la qaloociyay oo keeyga ahaa jira, SAAKA QOF AAN AHAY, GALABTANA MA IHI, waa run, qofkaad saaka ahayd galabta ma ihid, markaad faraxsan tahay qof aad tahay, markaad xanaaqsan tahay qofaa tahay, markaa cabsanaysida qofaa tahay, markaad gaajaysan tahay, hal qof oo dhagaxaan isbeddelaynin ma ahid, bini’aadanaa tahay waa isbedbedleey, laakiin hay’addu isma beddesho’’

17. 12 Juunyo 2026War deg deg ah, Madaxweynaha oo mar kale ugu baaqay mucaaradka inay xisbiyo furtaan

    Madaxweynaha ayaa ugu baaqay xubnaha isaga kasoo horjeeda inay furtaan xisbiyo.

    ‘’Siyaasad maa rabtaa HAA, xisbi siyaasadeed aad, halkaas ka furo, Xisbiga wadaada dheh xisbiga dimuqraadiga ah dheh, magacaa doonto ula bax, mabaadi’daad doonto ku salee’’

18. 12 Juunyo 2026War deg deg ah, Madaxweyne Xasan oo sheegay in sawir xun la bixiyay oo ah 'Xamar waa holcee'

    Madaxweynaha Soomaaliya Xasan Sheekh Maxamuud oo ka hadalayay munaasabad ka dhacday Jowhar ayaa soo hadal qaaday dagaaladii ugu dambeeyay ee ka dhacay Muqdisho, isaga oo sheegay in sawir xun laga bixiyay magaalada, gaar ahaan dagaalkii ugu dambeeyay ee dhacay.

    ‘’Maali dhoweyd Xamar shil yaraa ka dhacay. Dadaa sawiro iyo video-yo hore oo dagaaladii dhici jiray ahaa inta soo qaatay soo galiyay,WAA TAN XAMAR WAA HOLCEE, XAMAR WAA TAN WAA GUBANEE,XAMAR WAA BURBURTAY ayaa lasoo galiyay Media-ha, daadaa lacag ku bixiyay inay waxaas faafiyaan oo caalamka gaarsiiyaan inay balaayo ka dhacday beledka, muxuu sameeyay ninkaas, ninkii soo socday oo boqlaal milyan inuu Soomaaliya galiyo uu racdeeyay.’’

19. 12 Juunyo 2026Liiska ciyaaraha adduunka ee ugu kaar cas badnaa iyo halka ay kaga jirto ciyaarta furitaanka 2026

    

    Xigashada Sawirka, Getty Images

    Waa markii ugu horaysay oo ciyaar furitaanka koobka addunka lagu qaatay saddex kaar oo casaan ah.

    Waa markii toddobaad ee ay dhacaan in saddex kaar oo casaan ah laga bixiyo ciyaar ka tirsan koobka adduunka, ayna tahay markii ugu horaysay oo ay ka dhex dhacdo ciyaar furitaan ah.

    Liiska

    • Mexico - South Africa 1/06/2026 - 3
    • Portugal - Netherlands 25/06/2006 - 4
    • Croatia - Australia 22/06/2006 -3
    • Italy - USA 17/06/2006 -3
    • South Africa - Denmark 18/06/1998 -3
    • Hungary - Brazil 27/06/1954 -3
    • Brazil - Czechoslovakia 12/06/1938 -3

20. 12 Juunyo 2026War deg deg ah, Ciyaar Saddex kaar oo casaan ah la taagay oo ugu dambayn Mexico ay guul kala hoyatay

    

    Xigashada Sawirka, Getty Images

    Mexico ayaa ku guuleysatay ciyaarta furitaanka ee Koobka Adduunka.

    Guul sahlan oo ku timid ciyaar jahawareer ahayd kadib markii saddex kaar oo casaan ah lagu qaatay, iyada oo ku dhammaatay 2:0.

    Mexico ayay u tahay bilow wanaagsan oo ay hoggaanka ugu qabatay Group A