Who go win di 2026 World Cup golden boot?

The big boys have showed up at the tournament — Wetin we call dis foto, Messi, Mbappe, Haaland all get 7 goals, Kane get 6 goals for di tournament so far

Published one hour wey don pass

Read am in 3 mins

Di biggest World Cup tournament don enta di business side of tins, wetin football pundits describe as 'crunch time'.

Dis tournament get many history-making events.

Apart from di fact say three different kontris dey host am, di number of teams (48) na di largest number of teams for any World Cup for history.

Also di first time 10 African kontris play for di tournament.

For dis tournament, many goalkeepers shine well well.

Keepers like Vozinha (Cape Verde), Orlando Gill (Paraguay), Gregor Kobel (Switzerland), Raul Rangel (Mexico), Diogo Costa (Portugal), Benjamin Asare (Ghana) among odas make many saves for dia teams.

Some young players also shine so far – players like Gilberto Mora (Mexico, 17), Johan Manzambi (Switzerland, 20), Ayoub Bouaddi (Morocco, 18) among odas.

Na so di golden boot race also make tight – di big boys dey show working for dia teams.

Skip Di one wey oda users dey read well well and continue reading

Di one wey oda users dey read well well

End of Di one wey oda users dey read well well

As many as 10 players get between three and seven goals.

Lionel Messi of Argentina, Kylian Mbappe of France and Erling Haaland of Norway all get seven goals.

Dis be di first time three players score seven goals for any Fifa World Cup.

Harry Kane of England get six goals, Dembele, Mikel Oryazabal, Bellingham, Quinones, Vinicius get four goals.

Cristiano Roanldo from Portugal get three goals togeda wit Morocco striker Ismael Saibari, Raul Jiminez of Mexico and Folarin Balogun of di US.

As many as 10 oda players get three goals also bifor dem comot di competition.

If any of di players tie for di number of goals, dem go check which of dem get di most assists aside di goals, di pesin wit di most assists go dey declared as di winner of di golden boot.

If dem still no get winner, dem go check di number of minutes each of di players bin play for di tournament; di player wit fewer minutes go dey awarded as di winner.

If afta dis, di players still dey tied, den dem all go share di golden boot award.

But as knockout games still dey go on wey di tournament dey drag towards di final, which of dis players fit win dis golden boot?

Messi, Mbappe, Kane or Haaland?

Time go tell.

Skip content and continue reading