Jadawalin manyan jam'iyyun siyasar Najeriya na zaɓen fitar da gwani

Manyan jam'iyyu huɗu a Najeriya sun fitar da jadawalin da suke shirin bi wajen gudanar da zaɓen fitar da gwani kafin babban zaɓen 2027.

Sabuwar jam'iyyar NDC ta fara bayyana shirinta na tantance da kuma zaɓar wanda zai wakilce ta a zaɓen 2027.

A baya, jam'iyya mai mulki ta APC ta riga ta fitar da sabon jadawali da tsarin ayyukanta, inda ta yi gyare-gyare kan lokacin tantance 'yan takara da zaɓen fitar da gwani, da kuma sauraron ƙorafe-ƙorafe da sauran matakan cikin gida na jam'iyya.

A cikin sanarwar, jam'iyyun sun kuma bayyana bayanan lambar asusun ajiya ta banki da masu sha'awar sayen fom ɗin tsayawa takara za su biya kuɗi domin samun fom ɗin shiga takara.

Sun ce dalilin gyaran jadawalin ya haɗa da bukatar daidaitawa da hutun ranar ma'aikata ta duniya, wanda ya shafi lokacin gudanar da wasu ayyukan cikin tsarin jam'iyya

A yayin da jam'iyyun adawa ke fuskantar rikice-rikicen kotu a 'yan kwanakin nan, jam'iyyar ADC ita ma ta fitar da jadawalin gudanar da zaɓen fidda gwani na shekarar nan.

A cikin wata sanarwa da Kakakin Jam'iyyar na Kasa, Bolaji Abdullahi ya fitar, ADC ta ce jadawalin na su ya nuna ƙudirin jam'iyyar na tabbatar da dimokuradiyya ta cikin gida da bin doka da oda, da kuma cikakken bin ƙa'idojin hukumar zaɓe.

Dangane da batun ko jam'iyyar za ta iya tsayar da 'yan takara a zaɓen 2027, ADC ta ce babu wani ɓangare na doka da ke hana ta shiga zaɓen. Ta kuma ƙara da cewa duk wani zance da ke nuna akasin haka "yunƙuri ne na ruɗa jama'a da kuma rage ƙwarin gwiwar 'ya'yan jam'iyyar."

Jam'iyyar ta kuma bayyana kanta a matsayin "babbar jam'iyyar adawa a Najeriya," tana mai cewa tana daukar wannan matsayi da muhimmanci.

A ɓangaren jam'iyyar Labour kuwa, ita ma ta fitar da nata jadawalin zaɓen fidda gwani, yayin da shirye-shiryen tunkarar zaɓukan 2027 ke ƙara ɗaukar hankali a faɗin kasar.

Jadawalin zaɓen fidda gwani na jam'iyyar NDC

Sabuwar jam'iyyar NDC ta bayyana jadawalin gudanar da zaɓen fidda gwanin 'yan takararta gabanin babban zaɓen shekarar 2027, tare da bayyana farashin fom da kuma rangwame ga wasu rukuni na 'yan takara.

Ga jadawalin kamar haka,

Farashin fom

Jam'iyyar ta kuma bayyana cewa mata 'yan takara za su samu rangwamen kashi 50 cikin 100.

Masu nakasa kuma za su samu rangwamen kashi 25 cikin 100

NDC ta ce wannan tsari na daga cikin ƙoƙarinta na inganta shiga siyasa da kuma tabbatar da dimokuradiyya

Jadawalin zaɓen fidda gwani na jam'iyyar ADC

Ga cikakken jadawalin gudanar da zaben fidda gwani na jam'iyyar ADC na shekarar 2026 kamar haka

Zaɓen fidda gwani

Jadawalin zaɓen fidda gwani na jam'iyyar APC

Ga kuma cikakken jadawalin gudanar da zaɓen fidda gwani na jam'iyyar APC.

Zaɓen fidda gwani

Jadawalin zaɓen fidda gwani na jam'iyyar Labour

Ga cikakken jadawalin gudanar da zaɓen fidda gwani na jam'iyyar Labour kamar haka;

Tantance 'yan takara

Daukar ƙorafe-ƙorafe

Zaben fidda gwani

Farashin Fom na Jam'iyyar Labour Party

Wannan na zuwa ne bayan Hukumar zaɓe mai zaman kanta ta ƙasa (INEC) ta fitar da jadawalin zaɓen shekarar 2027.

A cikin jadawalin, INEC ta bai wa jam'iyyun siyasa wa'adin tsakanin 23 ga Afrilu zuwa 30 ga Mayun 2026 domin su gudanar da zaɓukan fidda gwani, tare da warware duk wata matsala ko rigima da ka iya tasowa a cikin wannan lokaci.

Haka kuma, an bayyana cewa yaƙin neman zaɓen shugaban ƙasa da na 'yan majalisar tarayya zai fara ne a ranar 19 ga watan Agusta, yayin da yaƙin neman zaɓen gwamna da na 'yan majalisar jiha zai fara a ranar 9 ga watan Satumba.