નેપાળ : ભારે પૂરમાં બ્રિજ તણાયો તો લોકો માટે કેવો 'જુગાડ' કરાયો?

નેપાળના નુવાકોટ જિલ્લામાં ત્રિશુલી નદી પરનો પુલ 26 ઑગસ્ટના રોજ પૂરમાં ધોવાઈ ગયો હતો, જેના કારણે બંને કાંઠાઓ વચ્ચેનો સંપર્ક સંપૂર્ણપણે તૂટી ગયો હતો.

રસ્તો બંધ થયા પછી, ફસાયેલા લોકોને બચાવવા અને રાહત પુરવઠો પહોંચાડવા માટે એક કામચલાઉ ઝિપ લાઇન સિસ્ટમ સ્થાપિત કરવામાં આવી હતી.

આ નાની કૅબિન જેવી સિસ્ટમ દરરોજ બંને બાજુથી આશરે 100 લોકોને નદી પાર કરી રહી છે. ડિઝાસ્ટર મૅનેજમેન્ટ ટીમો મજબૂત પ્રવાહો અને મુશ્કેલ પરિસ્થિતિઓનો સામનો કરી રહી છે, લોકોને બચાવવા માટે દોરડા ખેંચી રહી છે.

બીબીસી માટે કલેક્ટિવ ન્યૂઝરૂમનું પ્રકાશન