IKIBIRIRAHO, AFC/M23 yemeye ko ubutare buca mu Rwanda ariko ivuga ko buhaca burengana

Amakuru y'ikibiriraho

Chançard Abimana na Didier Bikorimana

1. Haciye isaha 1Trump na Xi babwiranye neza ku ifunguro rya nijoro ariko nta ntambwe nini bateye ku bibazo byihutirwa

   

   Ahavuye isanamu, Reuters

   Perezida w’Amerika Donald Trump na Perezida w’Ubushinwa Xi Jinping babwiranye amagambo meza ubwo basangiraga ifunguro rihebuje rya nijoro ryo ku rwego rwa leta mu biro bya White House ariko nta kimenyetso bagaragaje cy’intambwe yatewe ku bibazo byihutirwa.

   Xi yashimangiye ko ubwenge buhangano (AI) bukwiye gukomeza “kugenzurwa n’abantu” ndetse ibihugu byombi bigakora “nk’ibihugu bikomeye bishyira mu gaciro”, mu gihe Trump yashimagije ejo hazaza harangwa n'"ubwumvikane, amahoro no kugera ku ntego" ku bihugu byombi.

   Ariko haracyari ubushyamirane nubwo habayeho iyo mvugo iryohereye yo muri dipolomasi, harimo ku ngingo irebana na Taiwan – mbere yaho ku wa kane, Xi yashishikarije Trump kujya mu “mwanya nyawo” ku bijyanye n'icyo kirwa cyitegeka Ubushinwa bufata nk’icyabwo, mu gihe hari intwaro nyinshi zigenewe icyo kirwa Trump yabaye aretse kugiha.

   Abakuru b’ibigo by’ubucuruzi batunze za miliyari z’amadolari, abategetsi bo muri leta y’Amerika n’abakuru ba kompanyi z’ikoranabuhanga zo muri Amerika, ni bamwe mu batumiwe kuri iryo funguro rya nijoro. Ariko kuhagera kwabo kwajemo kidobya, ubwo abigaragambyaga bavugaga mu ijwi ryo hejuru bari hanze, bamwe muri bo batawe muri yombi.

   Ubwo yavugaga ijambo mu ijoro ryo ku wa kane, Trump yashimiye Xi kuba yakoze urugendo rurerure rwo kujya muri Amerika, anavuga ko umubano hagati yabo ukomeye.

   Trump yagize ati: “Nta rimwe twigeze tubana neza cyane kurusha ubu.”

   Yashimagije amateka y’igihe kirekire y’umubano w’Amerika n’Ubushinwa.

   Cyo kimwe n’aya Trump, amagambo ya Xi na yo yari arimo gushimagiza kwinshi, yibanda ku mubano ushingiye ku muco no gusangira amateka hagati y’Amerika n’Ubushinwa.

   Yavuze ko umubano hagati y’ibihugu byombi “wavuye mu maraso no mu muriro” mu gihe cyo kurwana n’Ubuyapani mu ntambara ya kabiri y’isi – Amerika n'Ubushinwa byari biri ku ruhande rumwe rwa Les Alliés, nyuma uza kwiyongera mu gihe cy’ubutegetsi bwa Perezida w'Amerika Richard Nixon.

   Ahagana ku musozo w’ijambo rye, Xi yavuze ko intego z’Amerika n’iz’Ubushinwa zishobora “gushimangirana”. Yashishikarije impande zombi kwiga ku “buryo bushya bw’ukuntu ibihugu bikomeye byabana neza”.

   Ayandi makuru yacu mushobora kuyakurikira kuri YouTube kuri BBC News Gahuza

   Abantu benshi kw'isi ubu babona neza Ubushinwa kurusha Amerika

   AI ihabwe amakuru nyayo – Impuguke mu ikoranabuhanga Neza Nice Fabrice

   Amerika na Denmark byageze ku masezerano kuri Greenland nyuma yuko Trump akangishije kuyigarurira

2. Haciye amasaha 3Netanyahu yashyigikiye igikorwa cya gisirikare cya Israel mu gihe intumwa zasohotse mbere y'ijambo rye muri ONU

   

   Ahavuye isanamu, Reuters

   Minisitiri w’intebe wa Israel Benjamin Netanyahu yashyigikiye bikomeye ibikorwa by’igisirikare cy’igihugu cye muri Iran, Gaza n’ahandi mu Burasirazuba bwo Hagati, mu ijambo ryo ku wa kane yagejeje ku nteko rusange y’Umuryango w’Abibumbye (ONU).

   Nyuma yuko intumwa zihagarariye ibihugu zibarirwa muri za mirongo zisohotse mu kwigaragambya mbere yuko avuga iryo jambo, Netanyahu yasezeranyije gukomeza kurwana, agira ati: “Tugiye gutsinda. Nta yandi mahitamo dufite.”

   Mu gusubiza kuri abo basohotse mbere yuko avuga ijambo, yagize ati: “Niba hari ibindi bigwari mu myifatire bitarasohoka mu cyumba, nyabuneka nibibikore ubu.”

   Netanyahu yahakanye ibirego byuko Israel irimo gukora jenoside muri Gaza.

   Amasaha mbere yaho, mu butumwa bwari bwafashwe amajwi mbere, Perezida wa Palestine Mahmoud Abbas yabwiye ONU ko ibikorwa bya Israel – by’umwihariko kwagura mu buryo bunyuranyije n’amategeko kw’aho Abayahudi batuye mu gace bigaruriye ka West Bank (Cisjordanie) – biteje inkeke ku “buzima ubwabwo n’ukubaho kw’Abanye-Palestine ku butaka bwabo”.

   Yanavuze ko ibyo bishyira mu kaga igisubizo giteganya ko habaho leta ebyiri, uwo muvuno ukaba ari wo ushyigikiwe n’amahanga nk’uburyo bwo gutuma habaho amahoro hagati ya Israel n’Abanye-Palestine.

   Abbas yavuze ko Abanye-Palestine barimo “kwicwa, gusenyerwa, kwicishwa inzara no gushyirwaho amagerageza yo kubakura mu byabo, hamwe n’intambara ya jenoside” muri Gaza bikozwe n’ingabo za Israel.

   Uwo mutegetsi wa Palestine yagejeje ijambo kuri iyo nama ngarukamwaka akoresheje uburyo bw’iyakure bwa videwo kuko Amerika yamwimye uruhushya (viza) rwo kwinjira muri icyo gihugu.

   Ayandi makuru yacu mushobora kuyakurikira kuri YouTube kuri BBC News Gahuza

   Izindi nkuru wasoma:

   Tshisekedi na Netanyahu biyemeje gushimangira umubano mu by'umutekano n'ubukungu

   Umupilote w'Amerika wahanuriwe hejuru ya Iran aribuka ukuntu yahanutse, mu kiganiro cya mbere kuva atabawe

3. Haciye amasaha 5Abantu babarirwa mu bihumbi amagana bitezwe i Paris mu ruzinduko rwa Papa Leo

   

   Ahavuye isanamu, AFP via Getty Images

   Papa Leo XIV aratangira uruzinduko rw’iminsi ine mu Bufaransa kuri uyu wa gatanu, igice cy’ingenzi cyarwo kikaba ari misa nini cyane yitabirwa n’abantu barenga 500,000 rwagati mu murwa mukuru Paris.

   Ku bwa misa yo ku wa gatandatu nyuma ya saa sita z’amanywa, hubatswe alitari mu gace kitwa Place de la Concorde k’i Paris ndetse ahantu hagari hakikije agace k’umuhanda wa Champs-Élysées hafunzwe na polisi.

   Abanyagatolika bagera ku 600,000 bitezwe kwirunda muri uwo muhanda kugeza ku nyubako ya Arc de Triomphe no hirya yaho.

   Imbaga z’abantu benshi na zo zitezwe guteranira mu bindi bice by’urugendo rwa Papa, ibyo bikaba bigaragaza umwete Kiliziya Gatolika ivuga ko ushingiye ku nyota mu bya roho irimo kwiyongera mu Bafaransa no mu bandi Banyaburayi.

   Mu gitondo cyo kuri uyu wa gatanu, Perezida w’Ubufaransa Emmanuel Macron araza gusuhuza Papa ku kibuga cy’indege cya Orly kiri i Paris, nuko nyuma agirane ibiganiro na we mu ngoro ya Élysée, ku bibazo byo muri politike mpuzamahanga hamwe no ku bwenge buhangano (AI). Azanavuga ijambo ari kumwe na Papa i Metz, mu majyaruguru ashyira uburasirazuba bw'Ubufaransa.

   Ariko Perezida Macron ntazajya mu misa n’imwe mu zo Papa azasoma, ahanini kubera kwirinda kurenga ku ihame ry’Ubufaransa ryo gutandukanya nta kujenjeka ibya leta n’iby’iyobokamana.

   Ahubwo mu mwanya we, umugore we Brigitte na Minisitiri w’intebe Sébastien Lecornu ni bo bajya mu misa ibera mu gace ka Champs-Élysées.

   Abakandida benshi bo mu matora ya perezida yo mu mwaka utaha na bo bitezwe kujya muri iyo misa, barimo Marine Le Pen wo mu murongo wa politike w’ibitekerezo byo gukomera ku bya kera ushyira imbere Ubufaransa n'ibyabwo, abo mu murongo w’ibitekerezo byo hagati ari bo Edouard Philippe na Gabriel Attal, na Bruno Retailleau na we wo mu murongo wo gukomera ku bya kera.

   Ayandi makuru yacu mushobora kuyakurikira kuri YouTube kuri BBC News Gahuza

   Izindi nkuru wasoma:

   'Natoranyijwe, ubwanjye ntabikwiriye' – Leo 14 mu misa ye y'umuganura nka Papa

   Robert Prevost, ari we Papa mushya Léon XIV, ni muntu ki?

4. Haciye amasaha 5AFC/M23 yemeye ko ubutare buca mu Rwanda ariko ivuga ko buhaca burengana

   

   Ahavuye isanamu, Reuters

   Umuvugizi w'umuhari wa AFC/M23, Oscar Balinda, avuga ko inzahabu na coltan bicukurwa mu buseruko bwa Repubulika ya Demokarasi ya Congo bica mu Rwanda ariko ko bihaca gusa biriko birajanwa ku masoko yo hanze.

   Mu kiganiro yahaye BBC Gahuzamiryango ku wa kane, Balinda yavuze ko u Rwanda ari inzira isanzwe ikoreshwa mu gushikana ubwo butare ku babugura hanze ya Afrika.

   Yavuze ko n’ibidandazwa vyinjira i Goma ahanini bica mu Rwanda. Ku bwiwe, n’ibisohoka muri ico gisagara bica muri iyo nzira, bikabandanya bija ku bivuko vya Dar es Salaam muri Tanzania canke Mombasa muri Kenya.

   Balinda yariko yishura icegeranyo Amnesty International yashize ahabona ku munsi wa mbere italiki 21 Nyakanga (9). Ico cegeranyo cagiriza abarwanyi ba M23 – bavugwa mu vyegeranyo vyinshi ko bafashwa n’u Rwanda ariko rwo rukabihakana – guhohotera abacukuzi b’ubutare no kujana inzahabu na coltan mu Rwanda mu buryo bwa magendu.

   Yavuze ko ico cegeranyo ari co kimwe n’ibindi bisohorwa n’amashirahamwe Balinda yavuze ko ahembwa na reta y’i Kinshasa kugira acafuze izina rya AFC/M23. Nta cemezo yatanze kuri ivyo yavuze.

   BBC Gahuzamiryango yarondeye reta ya Kinshasa, ariko ntaco barabivugako.

   Balinda yavuze ko AFC/M23 yiteguriye kwakira abahinga bipfuza kuja i Goma no mu turere turimwo ibirombwe kwirabira uko ibintu vyifashe.

   Yagize ati: “Ntushobora kuba i New York ngo umenye ibibera i Rubaya.”

   Mu cegeranyo cayo, Amnesty ivuga ko yatohoje ihohoterwa rikorerwa abacukuzi bato bato ku birombe vya coltan vya Rubaya, muri Kivu ya Ruguru, no ku birombe vy’inzahabu vya Lomera, muri Kivu y’Epfo.

   Iryo shirahamwe rivuga ko ryabajije abantu 26, barimwo abacukuzi, abahinga mu vy’ubutare, abafise ibirombwe hamwe n’abo mu miryango y’abishwe. Rivuga kandi ko ryasuzumye amafoto n’amashusho yafatiwe kuri ivyo birombwe.

   Igihe ico cegeranyo cashirwa ahabona, Amnesty yavuze ko AFC/M23 batari bishuye ibibazo yari yababajije mu gukora ico cegeranyo. AFC/M23 yo irahakana ko Amnesty itigeze ibarondera.

   Ayandi makuru yacu mushobora kuyakurikira kuri YouTube kuri BBC News Gahuza

   Izindi nkuru wosoma:

   RD Congo: Perezida Tshisekedi yatangaje ibiganiro 'bidaheza' ariko akumira imitwe yitwaje intwaro

   M23 yagiriza igisirikare ca reta ya Congo kurasa indege yari itwaye imfashanyo

5. Haciye amasaha 5Mwaramutse neza!

   Kaze kuri BBC Gahuzamiryango, aho tugiye kubashikiriza amakuru yo mu karere no mu makungu mu buryo bw'aka kanya.