“Dushake ubukire” – Museveni mu ijambo ryo kurahira kuri manda ya 7

Amakuru y'ikibiriraho

Chançard Abimana, Didier Bikorimana, Gisèle Berwa na Samba Cyuzuzo

1. Haciye amasaha 2Vincent Murekezi ukurikiranyweho ibyaha bya jenoside yatangiye kwiregura

   Ibiranga iyi nkuru

   • • 
     • Umwanditsi, Yves Bucyana
     • Igikorwa, BBC Gahuzamiryango

   

   Vincent Murekezi ukurikiranyweho ibyaha bya jenoside yatangiye kwiregura ibyaha bya jenoside yahamijwe n’urukiko rwisumbuye rwa Huye, rumukatira igihano cy’igifungo cya burundu.

   Murekezi Vincent ayasabye urukiko rukuru guhamagaza abatangabuhamya bashinja n’abashinjura ngo bashyire umucyo kuri ibyo byaha ashinjwa.

   Vincent Murekezi, w’imyaka 64, yari umucuruzi ukomeye muri Malawi, yoherejwe mu Rwanda na Malawi hashingiwe ku masezerano yo kohererezanya abacyekwaho ibyaha hagati y’ibyo bihugu byombi.

   Muri uru rubanza rw’ubujurire, Urukiko Rukuru ruri gusuzuma niba ubuhamya bwashingiweh n’Urukiko rwisumbuye rwa Huye koko ari ubuhamya bushidikanywaho nk’uko Murekezi, wasabye ubujurire abivuga-

   Murekezi wunganiwe na Me Evode Kayitana, ahakana ibyaha bitatu yahamijwe: gukora jenoside, gushishikariza gukora jenoside no kuyitegura.

   Avuga ko imvugo z’abamushinja zishidikanywaho kandi ko ari ubuhamya bwo "kugenekereza". Atanga urugero ku rupfu rwa Egide ashinjwa kwicisha; umutangabuhamya umwe avuga ko ''yiciwe i Rango, undi akavuga ko ''yiciwe muri Kaminuza y’u Rwanda’’.

   Murekeziavuga ko ibyo ashinjwa bidafite ishingiro kuko imvugo z’abashinja zivuguruzanya.

   Mu kwiregura kwe, Murekezi yagize ati: ''yarokoye Abatutsi basaga 20 mu rugo iwe, akavuga ko bitari gushoboka ko abasiga akajya kwica abandi, kuko yari gusanga abo yahishe bishwe n’Interahamwe''.

   Icyakora, Ubushinjacyaha bugaragaza ishusho itandukanye. Buvuga ko Murekezi yari umucuruzi ukomeye mu mujyi wa Butare akaba n’umucungamutungo w’ishyaka ry’abahezanguni b’abahutu rya CDR. Ubushinjacyaha buvuga ko ‘’gukomera kwe mu bucuruzi byatumye ashyirwa muri "Comité de Crise"cyangwa akanama ko mu bihe bikomeyekagize uruhare rukomeye mu gutegura no gushyira mu bikorwa jenoside’’.

   Me Evode Kayitana na Murekezi barabihakana bivuye inyuma. Bavuga ko: ‘’nta nama za CDR zigeze zibera iwe, kandi ko atigeze aba muri iyo komite kuko atari mu nzego z’ubuyobozi. Banemeza ko Murekezi atigeze aba muri CDR kuko yari mu ishyaka rya PSD ryari rihanganye na CDR’’.

   Me Evode, yabwiye urukiko ko nta bimenyetso bidashidikanywaho bigaragaza ko murekezi yakoze jenoside ahereye ku rubanza rwa Gacaca avuga ko abatangabuhamya bose baje gushinja ,mu mvugo zabo zose ntaho bavugamo ko Murekezi yakoze jenoside,bakavuga ko babyumvise.

   Kubyo kuba yararokoye abatutsi ,Murekezi avuga ko urukiko rwisumbuye rwa Huye rwirengagije impamvu nyoroshya cyaha ko yarokoye abatutsi asaba urukiko rukuru kuyishingiraho rumugabanyiriza ibihano mu gihe rwasanga imvugo z’abamuhamije icyaha zifite ishingiro,

   Ariko ubushinjacyaha bwo bwabinenze bwibaza niba ari igihembo yagomba guhembwa ngo kuko hari abantu barokokeye iwe ngo cyane cyane ko bari bafitanye isano n’umugorewe.

   Urukiko rwemeje gutumiza abatangabuhamya 8 bashinjura ,uwa 9 rumukura ku rutonde kuko rwasanze yari yaje kumva urubanza kandi bitemewe.Urubanza rurakomeje.

   Izindi nkuru wasoma:

   Vincent Murekezi uregwa jenoside yarize mu rukiko avuga 'akarengane' yakorewe n'umunyamategeko we

   'Ndasaba amezi 3 ngo nitegure kuburana' – Vincent Murekezi woherejwe na Malawi mu Rwanda

   'Ndasaba amezi 3 ngo nitegure kuburana' – Vincent Murekezi woherejwe na Malawi mu Rwanda

2. Haciye amasaha 3Texas irashinja Netflix ubutasi ku bayikoresha, harimo n'abana

   

   Ahavuye isanamu, Getty Images

   Netflix yarezwe na reta ya Texas kubera ibirego ivuga ko ikusanya amakuru y'abana n'abantu bakuru muri leta ya Amerika batabyemerewe, kandi ikoresha imiterere "ituma barushaho kuyikunda ".

   Umushinjacyaha Mukuru wa Texas, Ken Paxton, yashinje iki kigo gikorera kuri interineti ko "gikurikirana" abaturage, avuga ko "cyandika kandi kikinjiza amafaranga ya za miliyari" z'amakuru yerekeye uko abakoresha urubuga bitwara, nubwo bavuga ko atari ko bimeze.

   Ibiro by'umushinjacyaha byavuze biti : "Buri buryo bwo gukoresha uru rubuga bwabaye ahantu ho gukusanya amakuru hagaragazwa amakuru yerekeye umukoresha . "

   Netflix yahakanye ibyo birego kandi ivuga ko izabirega mu rukiko, nk'uko itangazo ryatanzwe ni biro ntaramakuru bya Reuters ribivuga.

   Umuvugizi wa Netflix yabwiye ibi ibiro ntaramakuru ati : "Mu cyubahiro kuri leta ikomeye ya Texas n'Umushinjacyaha Mukuru Paxton, iki kirego nta shingiro gifite kandi gishingiye ku makuru atari yo kandi adafite ishingiro."

   "Netflix ifata ubuzima bwite bw'abanyamuryango bacu nk'ikintu gikomeye kandi ikurikiza amategeko agenga ubuzima bwite n'uburinzi bw'amakuru aho dukorera hose."

3. Haciye amasaha 5‘Mayor’ muri California yeguye kubera ibirego byo gukora nk'‘intasi’ y’Ubushinwa

   

   Ahavuye isanamu, Reuters

   Umuyobozi w’umujyi wo mu majyepfo ya Leta ya California muri Amerika yeguye ku mwanya we nyuma yo kuregwa na Minisiteri y’Ubucamanza ko akora ‘nk’intasi’ y’Ubushinwa.

   Eileen Wang w’imyaka 58 akaba umukuru w’umujyi wa Arcadia – yemeye icyo cyaha kandi Inama y’Ubutegetsi y’uwo mujyi yatangaje ko yeguye ku mwanya we ku wa mbere.

   Wang nahamwa n’icyaha ashobora gufungwa imyaka icumi muri gereza.

   Abunganizi be mu mategeko Jason Liang na Brian Sun basohoye itangazo mu izina rye bavuga ko “asaba imbabazi kandi yicuza ku makosa yakoze mu buzima bwite”.

   Wang aregwa kugendera ku mabwiriza y’abategetsi bo mu Bushinwa nk’uko bivugwa na Minisiteri y’ubucamanza ya Amerika, harimo gutanga amakuru kuri Beijing atamenyesheje leta ya Amerika, nk’uko bisabwa n’itegeko.

   Amerika n’Ubushinwa ni ibihugu bikeba mu by’ubukungu, igisirikare na politike kandi Ubushinwa bufite abaturage benshi baba muri Amerika.

   Wang yatowe kuba mu bagize Inama y’ubutegetsi ya Arcadia mu 2022 kuri manda y’imyaka itanu aho buri umwe mu bagize iyo nama y’ubutegetsi agira igihe cyo kuba ‘mayor’ w’uyu mujyi.

4. Haciye amasaha 5“Dushake ubukire” – Museveni mu ijambo ryo kurahira kuri manda ya 7

   

   Ahavuye isanamu, State House Uganda

   Perezida Yoweri Museveni wa Uganda yarahiriye manda ya karindwi mu muhango waranzwe n’akarasisi ko kwerekana ingufu za gisirikare hamwe n’ijambo rye ryibanze ku kuvuga ko leta ye ishaka kubaka igihugu gikize.

   Arahira, iruhande rwe hari umukobwa we Natasha Karugire, kutaboneka muri ibi birori kw’umugore we Janet Museveni w’imyaka 77 - akaba na minisitiri w’imikino- biri mu byagaragaye binagarukwaho ku mbuga nkoranyambaga.

   Igisirikare gikuriwe n'umuhungu wa Museveni, Gen Muhoozi Kainerugaba, cyamuritse indege z'intambara, imbunda ziremereye n'imodoka z'intambara hamwe n'akararasisi k'imitwe itandukanye y'ingabo.

   Museveni yavuze intambwe ishyaka rye NRM ryateje Uganda mu myaka 40 rimaze ku butegetsi, mu ijambo rye yagendaga atanga ingero yerekana mu mashusho ibyo igihugu cye kigezeho.

   Gusa yinubiye ko igihugu kikirimo ruswa kandi aburira abategetsi bayirya ko agiye kubahagurukira.

   Museveni w’imyaka 81 yavuze ko ashaka ko Uganda irushaho kubaka inganda zitunganya ibintu bigisarurwa nk’amabuye y’agaciro, ikawa, ibitoro n’ibindi.

   Atanga urugero ati: “Ikilo kimwe cya zahabu idatunganyije baduha ibihumbi 60$ ariko ikilo kimwe cya zahabu itunganyije ku isoko kigura ibihumbi 168$...Nimwumve iryo tandukaniro”.

   

   Ahavuye isanamu, Uganda Media Center

   Museveni yongeye gusaba ibihugu bya Afurika y’iburasirazuba n’ibya Afurika muri rusange gufungura imipaka ibicuruzwa n’abantu bikagenda nta nkomyi ati: “Kuko nibwo tuzaba dufite isoko rinini ku bicuruzwa byacu twese”.

   Museveni yatsinze amatora n’amajwi 71% muri Mutarama(1) uyu mwaka, uwamukurikiye Bobi Wine yagize amajwi 24% ubu ari mu buhungiro muri Amerika.

   Abamunenga bavuga ko yakomeje guhiga no kugirira nabi abatavuga rumwe na we, barimo Robert Kyagulanyi uzwi nka Bobi Wine, Dr. Kizza Besigye umaze imyaka ibiri muri gereza ashinjwa ubugambanyi n’abandi b’amazina atazwi cyane bishwe mu bihe by’amatora aheruka.

   

   Ahavuye isanamu, Uganda State House

   

   Ahavuye isanamu, Uganda Media Centre

   

   Ahavuye isanamu, Live Event

   Izindi nkuru wasoma:

   Yigeze kunenga ba perezida ba Afurika bagundira ubutegetsi, none arashaka manda ya karindwi

   Uganda: Bobi Wine yavuye mu gihugu inyuma y'amezi abiri yinyegeje

5. Haciye amasaha 7Abashikiranganji ba Buraya bemeranije ibihano ku bimukira ba Israel baba muri Cisjordanie

   

   Ahavuye isanamu, Reuters

   Aabashikiranganji 27 b’Umuryango w’Ubumwe bw’Uburaya (EU) bemeranyijwe gufatira ibihano bishasha abimukira b’Abisirayeli bafashe ubutaka muri Cisjordanie cyangwa West Bank ya Palestine, kubera ukwiyongera kw’ubukazi n’ibitero bikorerwa Abanyapalestina muri ako karere kigaruriwe.

   Dushingiye ku bitigiri vy’Ishirahamwe Mpuzamakungu ONU, kuva intambara yo muri Gaza itanguye mu kwezi kwa Gitugutu(10) 2023, ibitero bikorwa n’abimukira b’Abisirayeli vyariyongereye cane.

   Ayo mazu y’Abisirayeli afatwa nk’ayatemewe n’amategeko mpuzamakungu yubatswe mu turere Israel yigaruriye muri Cisjordanie no mu Buseruko bwa Yeruzalemu; uturere Abanyapalestina bavuga ko dukwiye kuzoba igice c’igihugu cabo muri kazoza.

   Umukuru w'ishirahamwe ry'ubumwe bwa Buraya mu bijanye n'imigenderanire n'ayandi makungu, Kaya Kallas, yavuze ku musi wa mbere ati: "Igihe kirageze ngo tuve mu mvugo tujane mu ngiro... Ubugesera n'ubugizi bwa nabi bitegerezwa kugira inkurikizi."

   Ihinduka ry'ubutegetsi muri Hongrie ryahagaritse amezi y'uguteba gushirwa mu ngiro ry'ibihano bishasha vy'ishirahamwe ry'ubumwe bwa Buraya; Ibihano vyahagaritswe n'uwahoze ari umushikiranganji wa mbere w'ico gihugu, Viktor Orban, incuti somambike ya Israel.

   Umushikiranganji w'imigenderanire w'Ubufaransa Jean-Noël Barrot yanditse ku mbuga hwaniro ko Umuryango w'Ubumwe bwa Buraya "uno musi wafatiye ibihano amashirahamwe akomeye ya Israel yagirizwa gushigikira ibibanza vy'intagondwa n'ubwicanyi muri Cisjordanie."

   Ku rundi ruhande, umushikiranganji w'imigenderanire wa Israel, Gideon Saar, yavuze ko iyo ngingo ari "ya politike kandi idakurikije amategeko", avuga ko Israel izobandanya kugwanira uburenganzira bw'Abayahudi bwo kuba mu mutima w'igihugu cabo c'amavuko".

6. Haciye amasaha 9‘Twagutsinze ku rugamba, ntiwibwire ko uzadutsinda muri dipolomasi’, Umujyanama wa leta ya Iran asubiza Trump

   

   Ahavuye isanamu, Reuters

   Ali Akbar Velayati, wahoze ari Minisitiri w’Ububanyi n’Amahanga wa Iran akaba ari umujyanama w’ubutetegetsi bwa Repubulika ya Kisilamu ya Iran mu bya politiki y’amahanga, yavuze asubiza amagambo aheruka gutangazwa na Perezida w' Amerika Donald Trump ati: “Twabatsindiye ku rugamba; ntimuzigere mutekereza ko muzatsinda muri dipolomasi.”

   Velayati yavuze ku magambo aheruka ya Trump, bamwe basobanuye nk’aho yashakaga gutera ubwoba Iran ayikangisha igitero cya nikereyeri.

   Yagize ati: “Trump arimo gutera Iran ubwoba akoresheje intwaro za nikereyeri, mu gihe bigaragara ko yemeye ibinyoma bya Pentagon byo guhisha imibare nyakuri y’abasirikare ba Amerika benshi bapfuye.”

   Yakomeje agira ati: “Bwana Trump, ntuzigere utekereza ko uzinjira i Beijing nk’uwatsinze kubera gukoresha nabi ituze dufite muri iki gihe.”

   Mu byo Trump aheruka gutangaza kuri iyi ntambara yavuze ko agahenge kari hagati yabo na Iran kari "ku byuma bifasha gutanga ubuzima" mu gusobanura ko ako gahenge katagifatika.

   Izindi nkuru wasoma:

   Kubera iki kandi ni gute Amerika yugaye ikivuko ca Irani mu muhora wa Hormuz?

   Abariko barungukira za miriyaridi mu ntambara ya Iran

7. Haciye amasaha 9Kampala canke Nairobi? Ingene abakuru b’ibihugu vya Afrika bahisemwo hagati y’irahira rya Museveni n’Inama ya Ruto na Macron

   

   Ahavuye isanamu, State House Uganda

   Kuri uyu musi wa kabiri, Afrika y’Ubuseruko yahindutse ikibanza gikuru c’imigenderanire ya dipolomasi ya Afrika, aho abakuru b’ibihugu n’intumwa zo ku rwego rwo hejuru bahisemwo hagati agati y’ibirori bibiri bikomeye:

   • Irahira rya Perezida Yoweri Museveni ryabereye i Kampala
   • N'inama ya Africa Forward Summit yatunganijwe na Perezida William Ruto wa Kenya na Emmanuel Macron w'Ubufaransa i Nairobi

   Inama ihuza abakuru b'ibihugu iraba uyu musi i Nairobi ari nayo isozera Africa Forward Summit ya Nairobi, yahuriranye kandi n'uko Yoweri Museveni arimwo kurahira gutwara ikiringo c’indwi.

   Ku bigagaraga, abategetsi bamwe bamwe nka Perezida w'Uburundi n'uwa Tanzania bari batangajwe mu bazitabira inama y'i Nairobi babonetse uyu musi i Kampala.

   Perezida wa Mozambique yaserutse mu bisagara vyompi abanje i Nairobi, naho Perezida Tshisekedi wari wabanje i Kampala uyu musi yakomereje i Nairobi.

   Abakuru b'ibihugu bitavye ibirori vy'i Kampala barimwo;

   • Perezida Évariste Ndayishimiye w’Uburundi,
   • Perezida Samia Suluhu Hassan wa Tanzania
   • Perezida Salva Kiir wa Sudani y’Epfo washitse ku wa mbere
   • Perezida Félix Tshisekedi wa RDC nawe nyene washitse ku wa mbere
   • Perezida Hassan Sheikh Mohamud wa Somalia
   • Perezida Faure Gnassingbé wa Togo
   • Na Prezida Daniel Chapo wa Mozambique washitse uyu musi avuye i Nairobi

   I Kampala ibindi bihugu vyinshi vyarungitse intumwa zavyo.

   

   Ahavuye isanamu, State House Uganda

   Hagati aho i Nairobi i Nairobi, Inama ya Africa Forward yakoranije abakuru b’ibihugu n’intumwa zitandukanye baganira ku bucuruzi, imigenderanire n’ubufatanye hagati ya Afrika n’Uburayi.

   Abakuru b'ibihugu babonetse i Nairobi barimwo;

   • Perezida Paul Kagame w'Urwanda
   • Perezida Bassirou Diomaye Faye wa Senegal
   • Perezida Boko Duma wa Botswana
   • Perezida Mamady Doumbouya wa Guinée
   • Perezida Fattah Al-Sisi wa Misiri
   • Perezida Hakainde Hichilema wa Zambia
   • Perezida Brice Oligui Nguema wa Gabon
   • Perezida Julius Maada Bio wa Sierra Leone
   • Perezida Joseph Nyuma Boakai wa Liberia
   • Perezida Mahamat Idriss Deby Itno wa Tchad
   • Perezida Daniel Chapo wa Mozambique
   • Prezida wa Komisiyo y'Umuryango w'Ubumwe bwa Afurika Mahmoud Ali Youssouf
   • Umunyamabanga mukuru wa ONU, Antonio Guterres

   

   Ahavuye isanamu, Stage House Uganda

   

   Ahavuye isanamu, William Ruto/X

   

   Ahavuye isanamu, William Ruto/X

   

   Ahavuye isanamu, Presidence RDC

   

   Ahavuye isanamu, Uganda Media Centre

8. 12 Ukwa gatanu 2026Trump yavuze ko agahengwe hagati ya Amerika na Iran kari ku 'cuma gitanga impwemu cane'

   

   Ahavuye isanamu, Reuters

   Umukuru w’igihugu ca Leta Zunze Ubumwe za Amerika, Donald Trump, yavuze ko amasezerano yo guhagarika intambara amaze ukwezi hagati ya Amerika na Irani ari ku “cuma gitanga impwemu cane” (ashobora guhera).

   Ku wa mbere, yabwiye abamenyeshamakuru bari mu cumba citwa Oval Office co mu biro vyiwe vya White House ko naho ako gahengwe kagikurikizwa “karagoyagoya cane”.

   Inyuma y’ayo majambo ya Trump, umukuru w’inama nshingamateka ya Iran Mohammad Ghalibaf yanditse ku rubuga hwaniro rwa X ko igisirikare ca Iran “citeguye kwishura no gutanga icigwa ku busotoranyi ubwo ari bwo bwose”.

   Ku wa mungu, Iran yashikirije Amerika ivyo isaba kugira intambara ihagarare no kugira hugururwe kandi umuhora wa Hormuz, biciye mu ciyumviro cayo co kwishura cashikirijwe Amerika. Trump yaciye yanka ivyasabwe, avuga ko ari “ikintu kidashoboka kwemerwa na gato” kandi ko ari “ubucafu gusa.”

   Inyuma y’ayo majambo ya Trump, Esmail Baghaei, umuvugizi w’ubushikiranganji bw’imigenderanire ya Iran n’ayandi makungu, yavuze ko ivyashikirijwe na Tehran "bishize mu gaciro" kandi ko birimo "gutanga cane".

   Inyuma y’aho yavuze ko igisirikare ca Iran citeguriye kwishura, Ghalibaf yongeye kwandika kuri X ko “nta yindi nzira iriho atari ukwemera uburenganzira bw’abanyagihugu ba Iran nk’uko bwashizwe mu ciyumviro c’ingingo 14”.

   Yagize ati: “Uko bazorushiriza guteba kuvyemera, ni ko abazotanga amakori muri Amerika bazorushiriza kubihomberamwo.”

   Itororokanirizo ry'amakuru Tasnim ryegukira reta ya Iran vy'igice ryatangaje ko ivyashikirijwe na Tehran birimwo guhagarika ubwo nyene intambara ku mpande zose – gukomoza ku bitero vya Israel bikibandanya ku murwi wa Hezbollah ushigikiwe na Iran wo muri Libani – guhagarika kuzibira kwo mu mazi gukorwa na Amerika ku bivuko vya Iran, hamwe n’ivyemezo vy’uko ata bindi bitero bizosubira kugabwa kuri Iran.

   Izindi nkuru wosoma:

   "Project Freedom" ya Trump mu muhora wa Hormuz ni iki?

   Sobanukirwa icyo kuva muri OPEC kwa UAE bisobanuye ku giciro cy'ibitoro ku isi

   Uburusiya burimo gufasha gute Iran mu ntambara na Leta Zunze Ubumwe za Amerika?

9. 12 Ukwa gatanu 2026Lamine Yamal yazamuye ibendera rya Palestine mu kwishimira igikombe cya Barca

   

   Ahavuye isanamu, Instagram/Reuters

   Icyamamare mu mupira w’amaguru Lamine Yamal ukinira ikipe ya FC Barcelona yagaragaye azamura kandi azunguza ibendera rya Palestine ubwo ikipe ye yatambagiraga mu modoka mu mihanda y'i Barcelona bishimira igikombe cya shampiyona baherutse gutwara.

   Yamal w’imyaka 18 we na Barca ku cyumweru batsinze Real Madrid 2 – 0 mu mukino watumye bishimangira igikombe cyabo cya shampiyona cya 29 batwaye, bwa kabiri bikurikiranya.

   Kuzamura no kugaragaza ibendera rya Palestine bifatwa nk’ikimenyetso cyo kwifatanya n’iki gihugu mu makimbirane kimazemo imyaka myinshi na Israel.

   Mu bihugu 193 bigize ONU 157 byemera Palestine nk’igihugu cy’ubusugire kandi cyigenga.

   Vuba aha mu 2024 na 2025 ibindi bihugu byinshi birimo Norvege, Ireland, Slovenia, Ubufaransa, Ubwongereza ndetse na Espagne – igihugu cya Lamine Yamal - byemeje Palestine nk’igihugu cyigenga.

   Amerika, Israel, Ubudage, Ubutaliyani cyangwa Ubuyapani ni bimwe mu bihugu bitemera Palenstine nka leta yigenga.

   

   Ahavuye isanamu, Reuters

   Kuva Israel yatangira intambara muri Gaza mu Ukwakira(10) 2023 nyuma y’uko igabweho igitero n’abarwanyi ba Hamas, umujyi wa Barcelona wabaye hamwe mu hantu haboneka benshi bashyigikira Palestine muri Espagne.

   Lamine Yamal Nasraoui Ebana yavukiye mu mujyi wa Barcelona, ku myaka itandandatu yari yinjiye mu ishuri ry'umupira w'amaguru rya Barca izwi nka La Masia.

   Lamine avuka kuri nyina Sheila Ebana waturutse muri Equatorial Guinea na se Mounir Nasraoui uturuka muri Maroc.

   Izindi nkuru wasoma:

   Bisigura iki kwemera Palestina nk'igihugu?

   Kubera iki ibihugu bimwe bitemera Palestine nk’igihugu?

   'Mama yaraboroze irya nyuma': Umuhungu w'Umunya-Palestine w'imyaka 12, avuga ingene abasoda ba Israel biciye umuryango wiwe mu modoka

10. 12 Ukwa gatanu 2026Israel yemeje itegeko ryemera igihano cy'urupfu n'imanza zo mu ruhame ku bafitanye isano n'ibitero byo ku wa 7 Ukwakira (10)

    

    Israel yemeje itegeko rishya ryemerera gutanga igihano cy’urupfu no kuburanisha mu ruhame abantu bacyekwaho kugira uruhare mu bitero bitari byarigeze bibaho mbere byayobowe na Hamas ndetse no gushimuta abantu benshi muri Israel, mu Kwakira (10) mu 2023.

    Iryo tegeko ryatowe n’amajwi 93 ku busa mu nteko ishingamategeko ya Israel, yitwa Knesset, kandi ku buryo budasanzwe ryavuye ku gitekerezo cy’abanyapolitiki bo ku ruhande rwa leta ndetse n’abatavuga rumwe na yo.

    Abadepite 27 basigaye ntibitabiriye itora cyangwa bifashe ntibatora.

    Yulia Malinovsky, umwe mu bashyigikiye uwo mushinga w’itegeko, yabwiye abanyamakuru mbere y’itora ati: “Reka buri wese arebe uburyo abahohotewe hamwe n’imiryango yabo barebana mu maso n’ abo bicanyi, abasambanya ku ngufu n’abashimusi.”

    Yakomeje agira ati: “Reka buri wese arebe uburyo Leta ya Israel ari leta yigenga ishoboye kuryoza abayigiriye nabi.”

    Yongeyeho ati: “Tugeze ku murongo wa nyuma, ariko mu by'ukuri ni na wo murongo wo gutangiriraho: intangiriro y’imanza zandika amateka, isi yose izareba.”

    Imiryango iharanira uburenganzira bwa muntu yo muri Israel yamaganye iri tegeko rishya, ivuga ko itemera ihame ry’igihano cy’urupfu kandi inaburira ku “manza za nyirarureshwa [zo kwerekana]” zishingiye ku kwemera ibyaha kuvugwa ko kwagezweho babanje gukorerwa iyicarubozo.

    Tariki ya 7 Ukwakira (ukwa 10) mu 2023 yabaye umunsi wishweho abantu benshi cyane mu mateka ya Israel. Abarwanyi b'umutwe wa Hamas bishe abantu barenga 1,200 mu majyepfo ya Israel, benshi muri bo bari abasivili. Abandi bantu 251 barashimuswe bajyanwa gufungirwa muri Gaza, harimo abagabo, abagore, abana ndetse n’abanyamahanga.

    Ibyo byatumye hatangira intambara yiciwemo abantu benshi cyane kurusha izindi zose muri Gaza, aho kugeza ubu abantu 72,740 bamaze kwicwa, benshi muri bo bakaba ari abana, abagore n’abageze mu zabukuru (abasaza n'abakecuru), nkuko byatangajwe na minisiteri y’ubuzima iyobowe na Hamas.

    Izindi nkuru wasoma:

    Abanya-Israel bibutse isabukuru y'igitero cya tariki ya 7 z'ukwa 10 mu gihe ibiganiro by'amahoro muri Gaza bikomeje

    Gaza-Israel: Irekurwa ry'abanya-Israel bane ryabaye akaryo ka Hamas ko kwerekana ko igihagaze neza

    Isesengura: Isubukurwa ry'ibitero by'aba-Houthi rizaba ikibazo kuri Israel

11. 12 Ukwa gatanu 2026Ubushinwa bukwiye kureka kubika ibiribwa n'ifumbire byinshi – Uwahoze ayobora Banki y'Isi

    

    Ahavuye isanamu, Getty Images

    Uwahoze ari Perezida wa Banki y’Isi yabwiye BBC ko Ubushinwa bukwiye guhagarika kubika ibiribwa n’ifumbire byinshi kugira ngo bifashe kugabanya ikibazo cy’ubucye bwabyo ku isi cyatewe n’intambara yo muri Iran.

    David Malpass, wanabaye Umunyamabanga wungirije ushinzwe ububanyi n’amahanga muri minisiteri y’imari muri Amerika ku butegetsi bwa Perezida Donald Trump hagati ya 2017 na 2019, yabivugiye mu kiganiro World Business Report cya BBC mbere y’inama Perezida Trump azagirana na mugenzi we w’Ubushinwa Xi Jinping, mu ruzinduko azagirira i Beijing muri iki cyumweru.

    Malpass yagize ati: “Bafite ububiko bw’ibiribwa n’ifumbire bwa mbere bunini cyane ku isi."

    "Bashobora guhagarika gukomeza kongera ibyo babitse."

    Ibi yabivuze mu gihe ibihugu byo hirya no hino ku isi biri guhatanira kubona ifumbire ihagije mbere y’igihembwe cyo gutera imyaka bitanguranwa n'uko impeshyi igera, mu gihe gufungwa kw’umuhora wa Hormuz byahagaritse cyane ibikorwa by’urujya n’uruza rw’ibicuruzwa.

    Ubushinwa ubwabwo bwahagaritse kohereza ifumbire mu mahanga kuva muri Werurwe (ukwezi kwa gatatu), buvuga ko bugamije kurinda ibicyenewe imbere mu gihugu.

    Malpass, wayoboye Banki y’Isi kuva mu 2019 kugeza mu 2023, yavuze kandi ko kuba Beijing ikivuga ko ari igihugu kiri mu nzira y’amajyambere bitagifite ishingiro.

    Yagize ati: “Biyerekana nk’igihugu kiri mu nzira y’amajyambere kandi ari bo bafite ubukungu bwa kabiri bunini ku isi, ndetse mu buryo bwinshi bakaba bakize.”

    Yakomeje agira ati: “Nyamara baracyakomeza kwitwaza ko ari igihugu kiri mu nzira y’amajyambere muri WTO [umuryango mpuzamahanga w'ubucuruzi] no muri Banki y’Isi, kandi bashobora kubireka.”

    Mu itangazo ambasade y'Ubushinwa i Washington DC yoherereje BBC kuri 'email', umuvugizi w'iyo ambasade Liu Pengyu yavuze ko Ubushinwa bwiyemeje gutuma hakomeza kubaho umutekano ku masoko mpuzamahanga y'ibiribwa n'ifumbire.

    Yongeyeho ati: "Impamvu-muzi z'aya mahungabana mu bucuruzi mpuzamahanga bw'ibiribwa n'ifumbire ziragaragara neza; ibi ntibishobora kwegekwa ku Bushinwa."

    Ku byavuzwe na Malpass ku kuba Ubushinwa buvuga ko ari igihugu kiri mu nzira y'amajyambere, Liu yavuze ko "Ubushinwa bwemewe ku isi hose nk'igihugu cya mbere kinini cyane kiri mu nzira y'amajyambere - inyito ishingiye ku bimenyetso byinshi".

    Yongeyeho ati: "Gushyigikira urwego rwabwo nk'igihugu kiri mu nzira y'amajyambere ni uburenganzira bwemewe bw'Ubushinwa."

    Izindi nkuru wasoma:

    Ibicuruzwa Ubushinwa bwohereza hanze byarazamutse mu mezi abiri ashize nubwo Trump yongereye imisoro

    Trump yashimye umubonano'mwiza' yagiranye na Xi w'Ubushinwa, ariko nta masezerano y'ubudandaji yashizweko umukono.

12. 12 Ukwa gatanu 2026Ibifi binini vyo mu mazi bishobora kugirirwa nabi n'ubwato bwahinduye inzira buhunze Ubuseruko bwo Hagati, ni ko abahinga baburira

    

    Ahavuye isanamu, Ullstein Bild via Getty Images

    Abahinga muri siyanse (science) bariko baraburira ko hari ukwiyongera kw’ivyago vy’uko ubwato bushobora kugongana n’ibifi binini vyo mu mazi ku nkengera z’ubumanuko bushira uburengero bwa Afrika y’Epfo, bivuye ku guhinduka kw’inzira z’ubudandaji bwo mu mazi kubera intambara ziri mu Buseruko bwo Hagati.

    Bavuga ko guhera mu mwaka wa 2023, aho abarwanyi b’Aba-Houthi banyururije ubwato bw’Abongereza hafi ya Yemen, ubwato bwinshi bwaciye butangura kuzunguruka Afrika y’Epfo, ivyo bikaba vyarongereye cane ivyago vy’uko ubwo bwato bushobora kugonga ivyo bifi muri ako karere.

    Intambara iriko irabandanya hagati ya Amerika-Israel na Irani yatumye ibintu birushiriza kwunyuka.

    Ivyo vyatumye ubwato bwinshi butwara ibidandazwa hagati ya Aziya n’Uburaya butangura kuzunguruka Afrika kugira ngo bwirinde guca mu Burasirazuba bwo Hagati.

    Hagati y’ukwezi kwa gatatu n’ukwa kane uyu mwaka, ubwato bw’ubudandaji bugera kuri 89 bwaciye mu muhora witwa “Cape of Good Hope” (Cap de Bonne-Espérance), muri Afrika y'Epfo, hafi gukuba kabiri ubwato 44 bwari bwahaciye muri ico gihe nyene mu 2023, nk’uko itororokanirizo ry'amakuru AFP ribivuga ryisunze icegeranyo c'urubuga PortWatch rw’Ikigega Mpuzamakungu c’ubutunzi (FMI).

    Umushakashatsi mukuru mu gisata ciga ibifi binini vyo mu mazi wo kuri Kaminuza ya Pretoria, Professeur Els Vermeulen, hamwe n’umugwi w'abakoranye na we, baheruka gushikiriza ivyavuye mu bushakashatsi bwabo Umurwi Mpuzamakungu ujejwe ibikorwa vy’ibifi binini vyo mu mazi (International Whaling Commission).

    Izindi nkuru wosoma:

    Kubona "intanga ngabo zihishe": Ikoranabuhanga rishya ritanga icyizere ku bagabo babwirwaga ko batabyara

    Ubushakashatsi: Ibintu 10 abagore bakora neza kurenza abagabo

13. 12 Ukwa gatanu 2026Leta ya UK yacitsemo ibice mu gihe Minisitiri Mahmood yasabye Minisitiri w'intebe Starmer kuvuga igihe azegurira

    

    Ahavuye isanamu, PA Media

    Leta y’Ubwongereza yitezwe guterana muri iki gitondo, mu gihe hari ugucikamo ibice mu bagize leta bo ku rwego rwo hejuru ku bijyanye n’ejo hazaza ha Minisitiri w’intebe.

    Minisitiri w’ubutegetsi bw’igihugu Shabana Mahmood ni umwe mu baminisitiri benshi basabye Minisitiri w’intebe Sir Keir Starmer gutanga ingengabihe y’igihe azegurira.

    Byumvikana ko Minisitiri Mahmood ari mu gice kigizwe na bacye bo muri leta ku ngingo ijyanye no kuba Sir Keir yaba akwiye gutanga ingengabihe yo kwegura kwe.

    Abajyanama batandatu b’abaminisitiri – icyo ni cyo cyiciro cyo hasi muri leta – basimbujwe n’ibiro bya minisitiri w’intebe, byitwa No 10, nyuma yuko beguye cyangwa bagasaba ko Sir Keir atanga ingengabihe y’igihe hazagiraho uwo kumusimbura.

    Ndetse umubare w’abadepite b’ishyaka Labour riri ku butegetsi basaba ko Sir Keir yegura cyangwa agatanga iyo ngengabihe yo kwegura kwe wageze ku badepite 72.

    Mu bajyanama b’abaminisitiri beguye ku wa mbere harimo nka Joe Morris, umunyamabanga wihariye w’inteko ishingamategeko, hamwe na Minisitiri w’ubuzima Wes Streeting, ushobora kuziyamamariza umwanya wa minisitiri w’intebe.

    Morris yavuze ko Minisitiri w’intebe “nta gifite icyizere cy’abaturage”.

    Mu ijambo yavuze mbere yaho ku wa mbere, Minisitiri w’intebe yashimangiye ko abamushidikanyaho azagaragaza ko bibeshye ndetse ko atazegura.

    Yemeye ko leta yakoze amakosa ariko yavuze ko “amahitamo manini [akomeye] ya politike yayakoze neza”.

    Igitutu gikomeje kwiyongera kuri Sir Keir nyuma yuko ishyaka Labour ritakaje abajyanama hafi 1,500 mu matora yo mu nzego z’ibanze yabaye mu Bwongereza mu cyumweru gishize.

    Ayo matora yagaragayemo ukwiyongera cyane kw'abashyigikiye ishyaka Reform UK, hamwe n’ishyaka ryo kurengera ibidukikije, Green Party, ndetse no gukoramo (kwadukira) mu basanzwe bashyigikiye Labour bo mu murwa mukuru London no mu tundi turere tw’imijyi.

    Izindi nkuru wasoma:

    Inkuru itangaje y'ano mahasa yakurikiranye mu kuvuka, ariko bafise ba se batandukanye

    Rwanda vs UK: Urukiko nkemurampaka i Hague rwatangiye kumva urubanza Kigali yishyuzamo Londres hafi miliyari 200Frw

    Nashinje umupolisi kumfata ku ngufu birangira nkurikiranywe mu rukiko

14. 12 Ukwa gatanu 2026Mwaramutse neza!

    Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.