Mark Doyle wabaye umunyamakuru wa BBC, wataye amakuru mu Rwanda muri jenoside, yapfuye ku myaka 67

Inyandiko gusa
Mu maso ha Mark Doyle arimo kureba muri 'camera'
    • Umwanditsi, Henri Astier
  • Yatangajwe
  • Igihe co gusoma: iminota 2

Umunyamakuru w'Umwongereza Mark Doyle, wamenyekanye cyane ku gutara amakuru y'intambara muri Afurika mu myaka ya 1990 no mu myaka ya 2000, yapfuye afite imyaka 67 nyuma y'uburwayi bw'igihe gito.

Nyuma yo kumara igihe aba muri Afurika, yatangiye gukorera BBC mu mwaka wa 1986. Mu mwaka wa 1993, Doyle yabaye umunyamakuru wa BBC muri Afurika y'uburasirazuba, ndetse amenyekana cyane mu gutara amakuru kuri jenoside yabaye mu Rwanda mu mwaka wakurikiyeho.

Nk'umunyamakuru wa BBC muri Afurika y'uburengerazuba kuva mu mwaka wa 1997 kugeza mu 2002, yatangaje amakuru ku ntambara yo muri Sierra Leone ndetse no ku byakurikiye intambara yo muri Liberia.

Nyuma y'urupfu rwa Doyle, umwanditsi mukuru wa BBC ku makuru yo mu mahanga Paul Danahar yavuze ko Doyle yari "umunyabigwi w'icyamamare" ndetse akaba "umunyamakuru w'umuhanga, ushize amanga, [kandi] ugira impuhwe".

Umunyamakuru wa BBC Andrew Harding, wakoranye na Doyle, yahaye icyubahiro uwo bahoze bakorana, mu nkuru yamwanditseho mu mwaka wa 2015 ubwo yasezeraga gukorera BBC.

Muri iyo nkuru, undi munyamakuru wahoze akorera BBC muri Afurika ndetse wataye amakuru kuri jenoside yabaye mu Rwanda, yibuka icyo gihe bari bari kumwe mu Rwanda.

Avuga kuri Doyle, Keane yagize ati: "Yamazeyo igihe kirekire kurusha buri wese muri twe."

"Abari bari aho hantu hateye ubwoba muri icyo gihe giteye ubwoba bazi ibyo Mark Doyle yatanze ku bw'ukuri no ku bwa BBC."

Skip Ibisomwa cane and continue reading
Ibisomwa cane

End of Ibisomwa cane

Muri iyo nkuru kandi, Sir David Richards, wayoboye ingabo z'Ubwongereza zari zirimo kugorwa no guhagarika intambara yo muri Sierra Leone mu mwaka wa 2000, na we yashimagije Doyle.

Sir David yavuze ko amakuru Doyle yatangaje yemeje leta y'Ubwongereza ko hacyenewe gutabarana ingufu. Yagize ati: "Ku bw'ibyo Abanya-Sierra Leone babarirwa mu bihumbi baratabawe mu gihe iyo bitaba ibyo bajyaga kuba mu byago byinshi cyane."

Mu mwaka wa 2004, Doyle yatsindiye igihembo cya mbere cy'ishyirahamwe ry'abanyamakuru batara amakuru kuri ONU (UN Correspondents Association/UN Foundation Awards) kubera amakuru yatangaje ku gihe cyakurikiye intambara yo muri Liberia.

Yaje kuba umunyamakuru wa BBC utara amakuru ku bibazo binyuranye ku isi, nyuma aza kujya mu kiruhuko cy'izabukuru mu mwaka wa 2015.