2026: Menya amafaranga afite agaciro ko hasi kurenza ayandi ku isi

Idolari rya Amerika ni ryo faranga rigurishwa cyane ku isi, nubwo atari ryo faranga rikomeye ku isi (agaciro gakomeye ubu gafite i Dinari rya Kuwait).

Nk'uko ikinyamakuru Forbes kibitangaza, bamwe bakenera ibihumbi byinshi by'amafaranga yabo kugira ngo bagure idorari rimwe ($1) gusa.

Ibi ni ibihugu bifite ifaranga ry'agaciro kari hasi cyane kwishi

1. Ipawundi rya Liban (LBP)

Ipawundi rya Liban niryo ifaranga ry'agaciro ko hasi urigereranyije n'idolari rya Amerika. Iryo pawundi rimwe rya Liban rigura $0.000011. Mu yandi magambo, ibi bivuze ko $1 rigura ibihumbi 89,556 LBP.

Liban ikora ku nyanja ya Mediterane kimwe na Israel na Syria mu Burasirazuba bwo Hagati. Iki gihugu gifite ubukungu bushingiye kuri serivisi kandi gitumiza mu mahanga amabuye y'agaciro, imiti, ibiribwa n'ibinyobwa.

Nk'uko Forbes ibivuga, ipawundi rya Liban rimaze imyaka myinshi riri munsi y'igitutu ku idorari rya Amerika bitewe n'igabanuka ry'ubukungu, izamuka ry'ibiciro n'ubushomeri, ikibazo cy'amabanki n'imvururu za politiki.

2. Rial rya Iran (IRR)

Dukurikije umushinga uhindura amafaranga wakozwe na Forbes, Rial rimwe rya Iran rifite agaciro ka $0.000024, bivuze ko $1 rigura 42,112 ya Rial.

Rial ryo muri Iran ryatangiye gukoreshwa bwa mbere mu mpera z'imyaka ya 1700.

Ifaranga ryagumye kuri icyo gipimo cy'ivunjisha ugereranyije n'idolari mu gihe cy'imyaka myinshi.

Iran ni igihugu gishora mu mahanga ibitoro na gaze, ariko ibihano by'ubukungu bimaze imyaka myinshi byashyize igitutu gikomeye ku ifaranga ry'icyo gihugu.

3. Dong - Vietinam (VND)

Nk'uko Forbes ibivuga, Dong ifaranga ryo muri Vietnam riri ku mwanya wa gatatu kuri uru rutonde, aho idong rimwe rigura $0.000038. Bivuze ko $1 rishobora kugura amaDong yo muri Vietnam 26.345.

Vietnam ihana imbibi n'inyanja y'Amajyepfo y'Ubushinwa, hamwe n'Ubushinwa mu majyaruguru, na Laos mu burengerazuba ndetse na Cambodia mu majyepfo.

Serivisi zigira uruhare runini mu musaruro mbumbe w'iki gihugu, mu buryo bufatika zikaba ari igipimo cy'umusaruro w'ubukungu bw'igihugu, hagakurikiraho inganda nk'amashanyarazi, ingufu n'imyenda.

Ifaranga Dong ryaguye bikabije kubera amategeko agenga ibyoherezwa mu mahanga n'igabanuka ry'ibyoherezwa mu mahanga vuba aha, ndetse n'igihe kirekire cy'izamuka ry'imisoro ya Leta Zunze Ubumwe za Amerika.

4. Kip rya Laos (LAK)

Ifaranga Kip rya Laos ryatangiye gukoreshwa mu myaka ya 1950, rikaba ari ryo faranga rya kane ridafite imbaraga nyinshi, aho idorari rimwe ($1) rivunjwa ama-Kip 21,977.

Laos ni igihugu kidakora ku nyanja gihana imbibi na Vietnam, Thailand, Cambodia n'Ubushinwa. Gishingiye cyane ku byoherezwa mu mahanga nk'umuringa, zahabu n'ibiti.

Iki gihugu cyahuye n'ibibazo by'ubukungu, imyenda yo hanze izamuka n'izamuka ry'ibiciro ku giciro gikabije, byakomeje gushyira igitutu ku gaciro k'ifaranga rya Laos.

5. Rupiah - Indonesia (IDR)

Ifaranga ry'igihugu cya Indonesia ryatangiye gukoreshwa mu 1946. Rupiah rimwe ubu rifite agaciro ka $0.000059, Idorari rimwe rishobora kugura amarupiya ya Indonesia 16,849

Indonesia igizwe n'ibirwa birenga 17,000 biba mu Nyanja ya Pacific, birimo Java, Sumatra, n'ibice bya Borneo na Nouvelle-Guinée.

Ku bijyanye n'umusaruro rusange w'igihugu (GDP), iki gihugu ni cyo kinini cyane muri Aziya y'Amajyepfo y'Uburasirazuba, ahanini bitewe n'urwego rwacyo rwa serivisi.

Indonesia nayo ikungahaye ku bicuruzwa, ariko ifaranga ryayo ryagabanutse agaciro ugereranyije n'andi bitewe n'izamuka ry'ibiciro ndetse n'ubwoba bw'ihungabana ry'ubukungu.

6. Som- Uzbekistan (UZS)

Ifaranga Som ryatangiye gukoreshwa mu 1993 kandi idorari rimwe rya Uzbekistan ubu rivunjwa amaSom 11,937

Uzbekistan ni igihugu giherereye muri Aziya yo Hagati, icyahoze ari Repubulika y'Abasoviyeti.

Ni kimwe mu bihugu bya mbere bicuruza ipamba ku isi kandi gifite ububiko bunini bw'amabuye y'agaciro, peteroli na gaze.

Nk'uko Forbes ibivuga, ni igihugu cyashyizeho amavugurura mu bukungu, ariko gikomeje guhangana n'izamuka ry'ubukungu riri hasi, izamuka ry'ibiciro rikabije, ubushomeri na ruswa.

7. Ifaranga rya Guinée (GNF)

Ifaranga rya Guinée ryatangiye gukoreshwa mu 1959, ubu rifite agaciro ka $0.000115. Ibyo bituma $1 ifite agaciro ka $8.658.25 muri Guinée.

Gineya yahoze ari koloni y'Abafaransa muri Afurika yo munsi y'ubutayu bwa Sahara.

Ikungahaye ku mutungo kamere wa Bauxite, zahabu na diyama, ariko yahuye n'ikibazo cy'izamuka ry'ibiciro ry'ibiciro, imvururu za politike n'impunzi nyinshi ziva mu bihugu bituranye na Liberia na Sierra Leone.

Ifaranga ry'u Burundi ubu rifite agaciro ka 0.00033 imbere y'idorari, bivuze ko idolari rimwe ry'Amerika ubu rigura hafi 3,000 by'amafranga y'u Burundi.

Iki gihugu gituwe n'abaturage barenga miliyoni 14 ikawa n'icyayi byinjiza 90% by'ibyoherezwa mu mahanga.

U Burundi bumaze imyaka myinshi mu ngorane z'ubukungu zikomoka ku mvururu za politike zihera mu mpera z'imyaka ya 1990.

Ibintu byarushijeho kumera nabi kuva aho imiryango mpuzamahanga ihagaritse inkunga yageneraga u Burundi mu gihe bufite ingorane zo kubasha kohereza umutungo kamere ku isoko mpuzamahanga.

8. Guarani ya Paraguay (PYG)

Iri faranga ryatangiye gukoreshwa mu 1952. Guarani ryo muri Paraguay ubu rigurishwa ku madolari 0.00015 bivuze ko $1 rifite agaciro ka 6.619

Paraguay ihana imbibi na Brazil, Arijantine na Boliviya. Iki gihugu ni cyo gihugu gitanga umusaruro mwinshi wa soya, inyama z'inka n'ibigori.

Ifaranga ryagiye riterwa igitutu n'izamuka ry'ibiciro, ko kwiganwa kwiryo faranga byatumye rita agaciro .

9. Ariary - Madagascar(MGA)

Nk'uko Forbes ibivuga, Ariary yatangije gukoreshwa mu 1961. Iryo faranga rimwe ubu rifite agaciro ka $0.00021, bigatuma idolari rimwe rigura 4,155.

Madagascar ni ikirwa kiri mu nyanja y'Ubuhinde, ubukungu bwacyo bushingiye k'ubuhinzi, ubucukuzi bw'amabuye y'agaciro, uburobyi n'amashyamba ni byo by'ingenzi mu bukungu bw'igihugu.

Ibicuruzwa byoherezwa mu mahanga birimo vanila, amabuye y'agaciro ya nikeli.

10. Ishilingi rya Uganda

Ishilingi rya Uganda riri mu mafaranga adafite agaciro imbere y'idorari aho idorari rimwe ubu rivunjwa amashilingi 3,760 ya Uganda.

Uganda ni igihugu cy'ubukungu bukomeye imbere mu gihugu ariko cyakomeje kugorwa no kubasha kohereza ibicuruzwa byinshi ku isoko mpuzamahanga mu musaruro wacyo.

Ubukungu bwa Uganda bushingiye ku buhinzi, inganda hamwe na serivisi ishingiye ku isoko rinini ry'imbere mu gihugu.