Ni amafaranga angahe ahabwa uwatsinze igikombe cy'isi?

Inyandiko gusa
Lamini Yamal

Ahavuye isanamu, Getty Images

Yatangajwe
Igihe co gusoma: iminota 2

Amafaranga muri rusange y'ibihembo yari ahari yo gutanga mu gikombe cy'isi cya 2026 ni miliyoni $871.

Mbere na mbere, Fifa yatangaje ko amafaranga yose izakoreshwa azaba miliyoni 727 z'amadolari, aya mafaranga akaba yariyongeyeho 50% ku mafaranga yatanzwe mu irushanwa ry'ubushize ryabereye muri Qatar mu 2022.

Ariko muri Mata(3) bemeje ko ibihembo by'iki gikombe byongerwaho andi mafaranga, binyuze mu kongera igihembo cy'ubwitabire bw'ibanze n'amafaranga yo kwitegura, ibi bituma ayo mafaranga yiyongera.

None se ibihembo bigenwa gute?

Ibihembo bishingiye ku musaruro

Uko amakipe akora neza cyangwa se agenda atsinda ni nako agenda arushaho guhembwa neza mu buryo bw'amafaranga.

Fifa yagennye ibihembo buri kipe uko yagiye arangiza kuri buri mwanya ku buryo bukurikira:

  • Ku mwanya wa mbere: miliyoni $51
  • Umwanya wa kabiri: miliyoni $34
  • Umwanya wa 3: miliyoni $30
  • Umwanya wa 4: miliyoni $28
  • Umwanya wa 5-8: miliyoni $20
  • Umwanya wa 9-16: miliyoni $16
  • Umwanya wa 17-32: miliyoni $12
  • Umwanya wa 33-48: miliyoni $10

Ibi bihembo muri rusange byageze kuri miliyoni 703 z'amadolari muri miliyoni 871 z'amadolari zagenwe, naho miliyoni 168 z'amadolari zigatangwa mu makipe hatitawe ku mikinire yayo.

Lionel Messi

Ahavuye isanamu, Getty Images

Insiguro y'isanamu, Lionel Messi ubwo yafashaga igihugu cye kwegukana igikombe giheruka cyabereye muri Qatar

Ibihembo bidashingiye ku musaruro

Amafaranga asigaye akwirakwizwa ku buryo bungana mu makipe yose yitabiriye muri ubu buryo:

Skip Ibisomwa cane and continue reading
Ibisomwa cane

End of Ibisomwa cane

Amafaranga yo kwitegura: miliyoni $2.5 z'amadolari kuri buri gihugu

Inkunga y'inyongera ku ikipe: arenga miliyoni $16 z'amadolari

Ibi bivuze ko buri kipe byibuze ibona miliyoni $12.5 yo kwitabira irushanwa iyo ahujwe na miliyoni $10 buri kipe ihabwa nyuma yo kubona itike.

Amafaranga yo kwitegura afasha amakipe mu myiteguro ya mbere y'irushanwa, ndetse n'ingendo.

FIFA ivuga ko "andi mafaranga agenerwa amakipe" ari inkunga ihabwa amakipe kugira ngo ayifashe kwishyura amafaranga y'abaherekeza ikipe bose ndetse no kongera umubare w'amatike agenerwa buri gihugu. Iyi nkunga igamije kugabanya ikinyuranyo mu bushobozi bw'amikoro hagati y'ibihugu, mu kwishyura ibijyanye no kwitabira igikombe cy'isi, birimo ingendo, ibikoresho ndetse n'ibindi bikorwa bikenerwa.