Cymru'n colli o dros 100 o bwyntiau yng Nghwpan Rygbi'r Gynghrair y Byd
Fe lwyddodd Awstralia i sgorio 21 cais yn erbyn Cymru
- Cyhoeddwyd
Mae tîm rygbi'r gynghrair Cymru wedi gosod record newydd am y golled drymaf mewn gêm ryngwladol yn hanes gêm y merched.
Fe sgoriodd Awstralia 21 cais ar eu ffordd i sicrhau buddugoliaeth o 124-6 yn erbyn Cymru yn Sydney fore Sul.
Dyma'r gwahaniaeth sgôr mwyaf (118) erioed mewn gêm ryngwladol i ferched, ond tîm dynion Ffrainc sy'n dal i fod â'r record yn hanes y gamp ar ôl trechu Serbia o 120-0 yn 2003.
Er y golled drom, roedd 'na ddathliadau mawr pan sgoriodd Paige Travis gais i Gymru - y chwaraewr cyntaf i wneud hynny yng Nghwpan y Byd 2026.
Mae Awstralia, neu'r Jilaroos, wedi ennill y gystadleuaeth deirgwaith yn olynol, tra bod Cymru yn cymryd rhan am y tro cyntaf eleni.
Mae Cymru bellach allan o'r gystadleuaeth ar ôl colli tair gem allan o dair.
Dilynwch Cymru Fyw ar Facebook, dolen allanol, X, dolen allanol, Instagram, dolen allanol neu TikTok, dolen allanol.
Anfonwch unrhyw syniadau am straeon i cymrufyw@bbc.co.uk, dolen allanol neu cysylltwch drwy WhatsApp ar 07709850033.
Lawrlwythwch yr ap am y diweddaraf o Gymru ar eich dyfais symudol.
