Lluniau: Dydd Mawrth yn Eisteddfod Genedlaethol Y Garreg Las 2026

Mae blas gwerinol i ddydd Mawrth ar Faes yr Eisteddfod - gan gynnwys Brwydr y Bandiau Gwerin, Hergest yn perfformio'n gyhoeddus am y tro cyntaf ers dros 20 mlynedd a Pedair yn cloi Llwyfan y Maes.

Roedd hi hefyd yn ddiwrnod gwobrau coffa TH Parry-Williams a Daniel Owen. Dyma rai o luniau'r dydd o'r Maes.

Storm Troopers

Na, nid gwisg newydd i aelodau'r orsedd ond Storm Troopers yn cyhoeddi bod y ffilm ffantasi eiconig o 1977 Star Wars: A New Hope yn mynd i gael ei dybio'n Gymraeg a'i darlledu ar S4C

Hergest

'Doedden nhw'n ddyddiau da...' - y band Hergest, sydd wedi dod yn ôl at ei gilydd ar gyfer yr Eisteddfod i berfformio am y tro cyntaf ers dros 20 mlynedd

Mantach yn perfformio yn y Ty Gwerin

Y Tŷ Gwerin dan ei sang ar gyfer cystadleuaeth Brwydr y Bandiau. Roedd pedwar grŵp yn cystadlu, gan gynnwys y band buddugol yma - Mantach

Lo-fi Jones

Lo-fi Jones yn ei morio hi ym mhabell Maes D

Dawnswyr gwerin

Eich tro chi... Dawnswyr Talog yn rhoi gwersi dawnsio gwerin i'r gynulleidfa

Canu o gwmpas y piano

Does dim rhaid cael gwahoddiad i ganu ar rai o brif lwyfannau'r Eisteddfod eleni. Mae'r Tebot Hud yn ofod newydd - rhywle i gyd-ganu o gwmpas y piano a'r tân, efo paned o de wrth gwrs

Ani a Heti

Ond bisged, nid panad, oedd Ani, o Aberaeron, eisiau wrth ymweld â'r Maes efo'i chwaer Heti

Cara gyda colur

Cara, o Fethel, yn barod fel Medusa ar gyfer y gystadleuaeth dawnsio disgo gyda Chlwb Dawnsio Lowri

Rhys Michael efo'i diwba

Rhys Michael, sy'n chwarae i fand Tredegar ar y Maes er mwyn bod yn rhan o'r ffanfer yn seremoni Medal Goffa TH Parry-Williams

Islwyn EvansEisteddfod Genedlaethol

Enillydd Medal Goffa TH Parry-Williams eleni oedd Islwyn Evans, sydd wedi arwain corau yng Nghymru ers dros 40 mlynedd. Daeth 130 o gyn-ddisgyblion i'w weld yn cael ei anrhydeddu yn Y Pafiliwn brynhawn Mawrth

Gruff a Stephanie

Fe gafodd Gruff a'i fam Stephanie o Gaerdydd, fargen yng ngwlad y Cardis er mwyn cadw'n sych yn ystod y cawodydd. "Nes i brynu'r cotiau yn Aberteifi am £3 - i lawr o £5," meddai Stephanie

Mam a'i dau o blant ar sedd

Ond roedd digon o gyfnodau o heulwen drwy'r dydd, a chyfle i Naomi, Gronw a Modlen o ardal Pwllheli ymlacio

Telyn, Guto a Gwen

Telyn yn cael reid gyda'i chefnder a'i chyfnither Guto a Gwen - a digon teg, a hwythau wedi dod drosodd yr holl ffordd o'u cartref yn Copenhagen i'w gweld hi ac ymweld â'r Eisteddfod

Jona Milone

Ar ôl pum mlynedd o Panad o Gê, mae'r stondin i'r gymuned LHDTC+ yn gallu cynnig llawer mwy yn eu gofod newydd. "Mae pobl o bob oed ac o bob cefndir yn dod i fwynhau'r gofod newydd - ni mor bles gyda'r ffordd mae wedi datblygu," meddai Jona Milone

Dilynwch Cymru Fyw ar Facebook, X, Instagram neu TikTok.

Anfonwch unrhyw syniadau am straeon i cymrufyw@bbc.co.uk neu cysylltwch drwy WhatsApp ar 07709850033.

Lawrlwythwch yr ap am y diweddaraf o Gymru ar eich dyfais symudol.

Hefyd o ddiddordeb: