KALLATTIIN, Raashiyaan battala MM duraanii UK fi aanga'oonni olaanoo Awurooppaa biroo achii ba'an buufata baaburaa Yukireen haleelte

Haguuggii Tamsaasa Kallattii

1. Sa'aatii 2 duraSa'udiin lammileen ishee daangaa Yamanirraan jiran akkeekkachiifte

   Ejjensiin Ittisa Sivilii Sa'ud Arabiyaa ibsa Dilbata baaseen karaa gama daangaa Yamanirraan bakka lamatti haleellaan jiraachuu akka malu lammileen akeekkachiise.

   Akeekkachifni kun kan kenname miidiyaan Huutii kaaba Yaman bakka Sa'ud daangessu keessatti haleellaan Sa'udiirratti raawwatamuu gabaasuu hordofeeti.

   Torban darberraa kaasee walitti bu'iins Huutii kan Iraaniin deeggaramuufi mootummaa Yaman kan Sa'ud Arabiyaatiin deeggaramu hammachaa dhufeera.

   Adoolessa 20 tarkaanfii Sa'udiif deebii kennuuf jecha Huutiin toora humna galaanaa cufuu hordofee walitti bu'iinsi hidhattoota Huutii fi humnoota mootummaa Yamanii gidduu jiru haalaan hammaataa dhufeera.

   Torban darbe Huutiin qarqara Galaana Diimaa gama lixaan jiruufi Ulaa Baab El-Mandab guutummmaatti to'achuun humnoota mootummaa achi keessaa baaseera.

   Odeeffannoo biroo dhimma kanarratti:

   Saffisni Huutiin lafa to'achaa jirtuun waraana Iraan waliin deemaa jirutti balaa haaraa hamaa uumuu mala

   Sa'udiin haleellaa diroonii irratti raawwatameen ujummoo ittiin boba'aa dabarsitu murteessaa cufte

   Hidhattoonni Huutii Yaman keessaa eenyu?

2. Sa'aatii 3 duraHuutiin Baab El-Mandab to'achuu hordofee gatiin boba'aa $3'n dabale

   Gabaasni hidhattoonni Huutii Baab EL-mandab to'achuufi daangaa Sa'ud Arabiyaa keessatti haleellaa gaggeessan jedhu dhaga'amuu hordofee gatiin boba'aa gabaa idil-addunyaarratti dolaara sadii oliin dabale.

   Jikiti boba'aa Bireent gatiin barmeela tokkoo Wixata ganama $108.20 gatii ta'een kan gurgurame yoo ta'u, kun ammoo gatii duraan turerratti $3.60 dabaluu agarsiisa.

   Dabaluun gatii kun kan dhufe akkuma torban darbee walitti bu'insi haaraan Iran fi Ameerikaa gidduutti mul'atee miti. Haleellaa Huutiin bu'uura misoomaa boba'aa Sa'ud Arabiyaa irratti raawwateen Riyaad oppereeshinii boba'aa karaa toora "East-West" dabarsiitu dhaabuushee hordofeeti.

3. Sa'aatii 3 duraRaashiyaan battala MM duraanii UK fi aanga'oonni olaanoo Awurooppaa biroo achii ba'an buufata baaburaa Yukireen haleelte

   Dirooniin Raashiyaa battaluma Ministirri Muummee duraanii UK Booris Joonsan fi aanga'oonni Awurooppaa biroo achi keessaa ba'anitti buufata baaburaa Yukireen haleele.

   Haleellaa diroonii buufata baaburaa Yukireen Yaahodiin jedhamu keessatti raawwatameen motorri baaburaa rukkutamus lubbuun darbuun gabaafame kan hin jirre yoo ta'u, imaltoonni hunduu achi keessaa baafamuu aanga'oonni Yukireen himaniiru.

   Joonsan fi gorsitoonni nageenyaa olaanoo Awurooppaa konferensii Kiiv keessatti gaggeeffamaa ture irratti hirmaachaa turaniin yeroo deebiyanitti baabura biraatiin toora haleellaa kun itti raawwatame keessa darban.

   Raashiyaan "bu'uuraaleen baaburaa" lixa Yukireen keessa jiru haleeluu himtus, kampaniin baaburaa mootummaa Yukireen garuu "qiyyaafannaan diroonii kanaa baabura dippilomaatonni keessa turan ta'uu danda'a" jedhan.

   Baabura karaa buufata Yaahoodiin darbaa ture biroo keessa kan ture hoganaan duraanii CIA Daavid Patiraahus, taateen kun "rifaasisaadha" jedhe.

   Gaaffiisi deebii New York Times waliin taasiseen Daavid Patiraahus, "kun gochu gaggeessaan bulguu ta'e lammilee nagaa Yukireen shororkeessuuf raawwatudha," jedhe.

4. Sa'aatii 3 duraASHAMAA!

   Akkam jirtu? Toora kallattiin oduu isin biraan ittiin geenyu jalqabneerra.

   Raashiyaan battala MM duraanii UK fi aanga'oonni olaanoo Awurooppaa biroo achii ba'an buufata baaburaa Yukireen haleeluu,

   'Itoophiyaan Iraanirraa barachuu barbaaddi' - MM Abiy Pirez. Iraaniin maal jedhan? kanneen jedhaniifi odeessaalee kaan karaa Marsariitii (Website), YouTube, Facebook, WhatsApp fi TikTok keenyaas ni argattu.

   DHIYAADHAA!