ఆసియా పారా స్పోర్ట్స్ 2026: భారత్ ఖాతాలో 9 స్వర్ణాలు
ఫొటో సోర్స్, TheKhelIndia
జపాన్‌లోని ఐచి-నగోయాలో జరుగుతున్న 2026 ఆసియా పారా క్రీడల్లో, రెండో రోజు ముగిసే సమయానికి భారత్ మొత్తం 35 పతకాలను సాధించింది.
వీటిలో 9 స్వర్ణ, 11 రజత, 15 కాంస్య పతకాలు ఉన్నాయి.
పురుషుల డిస్కస్ త్రో (ఎఫ్43/ ఎఫ్44/ ఎఫ్62/ ఎఫ్64 విభాగాల్లో) భారత్ క్లీన్ స్వీప్ చేసింది; దేవేంద్ర కుమార్ స్వర్ణం, రాకేష్ రజతం, ప్రదీప్ కుమార్ కాంస్య పతకాలను గెలుచుకున్నారు.
పారా అథ్లెటిక్స్‌లో సిమ్రాన్ శర్మ మహిళల 200 మీటర్ల టీ12 విభాగంలో 24.80 సెకన్ల రికార్డు సమయంతో స్వర్ణ పతకాన్ని కైవసం చేసుకున్నారు.
వీరితో పాటు ప్రీతి పాల్, మనీష్ నర్వాల్, పారా పవర్‌లిఫ్టర్ అశోక్ కుమార్ మాలిక్ రజత పతకాలను గెలుచుకున్నారు.
హోకాటో హోటోజె, ప్రవీణ్ శర్మ, ఆయుష్ వర్మ, నిరంజన్ ముకుందన్ కాంస్య పతకాలు సాధించారు. భారత క్రీడాకారులు పారా టేబుల్ టెన్నిస్, షూటింగ్‌లో కూడా పతకాలను గెలుచుకున్నారు.
పతకాల పట్టికలో భారత్ ఆరో స్థానంలో కొనసాగుతుండగా, చైనా 149 పతకాలతో మొదటి స్థానంలో ఉంది.
