Familia 10 tajiri zaidi Duniani

Familia 10 tajiri zaidi ulimwenguni kwa pamoja zinadhibiti mamia ya mabilioni ya dola kupitia minyororo ya rejareja ya kimataifa, utajiri wa mamlaka, na himaya za anasa.

Kulingana na mtandao wa Investopedia, mvuto wa familia tajiri huonyesha utamaduni unaoabudu mali na kuwaabudu matajiri.

Wale walio katika ngazi ya juu ya biashara ni watu mashuhuri machoni pa watu wengi, na wanachunguzwa kwa uwezo wao (au kushindwa) kudumisha hali hii ya wasomi.

Hii hapa ni orodha ya familia 10 tajiri zaidi, kulingana na makadirio ya hivi majuzi ya Bloomberg na Investopedia.

10. Familia ya Wertheimer

Utajiri wao unakadiriwa kuwa: $88 bilioni

Nyumba ya mitindo ya hali ya juu nchini Ufaransa ya Chanel ni maarufu kwa "nguo za kiwango cha juu, manukato ya Chanel No.5, na mbunifu mashuhuri marehemu Karl Lagerfeld, aliyeaga dunia Februari 19, 2019.

Ndugu Alain na Gerhard Wertheimer sasa wanamiliki kampuni ambayo babu yao alishirikiana na mwanzilishi Gabrielle Coco Chanel. Ndugu hao wote wako katika nafasi ya 49 kwenye orodha ya mabilionea ya Forbes, wakiwa na utajiri wa dola bilioni 39.4 kila mmoja kufikia Mei 26, 2026

9. Familia ya Ambani

Utajiri wao unakadiriwa kuwa: $89.2 bilioni

Muungano wa viwanda wa India Reliance Industries, ni kampuni ya Asia ambayo inaweza kuwa isiyojulikana sana kwa wasomaji wa wastani.

Hata hivyo, Mkurugenzi Mtendaji Mukesh Ambani, ambaye marehemu babake alianzisha kampuni hiyo mwaka wa 1957, anashika nafasi ya 21 kwenye orodha ya mabilionea ya Forbes akiwa na utajiri wa dola bilioni 99.7 kufikia Mei 26, 2026, akisimamia usafishaji wa kampuni, kemikali za petroli, mafuta, gesi na nguo; kaka yake, Anil, anasimamia mawasiliano ya simu, usimamizi wa mali, burudani, na uzalishaji wa nishati

8. Familia ya Bettencourt Meyers

Utajiri wao unakadiriwa kuwa: $92.1 bilioni

Familia ya Bettencourt Meyers ilijitengenezea utajiri wake kupitia L'Oréal, kampuni ya vipodozi ya Ufaransa iliyoanzishwa na Eugène Schueller mwaka wa 1909.

Françoise Bettencourt Meyers, mjukuu wa mwanzilishi na mwanamke tajiri zaidi duniani, husaidia kusimamia bahati ya familia kupitia nafasi yake katika bodi ya L'Oréal kama mwenyekiti wa kampuni ya T'Oréal's Investiment.

Katika miaka ya hivi majuzi, L'Oréal imepanua himaya yake ya urembo duniani kupitia ununuzi, ikiwa ni pamoja na Aesop, Color Wow, na House of Creed.

Bettencourt Meyers anayejulikana kwa maisha yake ya kibinafsi, pia ni mpiga kinanda na mwandishi. Mwaka 2025, mwanawe Jean-Victor Meyers alimrithi kama makamu mwenyekiti wa bodi ya L'Oréal, akiendeleza uongozi wa familia wa vizazi vingi ndani ya kampuni.

7. Familia ya Mars

Utajiri wao unakadiriwa kuwa: $148.2 bilioni

Mars ni Walmart - biashara ya familia ya vizazi vingi ambayo inapatikana kila mahali na maarufu sana. Leo, kampuni inajulikana zaidi kwa kutengeneza M&Ms kuliko upau wake wa Mars.

Mwaka 2017, Mars ambayo ni kampuni kubwa zaidi ya pipi ulimwenguni ilitofautiana na ununuzi wa VCA, kampuni ya utunzaji wa wanyama, kwa $ 9.1 bilioni.

Ndugu Jacqueline na John Mars, ambaye babu yake, Frank Mars, alianzisha kampuni hiyo, kila mmoja ana utajiri wa dola bilioni 49.1 na wako katika nambari 38 kwenye orodha ya mabilionea ya Forbes, mtawalia, hadi Mei 26, 2026.

Kampuni hiyo sasa inaendeshwa na baadhi ya watoto wao, kizazi cha nne cha wanafamilia wa Mars.

6. Familia ya Koch

Utajiri wao unakadiriwa kuwa: $149.5 bilioni

Utajiri wa Familia ya Charles Koch unatokana na uwekezaji wa kampuni ya mafuta ilioanzishwa babake, lakini leo, labda anajulikana zaidi kwa umma kwa ujumla kwa kuwekeza zaidi, ili kuweka muhuri wake juu - kufadhili wagombea na wasomi, kufadhili uprofesa wa chuo kikuu, na kushawishi kwa nafasi za sera, yote yakilenga kuendeleza ajenda ya kihafidhina.

Charles alishirikiana na kaka yake David hadi alipofariki dunia mwaka wa 2019. Charles anakadiriwa kuwa na thamani ya dola bilioni 73.8 na ameorodheshwa nambari 25 kwenye orodha ya mabilionea ya Forbes.

Mjane wa David, Julia Koch, na familia wako katika nafasi ya 24 wakiwa na utajiri wa dola bilioni 81.2 kufikia Mei 26, 2026.

5. Familia ya Hermès

Utajiri wao unakadiriwa kuwa: $184.5 bilioni

Jumba la mitindo la Ufaransa Hermès limeushangaza ulimwengu kwa mitandio, tai na manukato, pamoja na mikoba yake maarufu ya Kelly na Birkin.

Awali katika karne ya 19, Thierry Hermès alitengeneza mavazi ya viwango vya aristocracy.

Leo, kampuni hiyo inamvisha nyota wa mpira wa vikapu kama vile LeBron James. Kwa kuchanganya teknolojia mpya na ile ya zamani , Hermès Apple Watches inauzwa kwa $1,249 na zaidi.

Axel Dumas kwa sasa anahudumu kama mwenyekiti mtendaji wa kampuni, na Pierre-Alexis Dumas ni makamu wa rais mtendaji wa kisanii.

4. Familia ya Al Thani

Utajiri wao unakadiriwa: $199.5 bilioni

Familia ya Al Thani imetawala Qatar tangu katikati ya karne ya 19. Utawala wa familia hiyo umedumu kupitia kuanzishwa kwa Qatar ya kisasa, vita, na majaribio mawili ya mapinduzi.

Sheikh Hamad bin Khalifa Al Thani aliigeuza Qatar kuwa taifa kubwa duniani katika kipindi cha miaka 18 ya uongozi wake. (Alipata mamlaka kamili ya Qatar kwa kumuondoa babake katika mapinduzi yasiyo na umwagaji damu mwaka wa 1995.

Hii ilihusisha kufungia mali zote za babake ili kuzuia mapinduzi yoyote ya kijeshi.)

Uzalishaji wa gesi asilia nchini humo uliongezeka kwa kasi kutokana na uchimbaji wa maeneo ya gesi ya baharini na ugunduzi wa maeneo ya mafuta ambayo hayajatumika.

Mbali na mapato yake yaliyotokana na mafuta na gesi, Sheikh Hamad aliwekeza mabilioni ya dola katika biashara, zikiwemo Volkswagen, Total, Sainsbury's, na benki ya Barclays. Mwaka wa 2018, Sheikh Hamad alimnyang'anya kiti cha ufalme mtoto wake wa nne, Sheikh Tamin bin Hamad al Thani.

3. Familia ya Al Saud

Utajiri wao unakadiriwa kuwa: $213.6 bilioni

Familia ya kifalme ya Saudi, ina historia ya kifalme inayoanzia karibu karne moja. Utajiri mkubwa wa familia hiyo, unaokadiriwa kuwa dola bilioni 140, umeongezeka kutokana na miongo kadhaa ya malipo kutoka kwa Royal Diwan, ofisi kuu ya Mfalme.

Uhusiano na Saudi Aramco, mojawapo ya makampuni yenye faida kubwa zaidi duniani na mfanyabiashara wa sekta ya mafuta, huhakikisha kwamba familia ya kifalme ya Saudi inaendelea kukusanya mali.

Ni vigumu kutathmini kwa usahihi utajiri wa Nyumba ya Saud, kwa sehemu kwa sababu familia ina wanachama wengi zaidi ya 15,000, ambao wengi wao wameanzisha biashara, wamepokea kandarasi za serikali, na zaidi.

2. Familia ya Al Nahyan

Utajiri wao unakadiriwa kuwa: $335.9 bilioni

Familia ya Al Nahyan, ambayo pia inajulikana kama "Nyumba ya Nahyan," ni familia ya pili kwa utajiri duniani.

Kiongozi wa familia hiyo, Sheikh Mohammed bin Zayed Al Nahyan, ndiye mtawala wa Abu Dhabi na Rais wa Umoja wa Falme za Kiarabu (UAE).

Uchumi wa UAE (na fedha za watawala wake na familia za kifalme) umebadilishwa na hifadhi kubwa ya mafuta nchini. Abu Dhabi ni mojawapo ya mataifa tajiri zaidi, hasa kutokana na utajiri wake wa mafuta.

Sheikh Mohamed akawa mtawala wa Abu Dhabi na Rais wa UAE mwaka 2022. Kabla ya hapo, kaka yake, Sheikh Khalifa, alikuwa kiongozi wa nchi hiyo kuanzia mwaka 2004 hadi 2022.

Na kabla ya hapo, baba yake, Sheikh Zayed bin Sultan Al Nahyan, alikuwa rais wa nchi hiyo, tangu kuasisiwa kwake mwaka 1971 hadi 2004 alipomrithi.

Huwezi kumpata Sheikh Mohammed bin Zayed Al Nahyan kwenye orodha yoyote ya mabilionea, ingawa utajiri wake binafsi unawezekana kuwa mabilioni.

Utajiri wa familia hiyo kimsingi umekusanywa kupitia umiliki wa mabilioni ya mapipa ya akiba ya mafuta, pamoja na fedha za utajiri wa faida na mali ya serikali.

Kwa sababu hii, utajiri wake haufikii uwazi wa vigezo vya umiliki wa kibinafsi vinavyohitajika kwa viwango vya mabilionea.

1. Familia ya Walton

Utajiri wao unakadiriwa kuwa: $513.4 bilioni

Familia ya Walton kwa mara nyingine tena ndiyo familia tajiri zaidi duniani, baada ya kupita kwa muda mfupi na familia ya Al Nahyan mwaka wa 2023.

Kupitia Rob, Jim, na Alice Walton kila mmoja ana thamani ya zaidi ya dola bilioni 100 na wako nafasi ya 11, 12, na 14, mtawalia, kwenye orodha ya mabilionea ya Forbes ya Mei 26.

Walmart ni duka la rejareja. Iilianzishwa na Sam Walton huko Arkansas mnamo 1962, Walmart ndio kampuni kubwa zaidi ulimwenguni kwa mapato katika mwaka wa fedha wa 2025, ikiwa na mapato ya $ 681 bilioni na zaidi ya washirika milioni 2.1 ulimwenguni.

Walmart inamiliki maduka 10,800 ya rejareja kote duniani na maduka 5,215 nchini Marekani kufikia Mei 2026.

Ikiwa na maduka makubwa katika Amerika ya vijijini na mijini, Walmart ina sifa za kuwa na bidhaa za bei ya chini na kukosolewa kwa sheria zake za kazi.