Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Dagaalka ayaa waxaa ku dhintay tiro badan oo ah miliiishiyaadkii iska soo horjeeday

Tebin toos ah

33 Daqiiqadood ka horWar deg deg ah, Trump oo sheegay in wax kasta oo uu sameynayo ay yihiin kuwo wanaagsan
Madaxweynaha Mareykanka Donald Trump ayaa u sheegay BBC in “wax kasta oo uu sameynayo, ay u muuqdaan inay si fiican u shaqeynayaan,” markii la weydiiyay hanjabaadihiisa ku wajahan Iran.
Tifaftiraha Waqooyiga Ameerika ee BBC, Sarah Smith, ayaa la hadashay madaxweynaha iyadoo weydiisay haddii hadalkiisii hore ee bishan ee ahaa in “ilbaxnimo dhan ay dhiman doonto” uu ahaa hanjabaad ku saabsan adeegsiga hub nukliyeer ah oo ka dhan ah Iran.
“Dhinaca kale wuxuu si aad ah u doonayaa inuu heshiis sameeyo,” Waxaana uu yiri: “Markaa wax kasta oo aan sheegayo ama aan sameynayo, waxay u muuqadaa inay si fiican u shaqeynayaan. Aad baad u mahadsan tahay.”
Arrinta NATO, Trump wuxuu sheegay in Mareykanku “uusan gebi ahaanba u baahnayn” dagaalka uu la galay Iran, balse ay ahayd inay “halkaas joogaan.”
Markii Smith ay weydiisay sababta uu haddana u rabay inay dagaalka ku biiraan, Trump wuxuu ku jawaabay: “Sababtoo ah waxaan rabay inaan arko in ay ka qayb qaadanayaan iyo in kale.”
Wuxuu sheegay in Mareykanku “mar walba garab taagnaa” UK iyo NATO, isla markaana dhaliilay UK isagoo sheegay inay ku guuldareysatay inay sameyso “ugu yaraan dadaal yar iyo ugu yaraan erayo wanaagsan.”
45 Daqiiqadood ka horSir qarsaneed 49 milyan oo sano: god badalay fikirkii aan ka haysanay nolosha
Saacad ka horWar deg deg ah, Ciidamada Israa'iil oo digniin kale soo saaray xilli dhacdooyin kala duwan la soo wariyay
Iyadoo ay bilaabanayaan wadahadallada lagu kordhinayo xabbad-joojinta u dhexeeya Israa’iil iyo Lubnaan, ayaa xiisaddi weli waxey ka taagan tahay koonfurta Lubnaan.
Ciidanka Cirka ee Israa’iil ayaa ku sheegay qoraal ay soo dhigeen vartooda X in ay “baabi’iyeen” aag ay ku tuhmayaan in gantaallo laga rido oo uu leeyahay ururka Xisbullah, taas oo ku taal Sejoud, koonfurta Lubnaan, Arbacadii.
Afhayeenka Ciidamada Difaaca Israa’iil, Avichay Adraee, ayaa sidoo kale digniin ku baahiyay bartiisa X isagoo u jeediyay dadka deggan tuulooyinka ku yaalla xadka koonfureed ee Lubnaan, xilli ciidamada Israa’iil ay weli halkaas ka wadaan hawlgallo ay ku sheegayaan inay la xiriiraan “falalka argagixiso ee socda ee ururka Xisbullaah”.
Wakaaladda wararka qaranka Lubnaan ee dowladda ayaa sidoo kale maanta soo warisay duqayn ka dhacday Khiam iyo qarax ka dhacay Bint Jbeil, oo labaduba ku yaalla koonfurta Lubnaan.
IDF si rasmi ah ugama aysan hadlin sheegashooyinka ay soo tebisay wakaaladdu, BBC-na si madax-bannaan uma xaqiijin karto dhacdooyinkan.
2 Saacadood ka horWar deg deg ah, Trump oo sheegay in wareer uu ka taaganyahay cidda hoggaamisa Iiraan
Donald Trump ayaa ku andacooday qoraal cusub oo uu ku daabacay bartiisa Truth Social in Iiraan ay “si weyn ugu wareersan tahay cidda hogaaminaysa dalka.”
Wuxuu yiri: “Ma oga!” isagoo sheegay in dalkaas uu ka jiro “khilaaf waali ah oo u dhexeeya wax uu ku tilmaamay “adagayaal” iyo “dhexdhexaadiyaal.”
Sidoo kale, Trump wuxuu sheegay in Maraykanku uu “gabi ahaanba gacanta ku hayo” marinka Hormuz, isla markaana aysan jirin markab geli kara ama ka bixi kara iyada oo aan oggolaansho laga haysan Maraykanka.
Hadalkan wuxuu yimid daqiiqado kaddib markii uu sheegay inuu amar ku siiyay ciidamada badda ee Maraykanka inay rasaas ku furaan maraakiib Iiraan laga leeyahay oo miinooyin dhiga aaggaas.
2 Saacadood ka horSidee kaniinka aasbiriinku hoos ugu dhigi karaa khatarta kansarka caloosha?
2 Saacadood ka horWar deg deg ah, Degdeg: Trump oo bixiyay amar lagu tooganayo doomaha miinooyinka dhiga Hormuz
Donald Trump ayaa sheegay inuu amar ku siiyay Ciidanka Badda ee Maraykanka inay rasaas ku furaan doon kasta oo miinooyin dhigaysa marinka Hormuz.
“Waxaan amar ku siiyay Ciidanka Badda ee Maraykanka inay toogtaan oo dilaan doon kasta, xitaa haddii ay miinooyin dhigayaan biyaha marinka Hormuz,” ayuu ku yiri qoraal uu ku daabacay bartiisaTruth Social.
“Waa in aanay jirin wax laba-labeyn ah.”
Wuxuu intaas ku daray in maraakiibta Maraykanka ee miino-saarista) ay “hadda” nadiifinayaan marinka.
3 Saacadood ka horDowladda Tanzaniya oo markii ugu horreysay shaacisay tirada dad la laayay
Mas’uuliyiinta Tanzania ayaa, markii ugu horreysay, shaaca ka qaaday in boqolaal qof la dilay intii lagu jiray mudaharaadyo ka dhashay doorashadii madaxtinimo ee muranka dhalisay ee bishii Oktoobar ee la soo dhaafay. Guddi ay dawladdu magacowday ayaa sheegay in 518 qof ay dhinteen, balse ma uusan sheegin cidda ka dambeysay.
Xisbiga mucaaradka ugu weyn, Chadema, ayaa diiday warbixintaas, isagoo ku tilmaamay daboolid dambiyo ay dawladdu geysatay.
Waxa uu ku baaqay baaritaan madax-bannaan, kadib markii uu shaki geliyay kalsoonida natiijooyinka, isagoo sheegay in qaar ka mid ah xubnaha guddiga ay si dhow xiriir ula leeyihiin dowladda.
3 Saacadood ka horWar deg deg ah, Ciidamada Mareykanka oo hanjabay xilli ay qabteen markab Iiraan ka yimid
Hawlgalka Maraykanka ee Badweynta Hindiya ayaa imanaya maalmo kadib markii ciidamadiisu qabteen markab shidaal qaada oo ku sugnaa aagga Indo-Pacific ee ay maamulaan.
21-kii Abriil, Wasaaradda Difaaca ee Maraykanka ayaa daabacday qoraal baraha bulshada lagu baahiyay, iyadoo sheegtay in ciidamadeedu ay qabteen oo fuuleen markab “aan calan lahayn oo cunaqabatayn saaran tahay” oo lagu magacaabo M/T Tifani.
Qoraalkaas, wasaaraddu waxay ku tiri: “Waxaan sii wadi doonnaa dadaallada fulinta sharciga badda ee caalamiga ah si aan u carqaladeyno shabakadaha sharci-darrada ah, isla markaana aan u qabanno maraakiibta cunaqabataynsan ee taageero agab siinaya Iran, meel kasta oo ay ka hawlgalaan.”
4 Saacadood ka horWar deg deg ah, Degdeg: Mareykanka oo qabtay markan Saliid sida
Ciidamada Mareykanka ayaa qabtay markab ay saarantahay cunaqabateyn oo waday saliid laga keenay Iran, sida ay waaxda difaaca ee dalkaasi ku sheegtay barteeda X.
“Ciidamada Mareykanka waxay fuliyeen hawlgal badda ka dhacay oo lagu joojiyay laguna kormeeray markabka aan wadan calan ee M/T Majestic X, kaas oo waday saliid laga keenay Iran, kuna sugnaa Badweynta Hindiya,” ayaa lagu yiri bayaanka.
Waaxdu waxay sheegtay in milatariga Mareykanku sii wadi doono joojinta maraakiibta looga shakiyo inay “taageero agab ah siinayaan Iran.”
Ereyga “maritime interdiction” waxa uu tilmaamayaa qabashada ama kormeerka markab ay sameeyaan ciidamada badda, marka lagu tuhmo inuu khatar yahay ama uu jebinayo sharciga.
Mareykanku waxa uu qabtay tobanaan maraakiib ah tan iyo markii uu bilaabay xannibaadda marin-biyoodka Hormuz. Maraakiibtan laguma qabto meel u dhow Iran, balse waxaa lagu qabtaa meel ka fog, oo ku taalla Badweynta Hindiya.
5 Saacadood ka horWar deg deg ah, Degdeg: Milatariga Israa'iil oo farriin degdeg ah soo saaray
Ciidanka Israa’iil ayaa maanta soo saaray farriin degdeg ah oo ku socota dadka deggan koonfurta Lubnaan, iyagoo ugu baaqay inaysan u dhaqaaqin koonfurta tuulooyinka la cayimay iyo agagaarkooda inta lagu jiro muddada xabbad-joojinta, sida lagu sheegay bayaankooda.
Afhayeenka ciidanka Israa’iil, Avichai Adraee, ayaa ku xaqiijiyay bartiisa X in ciidanku weli ku sugan yihiin fariisimahooda koonfurta Lubnaan “iyagoo wajahaya waxa uu ku tilmaamay falal argagixiso” oo uu ku eedeeyay Xisbullah.
Bayaanku wuxuu uga digayaa dadka deggan inay u dhowaadaan Webiga Litani iyo deegaanka Wadi Saluki, isagoo xusay inaysan ku laaban ama u gudbin tiro tuulooyinka koonfurta ku yaall, oo ay ka mid yihiin Naqoura, Aita al-Shaab, Bint Jbeil, Mays al-Jabal, Kfar Kila, Khiam, iyo magaalooyin kale oo koonfurta ah.
Bayaanku wuxuu carrabka ku adkeeyay in tilmaamahani la bixiyay “iyadoo laga walaacsan yahay badbaadada dadka deggan iyo qoysaskooda,” isagoo ku baaqay in la raaco farrinta ay baahiyeen.
5 Saacadood ka horMaxaa keenay in Netanyahu uu diido la kulanka wasiirka dal Yurub ka tirsan
Ra'iisalwasaaraha Israa'iil Benjamin Netanyahu ayaa diiday kulan uu la yeelan lahaa wasiirka arrimaha dibadda Jermalka oo booqasho ku jooga Israa'iil.
Wasiirka arrimaha dibadda ayaa loo sheegay in uu baaqday kulankii uu ra'iisalwasaaraha la lahaa wax yar uun ka hor wakhtigii ay ballansanaayeen.
Arrintani waxay salka ku haysaa muran markaa ka dhashay qorshahiisii oo ay ka mid ahayd in uu la kulmo qolyaha xuquuqda aadanaha u dhaqdhaqaaqa oo garabka bidix u janjeera.
Sii akhri: Netanyahu oo diiday in uu la kulmo wasiirka arrimaha dibadda ee Jermalka
5 Saacadood ka horCuntooyinka kor u qaadi kara niyad wanaagaaga
5 Saacadood ka horWar deg deg ah, Madaxweynaha Turkiga oo welwel ka muujiyay colaadda Bariga Dhexe
Madaxweynaha Turkiga Recep Tayyip Erdogan oo teleefoonka kula hadlay dhigiisa dalka Jarmalka Frank-Walter Steinmeier, ayaa sheegay in dagaalka Iran uu “wiiqayo awoodda Yurub.”
Qoraal uu xafiiska Erdogan ku daabacay baraha bulshada ayaa lagu sheegay in labada madaxweyne ay telefoon ku wada hadleen Arbacadii, isla markaana ay ka wada hadleen xiriirka labada dal iyo dagaallada ka socda Iran iyo Ukraine.
Qoraalka ayaa u dhignaa: “Madaxweynaha Turkiga wuxuu xusay in dagaalka ka socda gobolkeenna uu sidoo kale daciifinayo Yurub, isla markaana haddii arrintan aan lagu wajihin hab ku saleysan nabad, khasaaraha ka dhasha muddada colaadda uu noqon doono mid aad u weyn.”
6 Saacadood ka horWar deg deg ah, Yaa qaatay lacagtii ugu horreysay ee laga qaaday maraakiibta Hormuz?
Guddoomiye ku-xigeenka baarlamaanka Iran, Hamidreza Haji Babaei, ayaa sheegay in dakhliga ugu horreeya ee laga helay ama laga qaaday maraakiibta isticmaasha marin-biyoodka Hormuz lagu shubay akoonka Bangiga Dhexe.
Sida lagu sheegay warbixin ay daabacday Tasnim News Agency, ma uusan bixin faahfaahin dheeraad ah oo ku saabsan sida lacagaha loo ururiyey ama cidda bixisay, BBC-duna si madax-bannaan uma xaqiijin karto sheegashadan.
Ka hor xabbad-joojinta hadda jirta, Tehran waxay sheegtay inay xaddiday marinka maraakiibta, iyadoo u oggolaanaysa waxa ay ugu yeertay “dalal saaxiib la ah,” waxaana jiray wada-hadallo ku saabsan in lacag laga qaado maraakiibta maraysa marin-biyoodkan.
Si kastaba ha ahaatee, muddadaas lama caddayn inta uu la ekaa qarashak alaga qaadi jiray maraakiibta.
Tusaale ahaan, dabayaaqadii bishii Maarso, safaaradda Iran ee Hindiya ayaa beenisay warar sheegaya in Tehran ay 2 milyan oo doollar ka qaadday maraakiibta si ay u maraan.
Xildhibaan ka tirsan baaralamaanka Iran, Alireza Salimi, ayaa u sheegay Tasnim News Agency: “Waxaan ka maqlay ilo lagu kalsoon yahay in Iran ay lacag ka ururisay maraakiibta maraysa marin-biyoodka Hormuz.”
“Qaddarka lacagta laga qaado marab kasta ayaa la aaminsanyahay in farqi u dhaxeeyo iyadoo ku xiran nooca iyo xamuulka iyo heerka khatarta ay wataan, Iran ayaana go’aamisa sida iyo inta laga qaadayo. Annaga ayaa dejinna xeerarka,” ayuu yiri.
Madaxweyne Donald Trump, ayaa hore ugu hanjabay maraakiibta bixisa lacagahaas si ay u isticmaalaan marin-biyoodka Hormuz.
6 Saacadood ka horShakiga ah in ganacsato xog ogaal ah ay isticmaaleen xogta madaxweynaha oo hareeyey madaxtinimada Trump
7 Saacadood ka horDiyaarado aan duuliye lahayn oo la soo riday
Ilo wareedyo amni oo Ciraaqiyiin ah ayaa maanta sheegay in Mareykanku soo riday laba diyaaradood oo aan duuliye lahayn oo ku sugan degmada Soran, oo waqooyiga ka xigta Erbil, oo ah caasimadda Gobolka Kurdistan ee Ciraaq.
Ilaha ayaa BBC-da u sheegay in labada diyaaradood ee aan duuliyaha lahayn ay isku dayayeen inay bartilmaameedsadaan goobo ay leeyihiin mucaaradka Iiraan oo ku yaal gobolka, oo qiyaastii 60 kiiloomitir waqooyi ka xiga magaalada Erbil.
Wuxuu tilmaamay in howlgalka soo ridida diyaaradda uu dhacay ka dib markii la arkay labada diyaaradood oo hawada ku jira isla markaana lala fal galay ka hor inta aysan gaarin bartilmaameedkooda, isagoo carabka ku adkeeyay in aan la soo werin wax khasaare ah oo nafeed ama burbur hantiyeedba.
Deegaannada xuduudda ah ee u dhexeeya Ciraaq iyo Iiraan, oo ku yaal waqooyiga Erbil, waxaa mararka qaarkood ka dhaca weeraro lagu bartilmaameedsanayo goobaha mucaaradka Iiraan, howlgalladaas oo sii xoogeystay tan iyo markii uu qarxay dagaalkii Mareykanka iyo Israa'iil ee Iiraan oo bilowday 28-kii Febraayo.
Sidoo kale akhri;
Waa maxay dalabaadka Iiraan ee xabbad joojinta?
Maxay tilmaamaysaa aamusnaanta aan caadiga ahayn ee Al Qaacida ka aamustay dagaalka Iiraan ay kula jirto Maraykanka iyo Israa'iil
Afar arrimood oo ku saabsan hubaal la'aanta wadahadallada Maraykanka iyo Iiraan
Muxuu siday Markabka Iiraan ee Maraykanku qabteen
Iiraan-Hormuz: Go'doominta weligeed ma shaqeysay?
8 Saacadood ka horYaa mas’uul ka ah Iiraan?
Qodobkan waxaan si kooban ugu eegeynaa qaab dhismeedka haatan ee Iiraan iyo awoodda dalka.
Hoggaamiyaha ugu sareeya ee Iiraan, Mojtaba Khamenei , ayaa la ogyahay inuu leeyahay go'aanka kama dambaysta ah ee dhammaan arrimaha muhiimka ah. Laakiin laguma arag meel fagaare ah ama muuqaallo ama sawirro dhawaanahan laga soo qaaday, tan iyo markii la magacaabay horraantii Maarso.
Sarkaal sare oo ka tirsan dowladda Iiraan ayaa sheegay in kooxda wadaxaajoodka ay ku shaqeeyaan "tilmaamaha uu bixiyo Khamenei". Si cad uma uusan xusin wadahadallada, inkastoo fariimaha dhawaan ka imanayay Iiraan ay dhaleeceeyeen Mareykanka.
Kooxda wadaxaajoodka marka la eego, afhayeenka baarlamaanka Mohammad Baaqir Ghalibaf iyo mas'uuliyiinta Wasaaradda Arrimaha Dibadda, sida Cabbas Araghchi , ayaa u muuqda inay si weyn u soo shaac baxeen toddobaadyadii la soo dhaafay.
Ghalibaf wuxuu xiriir qoto dheer la leeyahay Ciidanka Ilaalada Kacaanka Islaamiga ah ee Iiraan (IRGC).
Saamaynta IRGC waxay aad uga fog tahay doorka milatari ee caadiga ah, gaar ahaan xilligii dagaalka. Iyadoo IRGC ay lumisay dhowr sarkaal oo sare oo militari ah, haddana waxay weli u dhaqantaa sidii dowlad la mid ah tii uu hoggaaminayay Madaxweynaha Iiraan Masoud Pezeshkian .
Wuu soo saarayay hadallo, laakiin waxaa jirta su'aal ku saabsan awooddiisa.
Sidoo kale akhri;
Waa maxay dalabaadka Iiraan ee xabbad joojinta?
Maxay tilmaamaysaa aamusnaanta aan caadiga ahayn ee Al Qaacida ka aamustay dagaalka Iiraan ay kula jirto Maraykanka iyo Israa'iil
Afar arrimood oo ku saabsan hubaal la'aanta wadahadallada Maraykanka iyo Iiraan
Muxuu siday Markabka Iiraan ee Maraykanku qabteen
Iiraan-Hormuz: Go'doominta weligeed ma shaqeysay?
9 Saacadood ka horSababta Imaaraadku dhiigga ugu kiciyay Soomaaliya
Horaantii sanadkan, Soomaaliya waxay ku jirtay dadaallo diblomaasiyadeed oo xooggan si ay u kasbato taageerada caalamka kadib markii Israa'iil ay aqoonsatay Somaliland, oo ah gobol ka go'ay Soomaaliya, inuu yahay dal madax-bannaan.
Iyadoo loo marayo xidhiidho diblomaasiyadeed iyo wicitaanno heer sare ah, dowladda Soomaaliya waxay ku guulaysatay inay hesho taageerada dalal badan oo ku yaalla Afrika iyo Bariga Dhexe, kuwaas oo ay ku qancisay inay ka hor yimaadaan aqoonsigaas. Hase yeeshee, hal xidhiidh ayaa si weyn u xumaaday iskaashigii muddada dheer ee u dhexeeyay Soomaaliya iyo Imaaraadka Carabta (UAE).
Sanado badan, dowladda hodanka ku ah saliidda ee Khaliijka waxay ahayd saaxiib muhiim ah oo ku lug leh amniga, dhaqaalaha iyo siyaasadda Soomaaliya, maadaama dalku leeyahay xeeb dhererkeedu ka badan yahay 3,000km oo ku teedsan Gacanka Cadmeed iyo Badweynta Hindiya gobol badeed istaraatiiji ah oo ay saameeyeen burcad-badeednimo iyo hub tahriibin, kuwaas oo door ka qaatay xasillooni darrada Afrika iyo Bariga Dhexe labadaba.
UAE waxay dhistay xidhiidho kala heer ah oo ay la yeelatay dowladda federaalka Soomaaliya iyo maamul-goboleedyada, waxayna ku lug lahayd hawlaha dekedaha Boosaaso ee Puntland, Kismaayo ee Jubbaland, iyo Berberada Somaliland.
Laakiin Isniintii, dowladda federaalka Soomaaliya waxay ku dhawaaqday inay baabi'isay dhammaan heshiisyadii maamulka dekedaha iyo iskaashiga amniga ee ay la lahayd UAE, iyadoo ku eedaysay inay dhaawacayso madax-bannaanida dalka.
Sii akhri
9 Saacadood ka horMadaxweynaha Somaliland oo u ambabaxay Imaaraadka
Madaxweynaha Jamhuuriyadda gooni isutaageeda ku dhawaaqday ee Somaliland, Cabdiraxmaan Maxamed Cabdillaahi Cirro ayaa u safray dalka Isutagga Imaaraadka Carabta.
“Safarka saaka ee Madaxweynaha Qaranka Dr. Cabdiraxmaan Maxamed Cabdillaahi " Cirro" waxa uu noqon doonaa mid ka farxiya shacabka Somalikand, isla markaana dhabar Jab ku ah cadawga qarankan la aqoonsaday ee Somaliland”, ayaa lagu yiri qoraal la soo dhigay Telefishanka Qaranka Somaliland.
“Waxa aanu ku soo beegmayaa xilli quluubta shacabka Somaliland ay aad ugu faraxsanyihiin shucuurta waddaniyadda sarraysa ee dabaal-degga maalinta Qaranka ee 18 May, kaasi oo noqonaya xuskii koowaad ee ku soo beegma guusha ictiraafka madaxweynuhu keenay ka dib”, ayaa lagu yiri qoraalka telefishanka.
Dhanka kale, Israa'iil ayaa Arbacadii magacawday safiirkeedi ugu horreeyay ee Somaliland, sida ay sheegtay wakaaladda wararka ee Anadolu.
Michael Lotem ayaa loo magacaabay safiir ma-degane ah oo qaabilsan Somaliland, sida lagu sheegay qoraal ka soo baxay wasaaradda arrimaha dibadda Israa'iil.
Waa talaabadii ugu dambaysay ee iskaashiga labada dhinac u dhaxeya oo si xawli ah kor ugu kacayay tan iyo bishii December, markaas oo Israa'iil noqotay dalkii ugu horreeyay ee caalamka ee aqoonsada Somaliland, taas oo soo afjartay in ka badan 30 sano oo go'doon diblomaasiyadeed ah.
Laakinse dawladda Soomaaliya ayaa si adag uga hor timid arrintaas.
Sidoo kale akhri
Maxay Somaliland uga dhigan tahay in Imaaraadka iyo Midowga Afrika ay taageereen Mowqifka Soomaaliya?
Dalal hor leh oo ka hor yimid safiirka ay Israa'iil u soo magacowday Somaliland
Maxaan ka naqaan danjiraha ay Israa'iil u soo magacawday Somaliland? Maxayse ka yiraahdeen Soomaaliya iyo Somaliland
9 Saacadood ka horMaxay shirkadda ugu weyn adduunka ee konteenarrada u joojisay shixnadihii dekedda Berbera? Faahfaahin

Faransiiska oo wajahaya hubanti la'aan siyaasadeed kadib markii doorashadii baarlamaanka aaney cidna helin aqlabiyad

Tebin toos ah

33 Daqiiqadood ka horWar deg deg ah, Trump oo sheegay in wax kasta oo uu sameynayo ay yihiin kuwo wanaagsan

45 Daqiiqadood ka horSir qarsaneed 49 milyan oo sano: god badalay fikirkii aan ka haysanay nolosha

Saacad ka horWar deg deg ah, Ciidamada Israa'iil oo digniin kale soo saaray xilli dhacdooyin kala duwan la soo wariyay

2 Saacadood ka horWar deg deg ah, Trump oo sheegay in wareer uu ka taaganyahay cidda hoggaamisa Iiraan

2 Saacadood ka horSidee kaniinka aasbiriinku hoos ugu dhigi karaa khatarta kansarka caloosha?

2 Saacadood ka horWar deg deg ah, Degdeg: Trump oo bixiyay amar lagu tooganayo doomaha miinooyinka dhiga Hormuz

3 Saacadood ka horDowladda Tanzaniya oo markii ugu horreysay shaacisay tirada dad la laayay

3 Saacadood ka horWar deg deg ah, Ciidamada Mareykanka oo hanjabay xilli ay qabteen markab Iiraan ka yimid

4 Saacadood ka horWar deg deg ah, Degdeg: Mareykanka oo qabtay markan Saliid sida

5 Saacadood ka horWar deg deg ah, Degdeg: Milatariga Israa'iil oo farriin degdeg ah soo saaray

5 Saacadood ka horMaxaa keenay in Netanyahu uu diido la kulanka wasiirka dal Yurub ka tirsan

5 Saacadood ka horCuntooyinka kor u qaadi kara niyad wanaagaaga

5 Saacadood ka horWar deg deg ah, Madaxweynaha Turkiga oo welwel ka muujiyay colaadda Bariga Dhexe

6 Saacadood ka horWar deg deg ah, Yaa qaatay lacagtii ugu horreysay ee laga qaaday maraakiibta Hormuz?

6 Saacadood ka horShakiga ah in ganacsato xog ogaal ah ay isticmaaleen xogta madaxweynaha oo hareeyey madaxtinimada Trump

7 Saacadood ka horDiyaarado aan duuliye lahayn oo la soo riday

8 Saacadood ka horYaa mas’uul ka ah Iiraan?

9 Saacadood ka horSababta Imaaraadku dhiigga ugu kiciyay Soomaaliya

9 Saacadood ka horMadaxweynaha Somaliland oo u ambabaxay Imaaraadka

9 Saacadood ka horMaxay shirkadda ugu weyn adduunka ee konteenarrada u joojisay shixnadihii dekedda Berbera? Faahfaahin