අමාත්යංශ කිහිපයක් තායි විරෝධතා කරුවන් භාරයේ
Published
රජයට එරෙහි විශ්වාස භංග යෝජනාවක් තායිලන්ත පාර්ලිමේන්තුවේ විවාදයට ගැනෙද්දී, ඉරිදා පටන් වීදි බැස සිටින දශ ලක්ෂ සංඛ්යාත ජනකාය උද්ඝෝෂණය කරන්නේ අගමැතිනි යින්ලුක් ෂිනවත් ට ඉල්ලා අස් වන ලෙස බල කරමින්.
උද්ඝෝෂකයන් අගනුවර පුරා අමාත්යංශ කිහිපයක් අත් පත් කොට ගෙන තිබේ.
විරෝධතා කරුවන් පවසන්නේ අගමැතිනිය, විදේශ ගත ව සිටින ඇගේ වැඩිමහල් සොහොයුරු, හිටපු අගමැති තක්ෂින් ෂිනවත් ගේ රූකඩයක් බවයි.
අගමැතිනි යින්ලුක් ෂිනවත් මේ වනවිට අභ්යන්තර ආරක්ෂක නීතිය පනවා තිබේ.
