සජීවී., පාස්කු ප්‍රහාරය: නවුෆර් මවුලවි ඇතුළු 24 දෙනාට එරෙහි නඩු තීන්දුව අද

වසර 7කට පෙර එනම්, 2019 වසරේ පාස්කු ඉරුදින (අප්‍රේල් 21) කොළඹ ඇතුළු ප්‍රදේශ කිහිපයක සංචාරක හෝටල්, කිතුනු දේවස්ථාන ඇතුළු ස්ථාන ඉලක්ක කරගෙන මරාගෙන මැරෙන ත්‍රස්ත ප්‍රහාර එල්ල කිරීම සඳහා කුමන්ත්‍රණය කිරීම, ආධාර අනුබල දීම ඇතුළු චෝදනා 23,270ක් යටතේ නවුෆර් මවුලවි ඇතුළු විත්තිකරුවන් 24 දෙනෙකුට එරෙහිව පැවති නඩු විභාගයේ තීන්දුව අද (සැප්. 22) ප්‍රකාශයට පත් කිරීමට නියමිත ය.

සාරාංශය

නවුෆර් මවුලවි ඇතුළු 24 දෙනාට එරෙහි පාස්කු ප්‍රහාර නඩුවේ තීන්දුව අද
විත්තිකරුවන් අධිකරණයට රැගෙන එයි
අධිකරණ සංකීර්ණයේ ආරක්ෂාව තර කරයි
විත්තිකරුවන්ට එරෙහිව චෝදනා 23,270ක්
2019 වසරේ පාස්කු ඉරුදින කොළඹ ඇතුළු ප්‍රදේශ කිහිපයක සංචාරක හෝටල්, කිතුනු දේවස්ථාන ඇතුළු ස්ථාන ඉලක්ක කරගෙන මරාගෙන මැරෙන ත්‍රස්ත ප්‍රහාරය එල්ල විය
මෙම ප්‍රහාරයෙන් දිවි අහිමිවූ ගණන 270කට අධිකයි. ඔවුන් අතරින් 45 දෙනෙක් විදේශිකයින් වූහ. ප්‍රහාරවලින් තුවාල ලැබූ ගණන 500කට අධිකයි

සජීවී වාර්තාකරණය

බීබීසී සිංහල

මිනිත්තු 19 පෙරඅධිකරණ සංකීර්ණයට දැඩි ආරක්ෂාවක්
ඡායාරූප මූලාශ්‍රය, Ishara S. KODIKARA / AFP via Getty Images
කොළඹ ත්‍රිපුද්ගල විශේෂ මහාධිකරණය පිහිටා ඇති අධිකරණ සංකීර්ණය වෙත පිවිසෙන මාර්ග සහ ස්ථානවල ආරක්ෂාව තර කර ඇතැයි එහි සිටින බීබීසී සිංහල ඩිජිටල් වාර්තාකරු, ජ්‍යෙෂ්ඨ මාධ්‍යවේදී සම්පත් දිසානායක පවසනවා.
ඔහු සඳහන් කළේ, වෙන දා මෙන "පහසුවෙන් කෙනෙකුට අධිකරණ සංකීර්ණය වෙත පිවිසීමට නොහැකි" බවයි.
අධිකරණ සංකීර්ණය වෙත ඇතුළු වන පුද්ගලයින් දැඩි පරීක්ෂා කිරීම්වලට ලක් කළ බව ද ඔහු පැවසුවා.
"පොලිසිය, විශේෂ කාර්ය බළකා [සාමාජිකයින්] යොදවමින් ආරක්ෂාව තර කර තිබෙනවා," ඔහු වැඩිදුරටත් සඳහන් කළා.
මේ අතර, මෙම නඩු විභාගය වාර්තා කිරීමට පැමිණෙන මාධ්‍යවේදීන්ගේ තොරතුරු ඊයේ පොලිසිය විසින් ලබා ගන්නා ලද අතර එම මාධ්‍යවේදීන්ට පමණක් අධිකරණ පරිශ්‍රයට පැමිණීමට අවසර ලැබෙන බව පොලිසිය පැවසුවා.
පැයකට පෙරමේ දක්වා සිදුවුණේ කුමක් ද?
2019 වසරේ අප්‍රේල් 21 පාස්කු ප්‍රහාරය සිදුවී මේ දක්වා වසර 7ක් ගත වී තිබෙනවා.
එම ප්‍රහාරයෙන් පසු පළමු ජාතික ආරක්ෂක කවුන්සිල රැස්වීම පැවති අතර එහිදී හදිසි තත්ත්වයක් ප්‍රකාශයට පත් කිරීම සිදු වුණා.
බෝම්බ ප්‍රහාර මාලාව ගැන විමර්ශනය කිරීම සඳහා විශ්‍රාමික ශ්‍රේෂ්ඨාධිකරණ විනිසුරුවරුන් තිදෙනෙකුගෙන් යුත් ජනාධිපති විමර්ශන කමිටුවක් ජනාධිපති මෛත්‍රීපාල සිරිසේන විසින් එවකට පත් කෙරුණා.
මේ, එතැන් සිට අද දක්වා වූ සිදුවීම් පිළිබඳව කෙරෙන විමසා බැලීමක්.
සම්පූර්ණ ලිපිය මෙතැනින් කියවන්න...
පැයකට පෙරකොළඹ ත්‍රිපුද්ගල විශේෂ මහාධිකරණය අධිකරණය අසල තත්ත්වය
පැයකට පෙරBreaking, නවුෆර් මවුලවි ඇතුළු විත්තිකරුවන් 24 දෙනා අධිකරණය වෙත රැගෙන එයි
නවුෆර් මවුලවි ඇතුළු විත්තිකරුවන් 24 දෙනා අධිකරණය වෙත අධිකරණය වෙත රැගෙන විත් තිබෙනවා.
එහි සිටින අප වාර්තාකරු සඳහන් කළේ, උදෑසන 7:55ට පමණ ඔවුන් බන්ධනාගාර නිලධාරීන් විසින් අධිකරණයට රැගෙන ආ බවයි.
මේ වන විට අධිකරණය අවට ආරක්ෂාව සඳහා පොලිසිය සහ විශේෂ කාර්ය බළකා ඇතුළු ආරක්ෂක අංශ සාමාජිකයින් යොදවා ඇති බව ද අප වාර්තාකරු සඳහන් කළා.
පැය 2 කට පෙර2019 අප්‍රේල් 21 සිදුවුණේ කුමක් ද?
මරාගෙන මැරෙන බෝම්බකරුවන් 9 දෙනෙකු විසින් පහත දැක්වෙන ස්ථානවලදී බෝම්බ පුපුරුවා හැරියා.
ඉන් දිවි අහිමිවූ පිරිස 270කට අධික ය. ඒ අතරන් 45 දෙනෙක් විදේශිකයින්. ප්‍රහාරවලින් තුවාල ලැබූ පිරිස 500කට අධිකයි.
පැය 4 කට පෙරසුබ උදෑසනක්!
2019 වසරේ පාස්කු ඉරුදින (අප්‍රේල් 21) කොළඹ ඇතුළු ප්‍රදේශ කිහිපයක සංචාරක හෝටල්, කිතුනු දේවස්ථාන ඇතුළු ස්ථාන ඉලක්ක කරගෙන මරාගෙන මැරෙන ත්‍රස්ත ප්‍රහාර එල්ල කිරීම සඳහා කුමන්ත්‍රණය කිරීම, ආධාර අනුබල දීම ඇතුළු චෝදනා 23,270ක් යටතේ නවුෆර් මවුලවි ඇතුළු විත්තිකරුවන් 24 දෙනෙකුට එරෙහිව පැවති නඩු විභාගයේ තීන්දුව අද ප්‍රකාශයට පත් කිරීමට නියමිතව තිබෙනවා.
නවරත්න මාරසිංහ, රාමනාදන් කන්නන් සහ සුජීව නිශ්ශංක යන කොළඹ ත්‍රිපුද්ගල මහාධිකරණ විනිසුරු මඩුල්ල විසින් මෙම තීන්දුව ප්‍රකාශයට පත් කිරීමට නියමිතයි.
වසර පහකට ආසන්න කාලයක් පැවති මෙම දීර්ඝ නඩු විභාගය අගෝස්තු 24 වන දා අවසන් කෙරුණා.
අද උදෑසන මීට අදාළ නඩු විභාගය ආරම්භ වීමට නියමිත අතර බීබීසී සිංහල කණ්ඩායම එම තොරතුරු කොළඹ අලුත්කඩේ අධිකරණ සංකීර්ණයේ සිට ඔබ වෙත සජීවීව මෙම පිටුව ඔස්සේ ගෙන ඒමට බලාපොරොත්තු වෙනවා.