Why CBN revoke licenses of 46 Microfinance banks for Nigeria

Di Central Bank of Nigeria (CBN) don revoke di operating licenses of 46 Microfinance Banks for di kontri wit immediate effect.

For statement wey di highest bank for Nigeria release on Wednesday July 1, 2026, CBN tok say dem revoke di license "in accordance wit dia powers under Sections 12 and 13 of di Banks and Other Financial Institutions Act (BOFIA), 2020."

According to di statement wey Sidi-Ali, Hakama wey be di Ag. Director, Corporate Communications Department sign, Governor of di Central Bank of Nigeria, Mr. Olayemi Cardoso na im give di approval.

Na on Wednesday 1 July, 2026 di Microfinance banks go to stop to operate a dem don oficially lose dia license.

Why CBN revoke dia license

Di Central Bank of Nigeria say dis 46 banks don match line as dem fail to meet some of di requirements.

Di banks failure to meet di regulatory requirements wey go allow dem to continue

operation as licensed financial institutions.

According to di CBN statement, di revocation order action dey necessary sake of some circumstances wey include:

i. Insufficient assets to meet liabilities - Dem no get enuf money to meet liabilities incase of kasala or emergency wahala for di bank.

ii. Closure of operations without di CBN approval - Some of dem don already close business but dem no inform CBN bifor dem close dowm.

iii. Inactivity and cessation of financial intermediation - Some no dey do any banking activity or work.

iv. Failure to commence operations within 12 months of licence approval - Some of di banks neva start to operate even afta 12 months wey dem collect dia license.

v. Failure to maintain minimum capital funds unimpaired by losses.

CBN say one of di reasons why dem revoke di license dem na " part of di Bank ongoing efforts to safeguard di stability

of di financial sector, protect depositors, and ensure say licensed institutions comply wit current laws and regulatory requirements."

Di CBN say dia work na to promote safe, sound and resilient financial system wey go continue to take appropriate supervisory and regulatory actions wen e dey necessary.

Dis na to maintain public confidence for di Nigerian financial system.

Di 46 Microfinace banks dey across di kontri and dem dey for different categories.

See di one wey dey for your state inside di full list.

Full list of di Microfinance Banks

1 Minji-Se Churchill MFB - Rivers

2 Merchant MFB - Abia

3 Janmaa MFB - Kwara

4 Busu MFB - Niger

5 Gold MFB - Lagos

6 Zain MFB (Dawakin Tofa MFB) - Kano

7 Bompai MFB - Kano

8 Ajwa MFB (Gezawa) - Kano

9 Now Now Digital - Kano

10 Crystabel Microfinance Bank - Bayelsa

11 Chanelle MFB - Lagos

12 Abia SME MFB - Abia

13 Kamba MFB - Kebbi

14 Iwade MFB - Ogun

15 Winview MFB - Abuja

16 Zuru MFB - Kebbi

17 Minjibir MFB - Kano

18 Shanono MFB - Kano

19 Sumaila MFB - Kano

20 Rimin Gado MFB - Kano

21 Mwaghavul MFB - Plateau

22 Sycamore MFB - Kano

23 Tofa MFB - Kano

24 Safegate MFB - Lagos

25 Creekline MFB - Delta

26 Bestar MFB - Oyo

27 Livingspring MFB - CrossRiver

28 Apple MFB Tier - Ogun

29 Stanford MFB - AkwaIbom

30 Frontline MFB - Anambra

31 Zafec MFB - Kaduna

32 Supreme MFB - Lagos

33 Bejin-Doko MFB - Niger

34 Kanopoly MFB - Kano

35 Bellbank MFB (Tsanyawa) - Kano

36 Yeneng MFB - Plateau

37 Creditville MFB - Lagos

38 Mbag MFB - Lagos

39 Straight Sahara MFB - Benue

40 Ourpass MFB - Ondo

41 Verdant MFB - Lagos

42 Basawa MFB - Kaduna

43 Casha MFB - Abuja

44 Esteem MFB - Kano

45 Entrepreneur MFB - Lagos

46 Avantus MFB - Osun