Fifa World Cup 2026: Fixtures, tables, results

Di 2026 Fifa World Cup start on Thursday 11 June wit di opening match between Mexico and South Africa.

Host kontri Mexico beat South Africa 2-0 for di match wey record plenti drama as centre referee give three Red cards in one night.

South Africa collect two of di red cards while Mexico collect one.

For anoda Group A match between South Korea and Czech Republic, South Korea beat Czech Republic 2-1.

Czech Republic captain Ladislav Krejci score di opening goal in di 59th minute.

South Korea midfielder Hwang In-beom di equaliser for di home team but substitute Oh Hyeon-gyu score di winning goal for South Korea.

Di United States open dia World Cup campaign group D game wit impressive 4-1 victory against Paraguay as former Arsenal striker Folarin Balogun strike twice to inspire di co-hosts for Los Angeles.

Afta 90 minutes of actions, Brazil and Morocco share di point wit draw for di World Cup group C game.

Goal from Vinicius jnr give Brazil hope afta early lead by Morocco wit goal from Ismael Saibari

Scotland beat Haiti 0 - 1 to climb di top of group C table afta John McGinn score help di Scottish team to dia first World Cup win in 36 years.

On di oda hand, Australia beat Turkey 2- 0 afta 90 minutes of beautiful display.

Dis na di first time wey Curaçao go qualify to play for di World Cup but Germany no spare dem for dis opening game afta 7-1 win.

Four-time winner Germany score seven goals for di group E match.

Di tournament wey dey hold for three kontris - USA, Canada and Mexico fo end of 19 July.

Dis na di 23rd edition of di tournament but na di first in history to get 48 teams and three host countries.

Bifor now na 32 kontris bin dey participate for di World Cup tournament. Dis expansion allow some kontris wey neva qualify for di tournament bifor to participate.

Dis 23rd edition promise to dey exciting as e dey fill wit a mixture of old, middle age and young players from different kontris.

As dey excitement dey come, e also carry sadness sake of say some ogbonge players for di tournament to use di World Cup end dia career for international football.

Di tournament also get new ball wey get microchip inside wey dey read 500 times faster and di ball dey rechargeable.