قهرېدلی اوب اس (هیپو) د سیلانیانو کښتۍ تعقیبوي

په دې ویډیو کې ګورئ، چې د سیلانیانو یوه لېږدونکې کښتۍ له یوه قهریدلي اوب‌ اس (هیپوپوتانموس) تښتي.

پیل کې که څه هم د سیلانیانو لارښود کښتۍ د دې لپاره کراره کړه، چې دغه ژوی په غوسه نه شي، خو وروسته اړ شو چې کښتۍ تېزه کړي او وتښتي.

اوزنور بېل، چې دا ویډیو یې ثبت کړې وايي، دا یې د ژوند تر ټولو وېرونکې تجربه وه، ځکه په کښتۍ کې ورسره د دې درې ماشومان او نږدې ملګري هم سپاره وو.