Abair thusa gu bheil manaidsear a' Bhaile Ùir misneachail - mar as àbhaist!

"Tha mi gu math misneachail is tha mi dìreach 'son a dhèanamh a-nise agus an cupa a thoirt air ais a Bhaile Ùr an t-Slèibh", tha e ag ràdh.

Tha leas-mhanaidsear Cheann a' Ghiùthsaich, Ali MacLeòid, air a bhith a' bruidhinn ri Dòmhnall MacLaomainn againn.

Nuair a dh'fhaighnich Dòmhnall dha a bheil Roddy Young fut, 's e a fhreagair Ali ach "tha mi an dòchas".

Tha na h-uimhir de cheistean air a bhith ann mu Cheann a' Ghiùthsaich is na th' ann de chluicheadairean a tha air a bhith air an goirteachadh anns na mìosan mu dheireadh.

A dh'aindeoin an dualchais iomain bheartaich eatorra, chan eil Baile Ùr an t-Slèibh is Ceann a' Ghiùthsaich air coinneachadh sa chuairt dheireannaich mhòir ach seachd tursan gu seo.

Cha robh e comasach, cuimhnich, gu 1983, is gach cuairt dheireannach ron sin eadar tuath is deas.

Tha làmh an uachdair aig Ceann a' Ghiùthsaich anns na geamaichean sin, dìreach, is iad air ceithir às na seachd a bhuannachadh.

Tha am Baile Ùr air thoiseach uile gu lèir a thaobh Chupa na Camanachd ge-tà, 35 gu 26, agus 's iadsan a rinn a' chùis ann cuairt dheireannach Bhàideanach an-uiridh 3-2.

Alasdair MacIllinnein
Ag aithris à Pàirc Mossfield

Tha Roddy Young ann an sgioba Cheann a' Ghiùthsaich ach a dh'aindeoin gun deach ainmeachadh sa sguad - chan eil Dylan Borthwick fut. Tha e coltach gu bheil air a ghlùin a ghoirteachadh is chan eil e fut.

Bob MacGriogair

Robert Mabon

Calum Grannd

Kieran Mac a’ Phearsain

Alexander Michie

Rory MacEachainn

Calum MacLay

Thomas Borthwick

Ruaridh MacAnndrais

Roddy Young

Savio Genini

Lee Bain

Kenny Ros

Rory Ceannadach

Craig Ritchie

Daniel Sloss

Steven Dòmhnallach

Arron MacBheathain

Tristan Ros

Drew Dòmhnallach

Brodie MacBheathain

Struan Ros

Matthew Sloss

Iain Robinson

Tha feasgar air leth de dh'iomain romhainn ma-tha is bheir sinn thugaibh an naidheachd air fad às an Òban.

A' tòiseachadh dìreach an-dràsta tha prògram sònraichte aig Sgioba Spòrs BBC Radio nan Gàidheal - gheibhear an ceangal aig mullach na duilleige againn.

Bho 2f bidh ceangal ann cuideachd dhan phrògram air BBC ALBA is na dealbhan à Mossfield.

Fhad 's a tha sinn a' feitheamh air sin is fiosrachadh mu na sgiobaidhean, bheir sinn sgrìob luath tro beagan - agus dìreach beagan - den eachdraidh mhòir eadar Baile Ùr an t-Slèibh is Ceann a' Ghiùthsaich.

Tha i air a bhith rudeigin caochlaideach tron mhadainn san Òban le beagan grèine ach le frasan trom. Tha dùil ri barrachd dhiubh feasgar.

Saoil an toir sin buaidh sam bith air a' gheama?

Chan e sin idir a tha san amharc againn dhuibh an-diugh!

Ach bha na beachdan seo, a rèir choltais, am measg na chualas bho luchd-taice aig geama mòr iomain eadar Ceann a' Ghiùthsaich is Baile Ùr an t-Slèibh air ais ann an 1888.

'S iomadh turas a chluich fuamhairean Bhàideanach bhon uairsin agus 's iomadh sàr gheama a thug iad dhuinn (agus beagan aimhreit aig amannan cuideachd).

Tha a' chaibideil as ùire anns an stòiridh fhada gu bhith ann feasgar an-diugh is na sgiobaidhean a' coinneachadh aig Pàirc Mossfield airson na duais as motha ann an iomain nam fear - Cupa na Camanachd.

Bidh gach buille às an Òban againn dhuibh tron fheasgar beò an seo fhèin.