व्हेनेझुएला भूकंपानं हादरलं; पाहा विध्वंसानंतरचे 10 फोटो

बुधवारी (24 जून) संध्याकाळी व्हेनेझुएलाची राजधानी काराकसमध्ये एक प्रचंड भूकंप झाला. आतापर्यंत 32 जणांचा मृत्यू झाल्याची पुष्टी झाली आहे.

मात्र, मृतांचा आकडा हजारांपर्यंत पोहोचण्याची भीती व्यक्त केली जात आहे.

व्हेनेझुएलाची राजधानी कराकास येथे काही सेकंदाच्या अंतराने एकापाठोपाठ भूकंपाचे दोन तीव्र झटके आले. पहिला झटका 7.2 होता तर दुसरा 7.5 तीव्रतेचा होता.

'युनायटेड स्टेट्स जिओलॉजिकल सर्व्हे'च्या (USGS) मते, मृतांची संख्या 10 हजारच्या वर जाण्याची शक्यता 44 टक्के आहे.

देशाला उद्देशून केलेल्या भाषणात, व्हेनेझुएलाच्या हंगामी राष्ट्राध्यक्ष डेल्सी रॉड्रिग्ज यांनी आणीबाणी जाहीर केली आहे.

अमेरिकेचे राष्ट्राध्यक्ष डोनाल्ड ट्रम्प आणि भारताचे पंतप्रधान नरेंद्र मोदी यांनी या दुर्घटनेबद्दल दुःख व्यक्त केलं आहे आणि सर्वतोपरी मदतीची तयारी दर्शवली आहे.

या भूकंपामुळे इमारती उद्ध्वस्त झाल्या आहेत आणि लोक आपल्या घरातून निघून रस्त्यावर आले आहेत. आपली घरे रिकामे करावीत असे आवाहन गृहमंत्र्यांनी नागरिकांनी केले आहे.

नॅशनल हॉलिडे असल्यामुळे भूकंपावेळी अनेक लोक आपल्या घरी उपस्थित होते. स्थानिक वेळेनुसार संध्याकाळी 6.04 वाजता भूकंप आला.

भूकंपाचे केंद्र कराकासच्या पश्चिमेला मोंटालबान क्षेत्रात होते. हा झटका इतका तीव्र होता की कोलंबियाची राजधानी बोगोटापर्यंत याचे हादरे जाणवले.

व्हेनेझुएला हा भूकंप होण्याचा अत्यंत उच्च धोका असलेल्या प्रदेशात वसलेला देश आहे. इथे कॅरिबियन प्लेट आणि दक्षिण अमेरिकन प्लेट या दोन टेक्टोनिक प्लेट्स एकमेकांना मिळतात.

बीबीसीचे उत्तर अमेरिका प्रतिनिधी विल ग्रँट यांनी दिलेल्या माहितीनुसार, सोशल मीडियावर व्हायरल झालेल्या व्हीडिओंमध्ये अनेक इमारतींना तडे गेल्याचे दिसून येत आहे. काही इमारतींचे मोठे नुकसान झाले असून काही इमारती कोसळल्याही आहेत.

बीबीसीसाठी कलेक्टिव्ह न्यूजरूमचे प्रकाशन.