IKIBIRIRAHO, DR Congo: Ibirego by'uburiganya byadindije amatora yo gutakariza icyizere minisitiri w'ubutegetsi bw'igihugu

Amakuru y'ikibiriraho

Chançard Abimana na Didier Bikorimana

1. Iminota 26 irahezeDR Congo: Ibirego by'uburiganya byadindije amatora yo gutakariza icyizere minisitiri w'ubutegetsi bw'igihugu

   

   Ahavuye isanamu, Shabani Lukoo J / X

   Muri Repubulika ya Demokarasi ya Congo (DRC), ibirego by’uburiganya ku mazina y’abatanze icyifuzo cyuko inteko ishingamategeko itora igatakariza icyizere Minisitiri w’intebe wungirije akaba na Minisitiri w’ubutegetsi bw’igihugu, Jacquemain Shabani, byatumye kiba gihagaze.

   Ibi birimo kubonwa na benshi nk’amayeri ya politike yo kumukingira ikibaba.

   Ku wa gatatu, abadepite bari barimo kwitegura kujya impaka kuri icyo cyifuzo, bashinja Minisitiri Shabani ko iby’umutekano byamunaniye, kubangamira inzego zo mu ntara, no gukoresha nabi ububasha bwe hashingiwe ku ngingo ya 146 y’itegekonshinga rya DRC.

   Nta cyo Minisitiri Shabani yari yatangaza.

   Shabani, washyizwe kuri uwo mwanya mu 2024, yari umujyanama mukuru wa Perezida Félix Tshisekedi ndetse yari umwe mu bari bayoboye ibikorwa bya Tshisekedi byo mu mwaka wa 2023 byo kongera kwiyamamaza.

   Izindi nkuru wasoma:

   Manda ya gatatu ya Tshisekedi "Ni ho twerekeje" – Minisitiri wa RD Congo

   "Turaryohewe cane ko dutashe iwacu muri Congo" – Impunzi zatanguye gutahuka

   Gutorera umuti intambara nk'iyo mu buseruko bwa RD Congo si ikintu co kwihuta – intumwa ya Amerika

2. Iminota 27 irahezeMwaramutse neza!

   Ikaze kuri BBC Gahuzamiryango, aho tubagezaho amakuru yo mu karere no mu mahanga mu buryo bw'aka kanya.