والی بدخشان تاجیکستان در تصادف جادهای کشته شد
منبع تصویر، Tajik Parliament
علیشیر میرزانبات، والی ولایت مختار کوهستان بدخشان تاجیکستان، براثر سقوط موترش به رودخانهٔ پنج کشته شده است.
امامعلی رحمان، رئیسجمهور تاجیکستان، به نزدیکان و بازماندگان او تسلیت گفته است. وبسایت ریاست جمهوری تاجیکستان (عصر) امروز(چهارشنبه ۲۷ جوزا) با نشر این خبر، علیشیر میرزانبات را از جملهٔ مسئولانی خواند که «وظیفههای خدمتی خود را همیشه صادقانه و با مسئولیت بلند اجرا میکرد».
پیشتر وزارت داخله تاجیکستان گفته بود که موتر حامل والی بدخشان در راه بازگشت از پایتخت به شهر خاروغ، مرکز ولایت مختار کوهستان بدخشان به رودخانهٔ پنج سقوط کرده است.
رودخانهٔ پنج، تاجیکستان و افغانستان را از هم جدا میکند.
به نوشته منابع رسمی، سرنشینان دیگر موتر خدمتی یا رسمی علیشیر میرزانبات، والی بدخشان تاجیکستان، بهجز از او و رانندهاش، همسر، کودک و یاورش نیز بودند.
وزارت داخله تاجیکستان گفته است که این سانحه ساعت ۱۰:۴۰ دقیقهٔ امروز، چهارشنبه، ۱۷ جون، در فاصله ۲۸۲ کیلومتری جادهٔ «دوشنبه ـ خاروغ»، در حدود ناحیهٔ درواز این کشور رخ داده است.
این وزارت، علت دقیق این حادثه را ذکر نکرده است، اما از «سرعت بلند» «لند کروزیر-۲۰۰» یادآور شده و نوشته است که موتر والی بدخشان تاجیکستان دو پایه و سیمخار کنار جاده را شکسته و سپس به رودخانهٔ پنج سقوط کرده است. در محل حادثه بخشهایی از سپر موتر و پلاک آن پیدا شده است.
با این حال، مقامهای تاجیکستان دربارهٔ سرنوشت راننده و سرنشینان دیگر تاکنون چیزی نگفتهاند.
رودخانه پنج، آب فراوان و موجهای تندی دارد.
طبق خبرهای رسمی، رمضان رحیمزاده، وزیر داخله تاجیکستان، سیمؤمن یتیمف، رئیس کمیتهٔ دولتی امنیت ملی و رجبعلی رحمانعلی، رئیس کمیتهٔ امور اضطراری، به دستور امامعلی رحمان، رئیسجمهور تاجیکستان، در محل حادثه حضور دارند و قضیه را پیگیری میکنند.
رئیسجمهورتاجیکستان به طور مستقیم روند تحقیق این تصادف جادهای را زیر نظر دارد.
علیشیر میرزانبات ۴۶ سال داشت و زادهٔ ناحیهٔ روشن ولایت مختار کوهستان بدخشان تاجیکستان بود. او از پاییز سال ۲۰۲۱ سمت والی بدخشان تاجیکستان را بر عهده داشت.
آقای میرزانبات همزمان معاون رئیس مجلس ملی یا مجلس علیای پارلمان تاجیکستان نیز بود.
روز سهشنبه، ۱۶ جون، جلسهٔ مجلس ملی پارلمان در شهر دوشنبه برگزار شد. والی بدخشان تاجیکستان در این نشست حضور داشت و ظاهراً امروز با موتر رسمی خود عازم شهر خاروغ ـ مرکز ولایت بدخشان بوده است.
علیشیر میرزانبات پیش از تعیین شدنش به سمت والی بدخشان، معاونت رئیس کمیتهٔ دولتی امنیت ملی تاجیکستان را بر عهده داشت و رتبهٔ نظامیاش تورن جنرال بود.
